Tiv1.am կայքի ֆինանսավորողները, փաստացի, ֆեյքեր են․ Վարդուհի Սիմոնյան

17/01/2019 schedule18:50

«Tiv1.am» լրատվական կայքը, որն իր աշխատանքները սկսել էր մի քանի ամիս առաջ, 16 օրից ավելի է՝ փակված է։ Այս մասին կայքի գլխավոր խմբագիր Վարդուհի Սիմոնյանը հայտնել էր իր ֆեյսբուքյան էջում՝ տարածելով հանցագործության մասին հաղորդում։ Գլխավոր խմբագիրը գրել էր, որ կայքի աշխատակիցներին հեռացրել են աշխատանքից՝ առանց հիմնադիր կազմին եւ գլխավոր խմբագրին ծանուցելու։ Այս պահին աշխատավայրի բոլոր փականները փոխված են, եւ աշխատակիցները չեն կարողանում այնտեղ մուտք գործել՝ անգամ սեփական իրերը վերցնելու, համակարգիչների անձնական տվյալները փակելու համար:

Կայքի գլխավոր խմբագիր Վարդուհի Սիմոնյանը «Հայկական ժամանակ»-ի հետ զրույցում պատմեց, որ ամիսներ առաջ իրեն գրել է իր վաղեմի ծանոթ Էդգար Բաբայանը՝ առաջարկելով ռուսաստանցի ներդրող ոմն Նորայր Աճամյանի ֆինանսավորմամբ մեդիագործունեություն ծավալել Հայաստանում:

Սիմոնյանն ու Բաբայանը պայմանավորվել են, համաձայնության եկել, որ կայքը քաղաքական որեւէ դիրքորոշում չպետք է ունենա, պետք է գործի ազատ եւ անկախ։ Էդգար Բաբայանը Սիմոնյանին վստահեցրել է նաեւ, որ ֆինանսավորումը շարունակական է լինելու:

Ըստ պայմանավորվածության՝ Վարդուհի Սիմոնյանը դարձել է «Tiv1.am» կայքի գլխավոր խմբագիրը, ստեղծել աշխատանքային թիմ, ստացել լրատվամիջոցի 30 տոկոս բաժնեմասը, իսկ մյուս 70 տոկոսը պատկանել է ֆինանսական ներդրողին։

Գլխավոր խմբագիր Վարդուհի Սիմոնյանը մեր զրույցում ասաց, որ չնայած կայքը ամիսներ շարունակ աշխատել է, աշխատակիցների հետ աշխատանքային պայմանագրեր կնքված չեն եղել․

«Սկզբում Էդգարը պայմանագրեր բերեց, բայց այնտեղ խայտառակ կետեր էին։ Մենք խնդրեցինք, որ փոխի։ Ինքն էլ տարավ, ասաց, որ կվերաձեւակերպի, կբերի։ Բայց այդպես էլ ձգձում էր, այսօր-վաղն էր գցում ու պայմանագրեր չէր բերում։ Իմ դրությունը գոնե մի քիչ ապահով էր, ես 30 տոկոս բաժնետեր էի, բայց էրեխեքին ամեն օր ասում էի՝ դուք դեռ պայմանագրեր չունեք, անպայման պահանջեք»,-ասաց Սիմոնյանը։

Վերջինս նշեց, որ լրագրողներն ու մյուս աշխատակիցները նոյեմբեր-դեկտեմբեր ամիսներին աշխատավարձեր չեն ստացել։ Այդ հարցով կայքի լրագրողներից Արթուր Հովհաննիսյանը դիմել է կայքի հաշվապահին, իսկ հաշվապահը տեղեկացրել է, որ իրենք բոլորը աշխատանքից հեռացված են․

«Այն էլ ինչ՝ Աշխատանքյաին օրենսգրքի ամենաստորացուցիչ հոդվածով են հեռացրել, որով սովորաբար ֆինանսական պատասխանատուներին են հեռացնում՝ 113-րդ եւ 122-րդ հոդվածների համաձայն՝ անվստահություն են հայտնել։ Եւ ամենապարադոքսալը՝ օրինակ՝ Արթուրին աշխատանքից հեռացրել են դեկտեմբերի 22-ին, բայց այդ մարդիկ մինչեւ ամսի 29-ը ուղիղ եթերում են եղել։ Այսինքն, եթե էդ մարդկանց անվստահություն եք հայտնել, հեռացրել, ո՞նց են հայտնվել եթերում, գրավե՞լ են եթերը»,-մեր զրույցում պատմեց Վարդուհի Սիմոնյանը։

Նա նշեց, որ աշխատանքից հեռացվելու մասին իմանալուց հետո աշխատակիցները գնացել են գրասենյակ՝ իրենց անձնական իրերը վերցնելու, բայց տեսել են, որ բոլոր դռների փականները փոխված են, դռները՝ զմռսած, իսկ իրենց անձնական իրերը՝ ներսում։

«Մենք որեւէ քաղաքական գիծ չունեինք, բացառիկ ազատ ու անկախ պայմաններում ենք աշխատել։ Այս ողջ պատմությունից հետո եմ ասում՝ գուցե քաղաքական գիծը հետո պիտի լիներ, դրա համար են մեզ դուրս արել։ Ամբողջ թիմը հեռացվել է աշխատանքից։ Լրագրողական համայնքի նկատմամբ այդպիսի վերաբերմո՞ւնք։ Եւ ես այս ամենից հետո ասում եմ՝ եղբայր, գոնե վճարեք էդ մարդկանց, ու բացի դա՝ քրեական հոդված է ենթադրում, երբ մարդու աշխատանքային վայրը փակում ես, իրեն թույլ չես տալիս իր անձնական իրերը վերցնի»,-ասաց Վարդուհի Սիմոնյանը։

Նա նշեց, որ ֆինանսական ներդրողն անգամ Երեւան չի եկել՝ հասկանալու կամ բացատրելու՝ ինչ է կատարվում․

«Այնտեղից միայն գրեց՝ կերեք իրար, դա ինձ դուր է գալիս, պատկերացնո՞ւմ եք»,-պատմեց կայքի գլխավոր խմբագիրը՝ հավելելով, որ, չնայած իրենք հստակ պայմանավորվել էին, պլանավորել աշխատանքը, այդուհանդերձ ինքը որոշ ժամանակ անց հասկացել էր, որ մի բան այն չէ, որովհետեւ Բաբայանը չէր բերում աշխատանքային պայմանագրերը, չէր գրանցում գրասենյակի տեխնիկան եւ այլն։

Մեր հարցին՝ արդյոք կա՞ տեղեկություն՝ կայքը նոր աշխատակիցներ ունի, թե ոչ, Սիմոնյանը պատասխանեց, որ դա անօրինական կլինի, քանի որ ԹԻՎ1 բրենդն արդեն 20 տարի է պատկանում է իրեն եւ նրա ամբողջ արխիվը պահվում է «Հայհեղինակի» պահոցում․ «Իմիջիայլոց, կայքի մենյուի, վիդեոնախագծերի վրա նույնպես տարածվում է իմ հեղինակային իրավունքը, եւ ոչ մեկն իրավունք չունի առանց իմ թույլտվության օգտագործել իմ մտավոր կապիտալը»,-ասաց Սիմոնյանը։

եւ բացի այդ՝ Tiv1 բրենդի հեղինակային իրավունքները պատկանում են իրեն․ «Ես դեռ քսան տարի առաջ եմ ԹԻՎ1 հաղորդումը վարել, եւ, որպես բրենդի հեղինակ, համաձայնություն չեմ տա, որ այդ անվան տակ որեւէ հաղորդում ներկայացնեն հետագայում»,-ասաց Սիմոնյանը։

Վարդուհի Սիմոնյանը մեր զրույցում ասաց, որ եւ Էդգար Բաբայանը, եւ ֆինանսական ներդրողը, փաստացի, ֆեյքեր են։

Սիմոնյանը նաեւ հայտնեց, որ դատախազությունը հիմք է ընդունել հանցագործության մասին իր հաղորդումը եւ արդեն զբաղվում է գործով։

Տպել
4340 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան