Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

«Լապտերիկ» մանկապարտեզի տնօրեն Գայանե Հովհաննիսյանի ձերբակալության լուրն անակնկալի էր բերել մանկապարտեզի աշխատակիցներին: Մեզ հետ զրույցում նրանք ասում էին, որ թեպետ գիտեին տնօրենին վերագրվող չարաշահումների առթիվ հարուցված քրեական գործի մասին, ավելին, իրենք նույնպես հարցաքննվել են, բայց նրա ձերբակալվելն անսպասելի էր: Այդ մասին տեղեկացել են լրատվամիջոցներից:

Ու չնայած քննչական կոմիտեի հաղորդագրությունից տպավորություն է ստեղծվում, որ Գայանե Հովհաննիսյանը մինչեւ վերջին օրերը ներկայացել է աշխատանքի, մանկապարտեզում ասում էին, որ նա դեկտեմբերից արձակուրդում է եւ արդեն որոշակի ժամանակ աշխատանքի չէր գալիս: Տնօրենին այժմ փոխարինում է մանկապարտեզի մանկավարժ-մեթոդիստը, որը կտրականապես հրաժարվեց մեր որեւէ հարցի պատասխանել: Մյուս աշխատակիցները նույնպես ոչինչ ասել չէին ցանկանում, իսկ դաստիարակներից մեկի նյարդերը տեղի տվեցին եւ նա դուռը շրխկոցով փակեց լրագրողների դեմքին:

«Մեզ համար էլ էր շատ մեծ անակնկալ: Եկեք չպատասխանենք, մենք էլ ենք շատ ծայրահեղ վիճակում, որովհետեւ մենք էլ ենք շատ շոկային վիճակում: Դրա համար ինձ թվում է, որ մեզ հանգիստ թողնեք այս պահին, լավ կլինի: Ուրիշ բան չունեմ ասելու ձեզ», «Չեմ կարող պատասխանել, քննչականը մեզ արգելել է որեւէ ինֆորմացիա, որեւէ բան ասել: Մենք նույնիսկ թուղթ ենք ստորագրել: Մենք ոչինչ չենք կարող պատասխանել»,- արձագանքեց մեկ այլ աշխատակից:

Երեխաներին տուն տանելու եկած որոշ ծնողներ նույնպես լրատմավիջոցներից էին իմացել տնօրեն Գայանե Հովհաննիսյանի ձերբակալության մասին: Որոշներն առաջին անգամ լսեցին մեզնից: Երկու դեպքում էլ վստահեցնում էին, որ փոքրիկներին տրվող սննդից դժգոհություն չեն ունեցել:

Այսօրվա ճաշացանկով, որը տեղադրված էր մանկապարտեզի միջանցքում, նախաճաշի համար նախատեսված էր կարագ, ջեմ, թխվածքաբլիթ, թեյ եւ հաց: Ճաշի համար՝ բրնձով, հավով ապուր, մակարոնով փլավ, մածուն եւ հաց: Ետճաշին, ըստ ցանկի, երեխաները կերել են վարսակի փաթիլներով շիլա, հաց, բանան:

Հիշեցնենք, նախնական քննության տվյալներով՝ մանկապարտեզի տնօրենը, պաշտոնեական դիրքն օգտագործելով, 2014թ. սկզբներից մինչեւ 2019թ. հունվարի 17-ն ընկած ժամանակահատվածում առերեւույթ յուրացրել է իրեն վստահված, մանկապարտեզի երեխաների բաժին հանդիսացող, դեռեւս չհաշվարկված արժեքի սննդի մի մասը, ինչպես նաեւ՝ յուրացման եղանակով առերեւույթ հափշտակել մանկապարտեզում հրամանագրված, սակայն փաստացի չաշխատող անձանց անվամբ փոխանցված, առանձնապես խոշոր չափի` 13.357.941 ՀՀ դրամ գումարը։

«Քննության տվյալներով՝ մանկապարտեզի տնօրենը, 2001 թվականից զբաղեցնելով «Լապտերիկ» համայնքային ոչ առեւտրային կազմակերպություն հանդիսացող մանկապարտեզի տնօրենի պաշտոնը, պաշտոնեական դիրքն օգտագործելով, նախնական համաձայնության գալով մի խումբ անձանց հետ, տեւական ժամանակ` 2014թ. սկզբներից մինչեւ 2019թ. հունվարի 17-ն ընկած ժամանակահատվածում, յուրացման եղանակով հափշտակել է մանկապարտեզի սաներին հատկացված եւ իրեն վստահված սննդամթերքից: Տնօրենը, աշխատատեղը պահպանելու պայմանով, մանկապարտեզի խոհարարից պահանջել է, որ մանկապարտեզ հաճախած երեխաների կերակրման համար նախատեսված ճաշացանկում ընդգրկված ճաշատեսակների պատրաստման համար նախատեսված եւ յուրաքանչյուր օր պահեստից բաց թողնվող սննդամթերքից, իրեն մասնաբաժին հատկացնելու համար, առանձնացնի որոշակի չափաբաժիններ», «2019թ. հունվարի 17-ին, օրենքով սահմանված կարգով իրականացված խուզարկության արդյունքում մանկապարտեզի տնօրենի աշխատասենյակից հայտնաբերվել եւ առգրավվել է 2019թ. հունվարի 15-17-ն ընկած ժամանակահատվածում խոհարարի օժանդակությամբ առանձնացված սննդամթերքը: 2019թ. հունվարի 21-ին մանկապարտեզի տնօրենը ձերբակալվել է՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով հանցագործություն կատարելու կասկածանքով»,- մասնավորապես ասված էր Քննչական կոմիտեի հաղորդագրության մեջ:

Դեպքի առթիվ հարուցված քրեական գործը ՀՀ քրեական օրենսգրքի 179-րդ հոդվածի 3-րդ մասի 1-ին կետի հատկանիշներով է: Նշված դրույթը վերաբերում է յուրացնելուն կամ վատնելուն՝ հանցավորին վստահված ուրիշի գույքը հափշտակելուն, որն արվել է առանձնապես խոշոր չափերով: Նշված արարքը, ըստ մեջբերված դրույթի, պատժվում է ազատազրկմամբ 5-8 տարի ժամկետով:

Նշենք, որ ըստ հավաստի տեղեկությունների, երեխաների սննդից յուրացված մասը տնօրենն ուղարկել է իր ընտանիքին պատկանող ռեստորան: Մեզ նաեւ հայտնի դարձավ, որ Գայանե Հովհաննիսյանի որդին աշխատում է Երեւանի քաղաքապետարանի աուդիտի բաժնում, որպես տեսուչ: Իսկ ամուսինը ՀՀ վերահսկիչ պալատի չորրորդ վարչության պետն է:

Իր բարեկարգությամբ միանգամից աչքի ընկնող «Լապտերիկ» մանկապարտեզը, որը գտնվում է Էրեբունի վարչական շրջանում, վերանորոգվել է անցյալ տարի՝ «Լույս» եւ «Բիայնա» բարեգործական հիմնադրամների աջակցությամբ: Վերաբացման տոնական միջոցառման ժամանակ, որին, ի դեպ, ներկա էին այն ժամանակ առաջին տիկին Ռիտա Սարգսյանն ու քաղաքապետ Տարոն Մարգարյանը, տնօրեն Գայանե Հովհաննիսյանն ասել էր. «198 երեխա է հաճախում մանկապրտեզ: Ուղղակի անապահով ընտանիքների երեխաներ են հիմնականում»:

Տպել
10045 դիտում

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ