Մասիսի քաղաքապետը 2 անգամ խրախուսել եւ աշխատանքից ազատել է քաղաքապետարանի աշխատակիցներին

Մասիսի քաղաքապետ Դավիթ Համբարձումյանը որոշել է օպտիմալացնել քաղաքապետարանի աշխատակազմը՝ կրճատելով քաղաքապետի աշխատակազմի մի քանի հաստիք, ինչի հետեւանքով աշխատանքից ազատվել են քաղաքապետարանի վարորդ Սարգիս Սարգսյանը, քաղաքապետի երեք օգնականները՝ Արթուր Մարտիրոսյանը, Սերգեյ Կիրակոսյանը, Լյովիկ Գրիգորյանը եւ խորհրդական Արմինե Գուլոյանը։ Հիշյալ աշխատակիցների հետ կնքված աշխատանքային պայմանագրերը լուծելու մասին քաղաքապետի որոշումները կայացվել են դեռեւս նախորդ տարվա դեկտեմների 20-ին եւ ուժի մեջ մտել ս․թ․ հունվարի 1–ին։ Քաղաքապետի համապատասխան որոշումներից տեղեկանում ենք, որ աշխատանքից ազատված աշխատակիցներին վճարվել է արձակման նպաստ։

Քաղաքապետի տեղակալ Նորայր Հակոբյանը մեր հարցն ի պատասխան, թե ինչն է եղել կրճատան պատճառը, արդյո՞ք ավելորդ ծախսերից խուսափելու նպատակով, արձագանքել է, թե համայնքային աշխատողներ չեն կրճատվել։ /Ազատվողները հայեցողական պաշտոններում աշխատողներ են եղել/։ «Զուտ աշխատանքային կազմակերպման հետ է կապված։ Ավելորդ ծախս չի եղել, դա հաստատ»։  Քաղաքապետն այժմ ունի երեք տեղակալ, մեկ օգնական եւ մամուլի քարտուղար։ Նշենք նաեւ, որ քաղաքապետ Համբարձումյանը նույն օրը՝ դեկտեմբերի 20-ին, իր մեկ այլ որոշմամբ խրախուսել է քաղաքապետերանի աշխատողներին՝ տրամադրելով  միանվագ դրամական պարգեւատրում պաշտոնային դրույքաչափի 100 տոկոսի չափով։

Ի դեպ, այս որոշումից մոտ մեկ ամիս առաջ էլ՝ նոյեմբերի 13-ի իր որոշմամբ, Մասիսի քաղաքապետը, իր հերթական արձակուրդից  առաջ, աշխատակազմի աշխատակիցներին խրախուսելու որոշում էր կայացրել՝ պաշտոնային դրույքաչափի 100 տոկոսի չափով։ Որոշմանը կից փաստաթղթից տեղեկանում ենք, սակայն, որ մասնավորապես փոխքաղաքապետ Նորայր Հակոբյանը խրախուսվել է 100 տոկոսի չափով, մյուս երկու փոխքաղաքապետերը՝  Խորեն Արոյանն ու Կարեն Օհանյանը, երեք պահակներն ու երեք հավաքարարները, քաղաքապետի երեք օգնականներն ու մեկ խորհրդականը 50 տոկոսով էին խրախուսվել, աշխատակազմի ղեկավարը, մամուլի քարտուղարն ու երեք բաժինների պետերը՝ նույնպես 100 տոկոսով, իսկ քաղաքապետարանի քարտուղարուհին՝ 80 տոկոսի։

Հիշեցնենք, որ Մասիսի քաղաքապետ Դավիթ Համբարձումյանը գրավով ազատ է արձակվել անցած տարվա սեպտեմբերին։ Նրան մեղադրանք է առաջադրվել 2018 թվականի ապրիլի 22-ին Հայանիստ-Հովտաշատ գյուղերի խաչմերուկում տեղի ունեցած միջադեպի փաստով, ինչպես նաեւ նաեւ ապրիլի 22-ին Էրեբունի վարչական շրջանում տեղի ունեցած զանգվածային անկարգությունների փաստով։ Սույն  գործերը մեկ վարույթում են: Նրա եղբայրը՝ Գոռ Համբարձումյանը, մեղադրյալ է մեկ այլ գործով՝ ապրիլի 16-ին Կորյուն-Հերացի խաչմերուկում տեղի ունեցած միջադեպի մասով։ Բացի այդ, ըստ նախաքննության, պարզվել է, որ վերջինս մասնակցություն է ունեցել նաեւ Արարատի մարզի Հայանիստ-Հովտաշատ գյուղերի խաչմերուկում ապրիլի 22-ին արձանագրված միջադեպին։ Նա նույնպես գրավի դիմաց կալանքից ազատ էր արձակվել ամիսներ առաջ։

Նկատենք, որ Մասիսի քաղաքապետարանի աշխատակիցները ակտիվորեն ներգրավված էին ի պաշտպանություն քաղաքապետի իրականացվող բողոքի ակցիաներում, որոնք տեղի էին ունենում այն օրերին, երբ դատարանը քննում էր Համբարձումյանի կալանքի սանկցիայի հարցը։ Այդ բողոքի ակցիաները համակարգում էր փոխքաղաքապետ Նորայր Հակոբյանը։ Այնպես որ, կարելի է ենթադրել, որ Մասիսի քաղաքապետը, երկու անգամ խրախուսելով իր աշխատակիցներին, այսպիսիով փորձել է նաեւ վարձահատույց լինել վերջիններիս՝  իրենց նվիրումի եւ «նեղ պահին» իր կողքին կանգնելու համար։ 

Հեղինե Մանուկյան

Տպել
4385 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին