Մանկապարտեզների տարածքից հարկադիր վտարվում են մասնավոր կազմակերպությունները

Երեւանի քաղաքապետարանը սկսել է մանկապարտեզների՝ վարձակալությամբ տրված տարածքները վերադարձնելու եւ այդտեղ նոր խմբեր բացելու գործընթաց: Հայտնի է, որ բազմաթիվ երեխաներ սպասում են մանկապարտեզ հաճախելու իրենց հերթին: Քաղաքապետարանն, իհարկե, տարբեր թվեր է հրապարակում՝ նախ նշելով հերթագրված 5 հազար, ապա՝ 8 հազար երեխայի մասին: Ամեն դեպքում՝ նրանք հազարավոր են:

Բազմիցս է բարձրաձայնվել նաեւ այն մասին, որ մանկապարտեզներն աստիճանաբար զրկվել են նախկինում զբաղեցրած տարածքներից, եւ դրանք ծառայեցվել են այլ նպատակների: «Նոր խմբասենյակներ ձեւավորելու համար տարածքներ շատ կան: Այդ տարածքները տրված են վարձակալության տարբեր կազմակերպությունների՝ «Երկրապահ» կամավորականների միությանը, ՍՊԸ-ների, հիմնադրամների եւ այլն: Հիմա համատարած վտարումներ են իրականացվում բոլոր մանկապարտեզների բոլոր վարձակալված տարածքներից: Վտարվում են հարկադիր, վտարվում են պայմանագրի ավարտի կամ անգործության հիմքերով: Բոլոր ազատված տարածքները դրվում են վերանորոգման ծրագրի տակ եւ մենք սկսում ենք ֆինանսավորում մեկ երեխա- թվի հաշվարկով՝  արդեն այն բոլոր խմբերի համար, որտեղ կունենանք կահավորված եւ վերանորոգված ջեռուցվող սենյակներ»,- պատասխանելով մեր հարցին՝ ասաց Երեւանի քաղաքապետի տեղակալ Հայկ Սարգսյանը:

Նա վստահեցրեց, որ կազմակերպություններին վտարելու ընթացքում օրենքի եւ իրավունքի հետ կապված խնդիր չի առաջանում: «Իհարկե ոչ, որովհետեւ մենք հարկադիր վտարում ենք օրենքով: Մանկապարտեզների տարածքների մի մասը այո, ապօրինի զբաղեցված են, կան տարածքներ, որոնք առանց վճարի են տրամադրված, շատ սիմվոլիկ վճարներով են տրամադրված, մի մասի պայմանագիրն ավարտվել է, չէին հեռանում, որովհետեւ չէին կարողանում հեռացնել: Բնականաբար մի մասն էլ շատ օրինական զբաղեցրել են այդ տարածքները: Իրենց պայմանագրերը վաղաժամկետ խզում ենք: Օրենսդրությունը եւ Քաղաքացիական օրենսգիրքը տալիս են այդ հնարավորությունը, մենք օգտվում ենք մեր՝ պայմանագրի կողմ լինելու Քաղօրենսգրքի տված հնարավորություններից»,- մանրամասնեց նա:

Նախատեսվում է, որ ազատվող տարածքներում խմբասենյակներ բացելու շնորհիվ 2019 թվականին մանկապարտեզ հաճախելու հնարավորություն կստանա 900-1000 երեխա: Քաղաքապետի տեղակալը միեւնույն ժամանակ չբացառեց, որ նախակրթարանները վճարովի կդառնան բոլորի համար: Առայժմ, Երեւանի հաշվառում ունեցող քաղաքացիների համար սահմանված է արտոնություն եւ վարձավճարը փոխհատուցում է համայնքը:  

«Այս պահին չեմ կարող պատասխանել (մանկապարտեզը կմնա անվճար, թե չէ-խմբ.), բայց կարող եմ ասել՝ որ այսօրվա վճարման հիմունքները համարում եմ այդ համակարգի կառավարման համար ոչ այնքան էֆեկտիվ: Անվճարը այո, ոչ այնքան էֆեկտիվ է, որովհետեւ այնուամենայնիվ բոլորս գիտենք, որ կան որոշակի ծախսեր, որ իրականացնում են ծնողները եւ դա օրինաչափ է դարձել, ու եթե այդ ասպեկտը իրեն դրսեւորում է ավելի արդյունավետ, ապա կարելի է նաեւ վերանայել»,- ասաց Հայկ Սարգսյանը:

Մանկապարտեզների թեմային ավելի ուշ նաեւ անդարադարձել է Երեւանի քաղաքապետարանը՝ տարածելով քաղաքապետի մեկ այլ տեղակալ Տիգրան Վիրաբյանի հաղորդագրությունը: Դրանում մասնավորապես ասվում է. «Ծրագիրը կընթանա 3 փուլով: Առաջինը կմեկնարկի փետրվարին՝ Արաբկիր, Աջափնյակ, Ավան, Դավթաշեն, Էրեբունի, Կենտրոն, Մալաթիա-Սեբաստիա եւ Նոր Նորք վարչական շրջաններում: Երկրորդ փուլը կլինի մայիսին, երրորդ փուլը՝ սեպտեմբերին: Նշեմ, որ ընտրված են այն վարչական շրջանները, որտեղ ունենք ավելի շատ հերթագրված երեխաներ, նաեւ այն վարչական շրջանները, որտեղ այս ամիսների ընթացքում հնարավորություն ենք ունեցել ստեղծելու համապատասխան տարածքներ: Հավելեմ նաեւ, որ առաջին փուլի համար ընտրվել են այն տարածքները, որոնք չունեին վերանորոգման կարիք կամ ունեին մասնակի՝ կոսմետիկ վերանորոգման կարիք, որոնցում աշխատանքներն այժմ տարվում են: Ի ուրախություն մեզ, մեր երկրում կան մարդիկ, որոնք հանդես են եկել նախաձեռնությամբ եւ առաջարկել են իրենց ընկերությունների հաշվին նախակրթարաններին նվիրել գույք: Շատ կարեւոր է, երբ մարդիկ ձեռք են մեկնում համայնքին եւ ուզում են իրենց մասնակցությունն ունենալ այս գործընթացում: 2-րդ փուլի համար արդեն այսօր աշխատանքներ են տարվում գույքի, նաեւ որոշակի վերանորոգման նպատակով: Ինչ վերաբերում է 3-րդ փուլին, ապա այդ ժամանակ կունենանք ամբողջովին պատրաստի խմբասենյակներ»:

Տիգրան Վիրաբյանը նաեւ տեղեկացրել է, որ նոր խմբերի ձեւավորման ծախսերը ներառված են Երեւանի 2019թ. բյուջեում: Դա այն սահմանված գումարն է, որ տրամադրվում է նախակրթարաններին ամեն երեխայի համար: «Ինչ վերաբերում է վերանորոգման ծախսերին. նշեմ, որ վարչական շրջաններն ու նախակրթարաններն իրենց բյուջեներում ունեն այն գումարը, որով կարողանան ըստ անհրաժեշտության այդ աշխատանքներն իրականացնել: Բայց, եթե ծրագրի 3-րդ փուլի համար ծագեն այլ խնդիրներ, ապա, գիտեք, որ փետրվարին ունենալու ենք բյուջեի լրամշակում, եւ այդ փուլում եւս հնարավորություն կունենանք ներառելու այդ ծախսերը բյուջեում»,- նկատել է քաղաքապետի տեղակալը:

Տպել
3206 դիտում

Վրաստանում հարցվածների 49 տոկոսի կարծիքով երկիրը զարգանում է ոչ ճիշտ ուղղությամբ. NDI

Պաշտպանը միջնորդեց չհեռանալու մասին ստորագրությամբ կամ գրավով ազատ արձակել Քոչարյանին

Երեկվա տոտալ ճնշումները ՍԴ-ի հանդեպ ուղիղ մեսիջ էին այսօրվա դատավորին․ Լեւոն Քոչարյան

Արմեն Սարգսյանն ընդունել է միջազգային փորձագետներ և վենչուրային ներդրողներ Լուիջի Ամատին և Բրիջիթ Բոումենին

Երեք տասնամյակ՝ նկուղում

Հայտարարություն մրցույթի մասին

Ղեկավարում եմ Հայաստանի աթլետիկայի ֆեդերացիան, բնակվում եմ Ֆրանսիայում, սակայն անձնագիրս հայկական է. Էմմիյան

Հայաստանն ընտրել է միջուկային էներգիայի անվտանգ և խաղաղ օգտագործման թափանցիկ և բաց քաղաքականություն. նախարար

Ռոբերտ Քոչարյանը կմնա կալանքի տակ .դատարանը հրապարակեց որոշումը

Վանաձորում փրկարարները բացել են բնակարանի դուռը և լոգարանում հայտնաբերել կնոջ դի

Մոլդովայի նախագահը Երևանում կմասնակցի ԵԱՏՄ բարձրագույն խորհրդի նիստին

Մեր արձագանքը համարժեք է խնդիրներին. վարչապետն Անվտանգության խորհրդի նիստ է հրավիրել

Սիրիայի հակամարտությունից մինչեւ ռազմական համագործակցություն. ինչի՞ մասին են խոսել Պուտինը, Ռոհանին ու Էրդողանը

Մենք չենք միանում այդպիսի նախաձեռնություններին․ պետք է կոնկրետ հիմք լինի․ Պետրոսյանը՝ «Իմ քայլի» որոշման մասին

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան