Լոռին տարին կփակի ցածր հավաքագրման ցուցանիշներով

Լոռու մարզը շարունակում է հետ մնալ սեփական եկամուտների հավաքագրման առումով: Ընդամենը հաշված օրեր են մնացել հաշվետու տարվա ավարտին, իսկ մարզի սեփական եկամուտների հավաքագրման պլանը 100 տոկոսով կատարելու համար պակասում է 407 մլն դրամ: Մարզում ավելի քան 14 համայնք կա, որոնց հավաքագրումը պակաս է 80 տոկոսից: Խնդրի հնարավոր լուծման ուղիներ գտնելու նպատակով Լոռու մարզպետարանում մարզպետը խորհրդակցություն անցկացրեց՝ սեփական եկամուտների ցածր ցուցանիշներ ապահոված համայնքների ղեկավարների հետ:

Հավաքագրումների առումով ամենախնդրահարույցը Ձորագյուղ և Վահագնի համայնքներն են, որոնց նախորդ ղեկավարները հրաժարական էին տվել թերեւս հենց վատ հավաքագրումների պատճառով: Մասնավորապես Ձորագյուղի գյուղապետը հստակ ասել էր՝ կամ պետք է իր բնակչին դատի տար, կամ հրաժարական տար:

Նշված համայնքների նորընտիր համայնքապետերը խոստացան առավելագույն ջանքեր ներդնել և հավաքագրումների մակարդակը հասցնել 70-80 տոկոսի: Իսկ Ազնվաձոր, Անտառաշեն, Հալավար, Շնող, Քարաբերդ, Հարթագյուղ, Նոր Խաչակապ. Քարաձոր, Սարալանջ, Դսեղ համայնքները՝ 80-90 և ավելի տոկոսի: Վատ հավաքագրումներն, ըստ համայնքների ղեկավարների, պայմանավորված են բազաների անճշտություններով, սեփականատերերի՝ երկրում չլինելով, հողերի ոչ ճիշտ չափագրման և մի շարք այլ օբյեկտիվ և սուբյեկտիվ հարցերով: Սրան էլ գումարվում են նաեւ որոշ խոշոր հարկատուներ, որոնք չեն վճարում ու փոքր բյուջեներ ունեցող համայնքների համար լուրջ գլխացավանք առաջացնում, ինչպես օրինակ Նոր Խաչակապ և Թումանյան խոշորացված համայնքների համար՝ «Լոռու ՃՇՇ-ի»՝ տարիներով կուտակած ու միլիոնավոր դրամների հասնող պարտքը:

Լոռու մարզպետ Անդրեյ Ղուկասյանը տվյալ դեպքում խնդրի լուծման միակ տարբերակը համարում է ոչ պարտաճանաչ հարկատուներին դատի տալն ու դատական կարգով գումարները բյուջե վերադարձնելը: Մարզի ղեկավարը չի հերքում՝ վատ հավաքագրումների մեջ իրենց դերն ունեն նաեւ համայնքապետերը, ովքեր շատ հաճախ մատերի արանքով են նայում հավաքագրմանը:

Համայնքների ղեկավարների կողմից որպես խնդիր՝ ներկայացվեց նաև այն, որ եթե մինչև համայնքների խոշորացումը, խոշորացված համայնքների ներկայիս կենտրոնները՝ Թումանյանը, Սարչապետը, Մեծավանը, Գյուլագարակը հավաքագրումներն իրականացնում էին 100 և ավելի տոկոսով, ապա միավորումից հետո, մի քանի անբարեխիղճ բնակավայրերի պատճառով, թերանում են: Այս առումով ևս մարզպետն առաջարկեց վարչական ղեկավարների նկատմամբ ավելի խստապահանջ լինել, հարկ եղած դեպքում ազատել աշխատանքից՝ նրանց փոխարինելով առավել բարեխիղճ աշխատակիցներով. «Տարին հարկերի հավաքագրումների առումով վատ փակելու դեպքում, համայնքների նկատմամբ համարժեք վերաբերմունք կլինի հաջորդ տարի: Առկա ծրագրերը կուղղորդվեն այն համայնքներ, որոնք բարեխիղճ են ու պարտաճանաչ»,-ասաց մարզպետը:

Խոշորացված Շնող համայնքի ղեկավարի խոսքով, իրենց մոտ հավաքագրումների ցածր ցուցանիշը կապված է Թեղուտի հանքավայրի շահագործման դադարեցման հետ. եթե հանքը աշխատեր, մարդիկ նորմալ կվճարեին:

Հատկանշական է, որ հեղափոխությունից հետո, երբ կառավարության կողմից ներվեցին հազարավոր քաղաքացիների վարկերի ու հարկերի տույժ-տուգանքները, գյուղացիների շրջանում լուրեր տարածվեցին, թե կառավարությունը ներելու է նաեւ նրանց հարկերը, մինչդեռ մարզային իշխանությունները հնարավոր բոլոր միջոցներով գյուղացիներին տեղեկացրեցին, որ նման բան պարզապես չի լինելու, եւ իրենք պարտավոր են վճարել:

Գյուղապետերը, սակայն, դատի տալ իրենց համայնքի բնակիչներին, չեն պատրաստվում, քանի որ, ինչպես իրենք են նշում՝ ավելի լավ է հրաժարական ներկայացնեն, քան թե ապրելու միջոց չունեցող գյուղացուն դատարան տանեն:

Հանդիպման վերջում Ձորագյուղի նորընտիր համայնքապետը ներկաներին, ի դեմս մարզպետի ու փոխմարզպետի, հիշեցրեց՝ լավ կլիներ, որ մի օր էլ հավաքվեին ու համայնքների խնդիրները քննարկեին, ոչ թե հարկերն ուր է, փողերն ուր է:

Տպել
2517 դիտում

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)

Չեմպիոնների լիգան վերադառնում է. սկսվում է 2019-20 մրցաշրջանը

Վարչապետը Լոռու մարզի Ջրաշեն համայնքում մասնակցել է 4 ընտանիքի բնակարանամուտին

Հայկական Ռոնալդուն. Մխիթարյանը գրավել է «Ռոմայի» երկրպագուների սրտերը

Մեկնարկել է ԱԳ նախարարի պաշտոնական այցը Լիտվա. հանդիպում Լիտվայի ԱԳ նախարարի հետ

Իսակովի պողոտայի մոտ 25-ամյա երիտասարդի են դանակահարել

ԱԺ «Իմ քայլը» խմբակցությունը փակ նիստ է անցկացնում

Իրանի Իսլամական Հանրապետության նախագահին հոկտեմբերի 1-ին սպասում ենք Երեւանում․ Փաշինյան

ՍԴ երկու անդամների հատուկ կարծիքի հրապարակումն ակնհայտ է դարձնում, որ ՍԴ-ն կայացրել է ապօրինի որոշում․ վարչապետ

Ադրբեջանական բանակը լայնածավալ զորավարժություններ է անցկացնում

Արթուր Ալեքսանյանը հրաժարվել է աշխարհի առաջնության եզրափակչին մասնակցելուց

Սեպտեմբերի 24-ից հոկտեմբերի 5-ը կանցկացվի աննախադեպ ծավալի ու բնույթի զորավարժություն. ՊՆ (տեսանյութ)

Գալիս եմ եզրակացության, որ Սաշիկը էդ ընտանիքի ամենաանմեղ դեմքն ա. Նիկոլ Փաշինյան