Երևան
14 °C
Հունվարի 10-ին Ալեքսանդր Սպենդիարյանի անվան օպերայի և բալետի ազգային ակադեմիական թատրոնում 7–րդ գումարման Ազգային ժողովի պատգամավորները հանդիսավոր ստացան իրենց պատգամավորական մանդատները։ Նոր խորհրդարանի առաջին նիստը տեղի կունենա հունվարի 14-ին:
Այս խորհրդարանն ունենալու է 132 պատգամավոր: Սրան զուգահեռ էլ քննարկվում է ավելացնել մշտական հանձնաժողովների թիվը: Սահմանադրության համաձայն՝ մշտական հանձնաժողովներն առավելագույնը կարող են լինել 12-ը: ԱԺ նախագահի թեկնածու Արարատ Միրզոյանը մեզ հետ զրույցում ասաց, որ հանձնաժողովների թվակազմի հետ կապված վերջնական որոշում չկա: Հարցին՝ արդյո՞ք հունվարի 14-ին ԱԺ-ում կքննարկվի Կառավարության կառուցվածքի մասին օրենքում փոփոխություններ անելու նախագիծը, որով նախարարությունները կրճատվելու են, Արարատ Միրզոյանն ասաց, որ այդ հարցը եւս քննարկման փուլում է: Սակայն հստակ է, որ «Իմ քայլը» խմբակցությունն ԱԺ առաջին նիստի օրը նախագահ Արմեն Սարգսյանին առաջարկելու է Նիկոլ Փաշինյանին նշանակել ՀՀ վարչապետ:
Այս օրերին խորհրդարանի ամենամեծ ինտրիգն այն է, թե ով է լինելու ԱԺ նախագահի 3-րդ տեղակալն՝ ընդդիմադիր թեւից: Մի քանի օր առաջ վարչապետի պաշտոնակատարը հայտարարել էր, որ տրամաբանական կլինի, եթե այդ պաշտոնը բաժին հասնի 2-րդ ամենաշատ քվեները ստացած քաղաքական ուժին: Արարատ Միրզոյանից հետաքրքրվեցինք՝ արդյո՞ք վարչապետն արդեն իր խոսքով չի ուղղորդում «Իմ քայլը» դաշինքի անդամներին, արդյո՞ք կա վերջնական որոշում: «Հետագա շահարկումներից խուսափելու համար՝ գրպանային ընդդիմություն ունենալու վերաբերյալ, մենք չպետք է գնանք ընդդիմադիր երկու ուժերից որեւէ մեկին նախընտրություն տալու ճանապարհով: Այդ նախընտրությունը տվել է ժողովուրդը: Եթե կա մեկ ընդդիմադիր ֆրակցիա, որը մյուսից ավելի շատ պատգամավորական մանդատներ ունի, ապա ես կարծում եմ՝ տրամաբանական է, որ այդ ֆրակցիային էլ հասնի ԱԺ փոխնախագահի 3-րդ տեղակալի պաշտոնը»,- ասաց Միրզոյանը:
Ճշտող հարցին՝ ԱԺ 3-րդ փոխնախագահի հարցն արդեն ՔՊ-ում որոշվա՞ծ է, Միրզոյանն ասաց, որ կարելի է նաեւ այդպես ձեւակերպել: Անուհանդերձ, փաստենք, որ Սահմանադրության համաձայն՝ ԱԺ նախագահի 3-րդ տեղակալի պաշտոնի հավակնորդ կարող է լինել ցանկացած ընդդիմադիր ֆրակցիայի ներկայացուցիչ: Այսինքն՝ պատգամավորների թվակազմն օրենքով պարտադրված նախապայման չէ:
«Լուսավոր Հայաստան» կուսակցության նախագահ Էդմոն Մարուքյանը չհամաձայնեց մոտեցմանը, որ ԱԺ ընդդիմադիր փոխնախագահը պետք է լինի ավելի մեծ ընդդիմադիր խմբակցությունից. «Դրա տակ տրամաբանություն չկա: Սահմանադրությունն այլ բան է ասում, ՀՀԿ քաղաքական տրադիցիաները պահելը այլ բան է: Մենք կարծում ենք, որ ՀՀԿ տրադիցիաները չպետք է պահենք այս խորհրդարանում»,- ասաց նա:
Դիտարկմանը, որ Արարատ Միրզոյանը հայտարարել է, թե բացառվում է, որ ԱԺ փոխնախագահի պաշտոններից մեկը տրվի «Լուսավոր Հայաստանին», Էդմոն Մարուքյանն ասաց. «Մենք չենք էլ ուզել այդ տեղերից մեկը: Մենք ասել ենք՝ եթե շատ եք ուզում ԲՀԿ-ից էլ փոխնախագահ ընտրել, ընտրեք: Այսինքն, երեք փոխխոսնակ կա, կարող է մեկը լինի իշխանությունից, մյուս երկուսը լինեն ընդդիմադիր ուժերից: Եթե շատ են ուզում ԲՀԿ-ից էլ ընտրեն, թող ընտրեն, ո՞վ է դրան դեմ»:
Հարցին՝ ԱԺ նախագահի թեկնածու «Լուսավոր Հայաստանը» առաջադրելո՞ւ է, Մարուքյանը պատասխանեց. «Քննարկում էինք, բայց երեւի չենք առաջադրի: Դրա մասին առանձին ելույթով կանդրադառնամ: Եթե առաջադրենք, ելույթով կանդրադառնամ, եթե չառաջադրենք, կասեմ, թե ինչու չառաջադրեցինք»:
«Իմ քայլը» խմբակցության պատգամավորները նշում էին, որ օրենսդիրում աշխատանքն իրենց համար բարդ է լինելու: «Ցանկացած պետական աշխատանք բարդ է, բայց ես պատրաստ եմ»,- ասաց ԱԳՆ նախկին փոխնախարար Ռուբեն Ռուբինյանը: Դիտարկմանը, որ վարչապետը կառավարության բոլոր այն աշխատակիցներին, որոնցից դժգոհ է, գործուղում է Ազգային ժողով, Ռուբեն Ռուբինյանն ասաց, որ այդ տեղեկությունները չեն համապատասխանում իրականությանը, տարբեր պաշտոնների հետ կապված կայացվել է թիմային որոշում:
«Ես չեմ կարծում, որ Ազգային ժողովը երիտասարդներով համալրելու փաստը մտահոգության առիթ է, հակառակը, կարծում եմ, որ դրական փոփոխություն է, քանի որ տարիներ շարունակ քաղաքական սերնդափոխության մասին է խոսվել, ինչը տեղի է ունեցել: Բացի այդ լինելու են բազմաթիվ փորձառու մարդիկ և կարծում եմ, որ այս համադրությունը՝ երիտասարդների և փորձառուների, լավ հնարավորություններ է ստեղծում»,-ասաց նա:
Տոներից հետո «Իմ քայլը» դաշինքի պատգամավորների համար թրեյնինգ-սեմինարներ էին կազմակերպվել, որպեսզի վերջիններս կարողանային տիրապետել Ազգային ժողովի կանոնակարգ-սահմանադրական օրենքին: Պարզվում է, որ շատերը չեն մասնակցել այդ դասընթացներին: Մասնավորապես, Ռուբեն Ռուբինյանն ասաց, որ ժամանակ չի ունեցել: «Ես չեմ մասնակցել: Ես զբաղված էի փոխնախարարի պարտականությունները կատարելով, ցավոք, չեմ մասնակցել: Ես տիրապետում եմ այդ օրենքին, բայց մոտ օրերս պատրաստվում եմ ՛էլ ավելի շատ տիրապետել»:
Հունահռոմեական ոճի ըմբիշ, պատգամավոր Արսեն Ջուլֆալակյանը եւս չի մասնակցել այդ դասընթացներին: «Ես, ճիշտն ասած, տեղյակ չեմ, որ նման դասընթացներ են եղել: Այդ օրենքը կա, պետք է ուղղակի բացել, ուսումնասիրել, կարդալ, խորանալ, իմանալ: 21-րդ դարում պարտադիր չէ թրեյնինգի գնալ, եթե ցանկություն կա: Ես տիրապետում եմ այդ օրենքին, բայց ավելի կխորացնեմ: Այն հարցերը, որոնք հետաքրքրում են այս պահին, կարդում եմ»,- ասաց նա:
Մեզ հետ զրույցում միայն Լուսինե Բադալյանն էր, որ ասաց, թե մասնակցել է նշված դասընթացներին: Նա եւս ընդգծեց, որ թրեյնինգները մարդաշատ չեն եղել: «Չեմ կարող ասել, թե բոլորը տիրապետում են, թրեյնինգները կարծես այդքան մարդաշատ չէին, կամ մի թրեյնինգին մի խումբն էր, մյուսին՝ մյուս խումբը: Խմբակցության մեջ կան պատգամավորներ, որոնք հրաշալի տիրապետում են բոլոր օրենքներին, այդ թվում նաեւ ԱԺ կանոնակարգին: Սակայն շատերիս համար այդ դասընթացն անհրաժեշտություն էր»,- ասաց նա:
Այդ դասընթացներին չի մասնակցել նաեւ Նիկոլ Փաշինյանի մամուլի նախկին խոսնակ Արման Եղոյանը: Նա, սակայն, նշեց, որ վաղուց է տիրապետում Ազգային ժողովի կանոնակարգ-սահմանադրական օրենքին:
«Հայկական ժամանակ»-ի հետ զրույցում նորընտիր պատգամավորները վստահեցնում էին, որ ԱԺ-ում օրենսդրական բուռն աշխատանք են իրականացնելու: Նրանք մանրամասների մասին խոստացան գործով խոսել: Ի դեպ, մանդատների հանձման ժամանակ «նորույթ» էր կիրառվել: Տեղեկացրել էինք, որ պատգամավորներին մանդատներ տալու են պատահականության սկզբունքով ընտրված ընտրողները: Այս ամենի իմաստն այն էր, որ պատգամավորը մանդատը վերցնում է իր ընտրողի ձեռքից: Պատգամավորներին մանդատ տվող քաղաքացիներից մեկն էլ 103 տարեկան Բավական Փիլոյանն էր:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ