Միքայել Մինասյանը կենդանության նշաններ է ցույց տալիս. Սերժ Սարգսյանի փեսայի հետ ԱԺ-ում համաձայն չեն

Խորհրդարանական «Լուսավոր Հայաստան» եւ «Բարգավաճ Հայաստան» խմբակցությունները լուրջ չեն վերաբերվում Սերժ Սարգսյանի փեսայի՝ Վատիկանում ՀՀ նախկին դեսպան Միքայել Մինասյանի այն հայտարարությանը, որ խորհրդարանում իրական ընդդիմություն չկա: Հիշեցնենք, որ հունվարի 17-ին Մինասյանը հարցազրույց է տվել կայքերից մեկին եւ ասել, որ Հայաստանի ժողովուրդը դեռ ոչ մեկին չի տվել ԱԺ-ում կամ դրանից դուրս ընդդիմություն լինելու իրավունքը, որովհետեւ մեր ժողովուրդն այսօր ընդդիմություն ունենալ չի ուզում։ «Ժողովուրդը ձայնը տվել է իշխող մեծամասնությանը, իսկ մյուս ուժերը ձայն են ստացել որպես «Իմ քայլին» կից ուժեր։ Ի վերջո գոնե նախընտրական շրջանում ո՛չ ԲՀԿ-ն, ո՛չ էլ «Լուսավոր Հայաստանն» առանձնապես չխոսեցին այն մասին, որ իրենք ընդդիմություն են «Իմ քայլին»՝ հաստատաբար գիտակցելով ու զգալով մարդկանց տրամադրությունները։ Իսկ ապագայում ընդդիմությունը դատապարտված է ձեւավորվել ԱԺ-ից դուրս»,- ասել է նա։

«Լուսավոր Հայաստան» խմբակցության ղեկավար Էդմոն Մարուքյանը «Հայկական ժամանակ»-ի հետ զրույցում ասաց, որ Միքայել Մինասյանն այն մարդը չի, որ կարողանա Հայաստանում ներքաղաքական խնդիրների վերաբերյալ գնահատականներ տալ: «Նախկին իշխանությունների գնացքը վաղուց գնացել է եւ Միքայել Մինասյանն էլ նախկին իշխանությունների ներկայացուցիչ է: Մեզ ընդհանրապես չի հետաքրքրում, թե ինչ է նա ասում»:

Էդմոն Մարուքյանը նշեց, որ բոլոր այն փորձերը, որոնք կարվեն խորհրդարանից դուրս ընդդիմություն ձեւավորելու համար, դատապարտված են: «ԼՀԿ-ն, որպես խորհրդարանական ուժ, ամեն ինչ անելու է, որ որեւէ հարց խորհրդարանից դուրս չմնա եւ բոլորը բերվելու են ԱԺ հարթակ: Ես հորդորում եմ սիզիփոսյան աշխատանքով չզբաղվել»:

Էդմոն Մարուքյանն ասում է, որ հասարակությունն արդեն իսկ իր համար ընտրել է ընդդիմություն: Հարցին՝ արդյո՞ք Միքայել Մինասյանի ակտիվությունը պայմանավորված է նրանով, որ նա ցանկանում է վերադառնալ քաղաքականություն, Մարուքյանը պատասխանեց. «Նման կենդանության նշաններ է ցույց տալիս, բայց որեւէ շանս չկա»:

«Բարգավաճ Հայաստան» խմբակցության ղեկավար Գագիկ Ծառուկյանն էլ ԱԺ-ում մեկնաբանելով Սերժ Միքայել Մինասյանի հայտարարույթունը, թե ԱԺ-ում իրական ընդդիմություն չկա, ԲՀԿ-ն եւ ԼՀԿ-ն «Իմ քայլին» կից ուժեր են, ՀԺ-ի հետ զրույցում ասաց. «Ով ինչ ասում է՝ իրա համար է ասում, դու ուզում ես, որ ես երկու բառ ասեմ, բայց Ծառուկյանին հունից չեք կարող ասել: Եթե անվանական Ծառուկյանին, ԲՀԿ-ին ասի, դա՝ ուրիշ»:

ՀԺ-ի դիտարկմանը, որ խորհրդարանում երկու ուժ կա, որից մեկն էլ ԲՀԿ-ն է եւ ըստ էության Մինասյանի խոսքն ուղղված էր նաեւ ԲՀԿ-ին, Ծառուկյանը մեկնաբանեց. «Մենք կենտրոնամետ ուժ ենք, մեր ցանկությունն է, որ լինի տնտեսական հեղափոխություն, որ մարդիկ հետ գան: Մենք հազար խնդիր ունենք լուծելու, եղբայր, եթե ամեն մեկս պետք է մյուսի վրա պարապի, ստորակետ գտնի...»:

ԲՀԿ-ից մեկ այլ պատգամավոր էլ՝ Նաիրա Զոհրաբյանը, ՀԺ-ի հետ զրույցում անդրադառնալով Մինասյանի հայտարարությանն ասաց, որ յուրաքանչյուր ոք, այդ թվում նաեւ Միքայել Մինասյանը, իրավունք ունի ունենալ կարծիք: «Այսօր «Իմ քայլը» իշխանություն է, ԲՀԿ-ն եւ ԼՀԿ-ն էլ ընդդիմություն են՝ որքան էլ, որ առանձին գործիչներ ցանկացած այլ ձեւակերպումներ տան: Իսկ ինչպիսի ընդդիմություն կլինեն, կաշխատենք, կտեսնենք: Ես ձեզ վստահեցնում եմ, որ ԲՀԿ-ն ԱԺ-ում որպես ընդդիմություն կատարելու է իր լիազորությունները»:

Դիտարկմանը, որ Միքայել Մինասյանը հայտարարել է, թե այս պահին հասարակությանն ընդդիմություն անհրաժեշտ չէ, Նաիրա Զոհրաբյանն ասաց. «Ես կարծում եմ, որ Միքայել Մինասյանն առաջիկայում կունենա մամուլի խոսնակ, որը կպարզաբանի նրա խոսքերը: Ես Միքայել Մինասյանի խոսնակը չեմ»:

ԼՀԿ-ից Արման Բաբաջանյանն էլ հայտարարում է, որ Միքայել Մինասյանը փորացավ ունի, որը բոլորին է հայտնի: «Ես ինչու պետք է մեկնաբանեմ Միքայել Մինասյանի խոսքերը: Ես նրա փորացավն էլ եմ հասկանում: Լուսանցք նետված քաղաքական գործիչներ, նախկին պաշտոնյաներ, ՀՀԿ-ական նախկին գործիչներ միմյանց հերթ չտալով խոսում են ԱԺ-ում ԼՀԿ-ի կատարած գործողությունների մասին: Չենք հայտարարում մեզ ընդդիմություն, մենք այդպիսին ենք եւ մեր գործունեությունը եւ մեր անելիքը դրա վկայությունն է: Մենք պատվիրակված ենք մեր ներկայությամբ ԱԺ-ում լինենք ընդդիմություն եւ մեր աշխատանքը կատարելու ենք սրբորեն:

Յուրաքանչյուր մարդու իրավունք է՝ փորձեր անել քաղաքականություն վերադառնալու եւ դրսեւորվելու: Ես համոզված եմ, որ ժողովրդի ընտրությունը պետք է հարգել, մենք էլ, որպես քաղաքական դիրքավորված ուժ, ամենի ինչ անելու ենք, որ քաղաքական օրակարգը պահենք ԱԺ-ում եւ այդ օրակարգը բացառապես տեղի ունենա խորհրդարանում, որովհետեւ խորհրդարանից դուրս գտնվող ուժերը կարող են ոչ քաղաքական դրսեւորումներ բերեն, որոնք չեն բացառում զենքով իշխանության գալու փորձերը»,- ասաց նա:

Տպել
4537 դիտում

Բաղրամյան պողոտայում ստիպված ուժ կիրառվեց, ոչ թե բռնի, այլ համաչափ ֆիզիկական ուժ. ոստիկանություն

Հարեւանիս 30 խոզը կոտորվան, իմոնց բան չեղավ. Վիետնամական ցեղատեսակի խոզերը պահանջարկ ունեն Տավուշում (լուսանկարներ)

Սյունիքի նախկին մարզպետ Սուրիկ Խաչատրյանը կոմայի մեջ է․ Սեյրան Սարոյան

Պատկերացնո՞ւմ եք, երեխան ասում ա՝ պապա 1-ն ու պապա 2-ը եկան․ Սեյրան Սարոյանը՝ Ստամբուլյան կոնվենցիայի մասին

Չեմ հավատում, որ տենց բան կարա լինի, սութի շուխուռ ա․ Սարոյանը՝ Սերժ Սարգսյանի հնարավոր ձերբակալության մասին

Վարչապետը գաղտնազերծեց արվեստի գլուխգործոցները դպրոցներ տանելու գաղափարի մանրամասները

Ալիկ Սարգսյանը եւ այլք զբաղված են եղել հետին թվով նոր զեկուցագրեր պատրաստելով. Սեդա Սաֆարյան

Արդարադատության նախարարը խոսել է ցմահ դատապարտյաների հետ. նրանք բարձրաձայնել են մի շարք խնդիրներ

Սեյրան Սարոյանը համաձայն է, որ Մանվել Գրիգորյանի օրոք Էջմիածնում վախի մթնոլորտ է եղել

Նախարար Ֆելիքս Ցոլակյանը մանրամասներ է ներկայացրել հրդեհի և հրդեհաշիջման աշխատանքների ընթացքի վերաբերյալ. տեսանյութ

Հարթաշեն և Քարահունջ համայնքներում արձանագրվել են խոզերի անկման դեպքեր. ԱԻՆ

Դադարում եմ լինել առողջապահության նախարարության ուռուցքաբանության գծով խորհրդատու. Գեւորգ Թամամյանի խոսքը՝ նախարարին

Խնդրում եմ ազատել ինձ Շիրակի պետական համալսարանի հոգաբարձուների խորհրդի անդամ լինելու պաշտոնից. Գայանե Շագոյան

Նիկոլի հետ խոսել եմ Մանվելի մասին, որ հանկարծ էդ մարդը չմեռնի բերդերում, խայտառակ լինենք․ Սեյրան Սարոյան

«Քո գիտությունը դպրոցում». գալիք ուսումնական տարում դպրոցներում կիրագործվի նոր ծրագիր

ԱԱԾ-ն էներգետիկ համակարգի խափանման գործով լրացուցիչ փորձաքննության անհրաժեշտություն է տեսել

Ինչքան ճանաչված մարդ կա, պիտի պախարակեն․ սուտ տարածում ա, թե գեներալ Սեյրանին պառկացրին գետնին․ Սեյրան Սարոյան

Էջմիածնի քաղաքապետ Դիանա Գասպարյանի դեմ ներկայացված հայցը վարույթ է ընդունվել

Գյումրու տոնի գլխավոր համերգին Նունե Եսայանն իր մասնակցության համար գումար չի պահանջել. Լիլիթ Թովմասյան

Ավտոմեքենան դուրս է եկել ճանապարհի երթևեկելի հատվածից և ընկել ձորը. կա տուժած. ԱԻՆ