ԵՊՀ-ում մասնագետների ճիշտ ընտրություն կատարելու փոխարեն փորձում են հոգեբանական ճնշումներ իրականացնել․ ԵՊՀ դասախոս

Երեւանի պետական համալսարանի պատմական գիտությունների թեկնածու, դոցենտ Յուլիա Անտոնյանը ֆեյսբուքյան իր էջում գրառում էր կատարել համալսարանի ներքին վիճակի մասին՝ մասնավորապես նշելով, թե ԵՊՀ ռեկտոր Արամ Սիմոնյանը կարծում է, որ եթե բանտային ռեժիմ է մտցնելու դասախոսների համար, կրթության որակը դրանից բարձրանալու է։

Յուլիա Անտոնյանը ԵՊՀ-ի ակադեմիական միջավայրի, դասախոսներին հանդիպող խնդիրների շուրջ մեր զրույցի ընթացքում ասաց, որ համալսարանում կարծես բանտային համակարգ լինի․ այստեղ սահմանափակվում են իրենց ներքին եւ ակադեմիական ազատությունները։

Անտոնյանը մանրամասնեց, որ արտասահմանյան բոլոր գործողումների համար իրենք պարտավոր են 3 օրում հաշվետվություն ներկայացնել համալսարանի միջազգային համագործակցության վարչություն, իսկ եթե ուշացնում են այն, ապա խիստ նկատողություն են ստանում, այն պարագայում, երբ դեպքերի մեծամասնությունում ԵՊՀ եւ, մասնավորապես, նշված վարչությունը որեւէ ֆինանսական կամ կազմակերպչական կապ չունեն գործուղման հետ։ Դասախոսը սա անօրինական է համարում եւ անտրամաբանական, քանի որ ինքը, ըստ էության, հաշվետու պետք է լինի միայն իր ուղիղ վերադասին, որն էլ կամ ամբիոնի վարիչն է կամ ֆակուլտետի դեկանը։

Վերջին շրջանում Յուլիա Անտոնյանին «Էրազմուս +» ծրագրի շրջանակում հրավիրել են Զալցբուրգ։ ԵՊՀ-ի եւ Զալցբուրգի համալսարանների միջեւ գոյություն ունի կնքված պայմանագիր եւ, ինչպես հաստատում են «Էրազմուս»-ի գրասենյակի աշխատողները, հրավերքի գոյության դեպքում դասախոսի հետ պայմանագիրը պիտի ստորագրի նրա վերադասը, այլ ոչ թե միջազգային կապերի վարչությունը: Սակայն ԵՊՀ-ում հատուկ հրաման կա, որով տեղափոխությունն առանց այդ վարչության ստորագրության չի իրականացվում․ «Ի՞նչ է դա, եթե ոչ դասախոսի ակադեմիական շարժունակության վերահսկում»,-շեշտեց Անտոնյանը:

Այս վարչությունից, ինչպես մեր զրույցում ասաց Յուլիա Անտոնյանը, իրեն հայտնել են, որ մրցույթ պիտի անցկացնեն, եւ հաղթողը կգնա Զալցբուրգ, այնինչ այնտեղից հրավիրել են Անտոնյանին։

Վերջինս ասաց, որ տպավորություն է, թե ուզում են իրենց արտասահմանյան համագործակցության հետ կապված բոլոր քայլերը վերահսկել, պետք եղած դեպքում նաեւ խոչընդոտել, որովհետեւ եղել է նաեւ այդպիսի դեպք․ «Անկեղծ ասած՝ ես ընդհանրապես ներքին համալսարանական քաղաքակնությունը չեմ հասկանում։ Սովորաբար բոլոր համալսարաններին ձեռնտու է, որ իրենց դասախոսները շարժունակ լինեն, գիտաժողովներ այցելեն, որի համար բոլոր համալսարաններում անգամ գումարներ են հատկացվում, բայց ոչ ԵՊՀ-ում, համագործակցեն այլ համալսարանների հետ, դա ռեյտինգ է ավելացնում, մակարդակ է բարձրացնում, բայց չեմ հասկանում՝ ինչու դա մեր համալսարանին ձեռք չի տալիս»,-մեկնաբանեց Անտոնյանը՝ հավելելով, որ դեպք է եղել, երբ նույն «Էրազմուս» ծրագրով Ֆինլանդիայից լուրջ գիտնական պետք է գար ԵՊՀ, բայց նրա մուտքն անհասկանալի պատճառներով խոչընդոտվել է․

«Ֆինլանդիայի քաղաքացի, կես-ֆին, կես-արաբ գիտնականը լսել էր մեր համալսարանի մասին տարբեր շրջանակներից, հետաքրքրվել էր, խնդրել էր, մենք էլ՝ մշակութաբանության ամբիոնը, հրավիրեցինք իրեն, սակայն ոչ միայն ինքը չկարողացավ գալ, այլ նաեւ ես անձամբ ունեցա խնդիրներ՝ որպես միջնորդ օղակ»,-նշեց դասախոսը։

Բացի այս՝ դասախոսն ասաց, որ վերջին շրջանում դասախոսների հանդեպ վերահսկողությունը շատ է ուժեղացել, հաճախ՝ անիմաստ։ Ավելի կոնկրետ, ինչպես պատմեց Անտոնյանը, հատուկ ստուգողներ են գալիս ամեն դասաժամի եւ ստուգում՝ դասախոսը լսարանում է, թե ոչ․ «Սա շատ վիրավորական է դասախոսի համար։ Փոխարենը դասախոսների մասնագիտական որակը վերահսկեն, մասնագետների ճիշտ ընտրություն կատարեն՝ փորձում են հոգեբանական ճնշումներ իրականացնել, որոնք, ակնհայտ է, որ բխում են համակարգային խնդիրներից։ Պատկերացրեք՝ լիքը մարդ ներգրավված է այդ խնդրի մեջ, ամեն օր գնում, տետրերով ստուգում են՝ ներկա ես, թե չէ, բայց դրան զուգահեռ՝ լուծված չէ, օրինակ, ուսանողների՝ ամեն տեղ ծխելու խնդիրը։ Ոչ մեկը չի վերահսկում դա։ Այսօր ես 6 ժամ քննություն էի ընդունում ցուրտ ու ծխեցրած լսարանում, բայց դա չի հետաքրքրում ԵՊՀ ղեկավարությունը»,-մեր զրույցում ասաց ԵՊՀ դասախոս Յուլիա Անտոնյանը՝ շեշտելով, որ սա իսկապես նվաստացուցիչ է դասախոսի համար։

Անտոնյանի խոսքով՝ համալսարանը կարծես շահագրգռված չէ ներքին որակը բարձրացնելու, ակադեմիական միջավայրը բարելավելու խնդրով։ Նա նկատեց, որ նմանատիպ խնդիրների բախվում է ոչ միայն ինքը, այլեւ շատ ուրիշ դասախոսներ, որոնք գուցե ինչ-ինչ պատճառներով չեն բարձրաձայնում հարցի մասին։

Տպել
1416 դիտում

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը