Բացօթյա առեւտրով զբաղվողներն այլեւս փողոցում չեն, բայց շուկա էլ չեն տեղափոխվել

Երեւանի մայթերն ազատված են վաճառականներից: Տեւական ժամանակ այստեղ ծավալվող բացօթյա առեւտուրը, որն Ամանորի նախաշեմին հասել էր գագաթնակետին, ըստ էության վերացվել է:

Քաղաքային իշխանություններն առեւտրականներին առաջարկել ու պահանջել են տեղափոխվել շուկաներ: Բայց նրանց մեծ մասը կարծես չի շտապում դա անել՝ չնայած այն հանգամանքին, որ մասնավորապես Հայկական թիվ 2 շուկան (Գում) հայտարարել է սկզբնական փուլում անվճար տարածքներ տրամադրելու պատրաստակամության մասին:

«Մարդիկ երեկվանից են եկել մեզ մոտ: Բնական է, երբ գալիս են, հարցնում ենք ՝ որտեղից եք եկել: Չնայած՝ իրենք էլ են ասում՝ բացօթյա առեւտուր անողներն ենք, արգելել են, գիտենք, որ մեզ տեղ եք տրամադրում, նաեւ՝ անվճար: Երեկ երկու հոգի են եկել: Այսօր էլ՝ երկու հոգի: Բայց երեկվա եկածները այսօր չկան, չգիտեմ՝ ինչն է պատճառը: Իսկ մեր պայմանները հետեւյալն են, մենք ցանկացած մարդու, ով կգա շուկա, մեկ ամիս անվճար տեղ ենք տրամադրում, երկրորդ ամիսը կվճարի 500 դրամ (օրական-խմբ.), նոր դրանից հետո, եթե ինքը կուզենա ավելի մեծ տարածք վերցնել, առավելագույն վճարը կլինի հազար դրամ»,- մեզ հետ զրույցում ասաց շուկայի տնօրեն Վազգեն Նահապետյանը: Նա հավաստիացրեց, որ վճարի չափը նույնն է թե՛ դրսում եւ թե՛ ներսում աշխատելու համար: Այստեղ ընդհանուր առմամբ կա մոտ 250 ազատ տեղ:

Վազգեն Նահապետյանը ոչ միայն որպես շուկայի տնօրեն, այլ նաեւ որպես քաղաքացի կարծում է, որ առեւտուրը պետք է իրականացվի դրա համար սահմանված վայրերում, որը թե՛ հակահիգիենիկ չի լինի եւ թե՛ կվերահսկվի: «Շուկայում տարածքը մաքուր է, ամեն ինչ հսկվում է, կշեռքները ստուգվում են: Իսկ փողոցում ո՞վ է ստուգելու՝ կշեռքը ճիշտ է աշխատում, սխալ է աշխատում»,- նկատեց նա:

Մեր այցելության ժամանակ Գումի շուկայում միայն մեկ տարեց կնոջ հանդիպեցինք, որը մինչ այդ իր ապրանքը վաճառել էր Տիգրան Մեծ պողոտայի մայթերին, իսկ հիմա տեղափոխվել էր շուկայի տարածք: Տիկին Հայկանուշը նստած էր դրսում՝ իր մի քանի կապ կանաչիները ոտքերի մոտ դրած: Ասաց, որ 90-ականների սկզբից այս շուկայում է աշխատել, միայն նախորդ տարվա վերջին էր որոշել տեղափոխվել փողոց. «Ես ամսվա վերջում էի գնացել: Ճիշտն ասած, որ ճանապարհածախսս չէի կարողանում հանել (Աբովյանից եմ գալիս), գնացել էի էնտեղ: Մեծ կին եմ, մրսում էի, ուզում էի շուտ վերջացնեմ, որ գնամ տուն, թե չէ շուկան վատ չի: Ես միշտ էստեղ եմ կանգնած եղել»:

Ասաց, որ նախկինում տարածքի դիմաց վճարել է 500 դրամ: Հիմա վերադառնալուց հետո մեկ ամիս չե՞ք վճարելու՝ հետաքրքրվեցինք: «Դե տենց հարցեր մի տուր, էլի»,- չիմացավ ինչ պատասխանել նա: Երբ պնդեցինք, արձագանքեց. «Որ շատ ապրանք բերեմ, վճարելու են, բա ի՞նչ եմ անելու»: Հետաքրքրքվեցինք նաեւ, թե մայթերի վրայի առեւտուրն ինչ առավելություն ունի շուկայում աշխատելուց: Փաստեց, որ անցորդների շարժը շատ է, եւ առեւտուրն ավելի լավ է լինում. «Ես էստեղ միշտ էլ կանգնել եմ ու կանգնելու եմ: Էն մի քանի օրն է եղել, որ գնացել եմ: Էնտեղ անցնող դառնողը մի դաստա կանաչի է առնում: Էստեղ շատերը չեն գալիս»: Տիկին Հայկանուշից հետաքրքրվեցինք՝ ինչո՞ւ շուկայի ներսում չի աշխատում: «Էստեղ եմ կանգնում, որ ճանաչողները գան»,- պատասխանեց: Հարցրինք՝ տարածքի վճարի չափը տարբե՞ր է: Ասաց՝ չգիտեմ:

Սաթենիկ Գալստյանը, որը տարիներ շարունակ չրեր ու այլ աղանդերներ է վաճառում Գումի շուկայում, կարծում է, որ բացօթյա՝ փողոցում առեւտուր անելը ետընթաց է: Նա համոզված է, որ թեպետ իրենց հացն այնտեղ վաստակելուն վարժված մարդկանց համար հոգեբանորեն բարդ է նոր պայմաններին հարմարվելը, բայց շուտով կհամոզվեն, որ դա ավելի լավ հնարավորություն է:

«Իրենց փողոցներից էստեղ-էնտեղ են տանում: Իրենք սթրես կտանեն, քանի որ իրենց հացի գումարը աշխատում են հենց այդ փողոցից: Թե՛ գնողը եւ թե՛ վաճառողը թող ընդմիշտ իմանան, որ լավից լավն էլ է լինում: Թող ավելի տաքուկ անկյուն լինի, հենց էդտեղ էլ իրենք իրենց գումարը աշխատեն: Ավելի քաղաքակիրթ ձեւով աշխատեն: Այնպես չէ, որ ես կանգնած եմ այստեղ, հոդորում եմ՝ եկեք: Չէ: Ամեն մեկը ունի իր տեսակը, բայց թող մարդ տեսակը մտածի միշտ առաջ գնա, ոչ թե հետ գնա»,- նկատեց նա:

Հ.Գ.Երեւանի քաղաքապետարանը երեկ տեսանյութ է հրապարակել, որտեղ Սննդամթերքի անվտանգության տեսչական մարմնի ղեկավար Գեորգի Ավետիսյանը նկատում է, որ փողոցից գնած սննդամթերքը, հատկապես կենդանական ծագման, կարող է կործանարար լինել մեր առողջության համար, որի հետեւանքները եթե ոչ այդ պահին, հետագայում կարող են զգացվել օրինակ քաղցկեղի տեսքով:

Տպել
1745 դիտում

Էջմիածնում մոտ 32 հեկտար ցորենի հնձած արտ է այրվել

ՊՆ-ը չի ուզում շատ բարձրաձայնել. դիրքերի բարելավումը մշտական գործընթաց է. Արծրուն Հովհաննիսյան

Միջադեպ Հյուսիսային պողոտայում` Վահագն Չախալյանի մասնակցությամբ. նրան եւ մի քանի հոգու բերման են ենթարկել

Ջերմուկցիները գալիս են Երեւան. սպասվում է թեժ քննարկում

Հատվել է 1462 հատ տարբեր տեսակի և տրամագծերի ծառ. մեղադրանք է առաջադրվել 16 անձի, մեկ անձ հետախուզվում է

Մեկնարկել է Ամուլսարի շահագործման դեմ ջերմուկցիների ավտոերթը դեպի Երեւան

Lոռու մարզպետարանի պաշտոնյան սպանվել է դանակի 17 հարվածով. նոր մանրամասներ (լուսանկարներ)

Հրդեհ՝ Շիրակի մարզում. այրվել է անասնագոմ եւ պահեստավորած անասնակեր

Նռնակ՝ իր պայթուցիչով, 37 հատ տարբեր տրամաչափի փամփուշտներ. կինը զինամթերք է հանձնել

«Թումանյան» կայարանից Օձունի խաչմերուկ ճանապարհը ժամանակավոր փակ է լինելու. ժայռը կպայթեցնեն

«Լիդիան Արմենիա»-ն ներկայացրել է բնապահպանական փորձաքննության եզրակացության առաջարկների մասին պատասխաններ

Շոգը չի նահանջելու նաև այս շաբաթ. ջերմաստիճանը կտատանվի +40-ի սահմաններում. Սուրենյան

Արեգնադեմ գյուղում տնակ է հրդեհվել, ապա պայթել գազի բալոն․ 1 հոգի այրվածքներով հոսպիտալացվել է

Գրանցվել է խոտածածկ տարածքներում բռնկված 48 հրդեհ` ներգրավելով 58 մարտական հաշվարկ, 3 օպերատիվ խումբ

Սերժ Թանկյանը միացել է SaveAmulsar արշավին

Ըմբշամարտի երիտասարդական ԱԱ․ Շանթ Խաչատրյանը դարձավ արծաթե մեդալակիր՝ հաղթելով թուրք ըմբիշին

Կառավարությունը 2.1 մլրդ դրամ կտրամադրի մարտական դիրքերը խմելու հոսող ջրով ապահովելու համար. վարչապետ

Էլիտար քեֆի էլիտար ներկայացուցիչների՝ մորաքույրի եւ հորաքույրի հետ. Նիկոլ Փաշինյան

Հարկ վճարողների մոտ հաշվետվությունների ներկայացման հետ կապված խնդիրներ են առաջացել. ՊԵԿ

Երեւանը համալրվելու է եւս 3 աղբատար մեքենայով. Հովսեփ Կուբատյան