«Ոսկե ծիրան» կինոփառատոնի ողջ ղեկավար կազմը փոխվեց. կինոյի մասին օրենքը մնում է օդից կախված

Այսօր Հայաստանի Կինեմատոգրաֆիստների միությունում տեղի ունեցավ «Ոսկե ծիրան» Երեւանի միջազգային կինոփառատոնի մամուլի ասուլիսը, որի շրջանակում փառատոնի երեք համահիմնադիրները` Հարություն Խաչատրյանը, Միքայել Ստամբոլցյանը եւ Սուսաննա Հարությունյանը ներկայացրեցին ղեկավար կազմում տեղի ունեցած փոփոխությունները։ Կինոփառատոնի հիմնադիր նախագահ, կինոռեժիսոր Հարություն Խաչատրյանը հայտարարեց, որ փոխվում է փառատոնի ողջ ղեկավար կազմը:

«Կյանքը շատ է փոխվել, երիտասարդների ժամանակն է եկել: 15 տարի մենք ձեզ դիմացանք, դուք էլ մեզ դիմացաք, փառք Աստծո: «Ոսկե ծիրանը» անծանոթ, անճանաչելի գյուղական փառատոնից վերածվեց լուրջ, անուն հանած, միջազգային փառատոնի, որ վերջին տարիներին 40-50 հազար հանդիսատես ունի: Հիմա ծրագրերը, վերաբերմունքը, ամեն ինչ փոխելու ժամանակն է, որովհետեւ աշխարհը փոխվում է, եւ փառատոներն էլ են անընդհատ փոխվում»,- նշեց Հարություն Խաչատրյանը՝ ներկայացնելով նոր կազմը:


Այսուհետեւ «Ոսկե ծիրան» փառատոնի գլխավոր տնօրենն է լինելու պրոդյուսեր Հասմիկ Հովհաննիսյանը, ծրագրերի ղեկավարը՝ կինոգետ Կարեն Ավետիսյանը, որը նույնպես աշխատել է կինոփառատոնում։ Կինոգետ Արթուր Վարդիկյանը ստանձնելու է փառատոնի մի շարք ծրագրերի, ինչպես նաեւ «Ոսկե Ծիրան» թերթի խմբագրման աշխատանքները։ Կինոգետ Դիանա Մարտիրոսյանը զբաղվելու է փառատոնի ֆիլմերի ընտրությամբ։ Սոնա Կարապողոսյանը շարունակելու է համակարգել «GAIFF Pro-ի» աշխատանքները, իսկ Վառվառա Հովհաննիսյանը՝ միջազգային հյուրերի բաժինը։  

Հարություն Խաչատրյանի խոսքով՝ իրենք կարեւորում են ոչ միայն փառատոնը, այլեւ ֆիլմի համարտադրությունը: Նշեց, որ այս պահին լրջորեն զբաղվում են կինոյի մասին օրենքով: «Կինոյի զարգացման ֆոնդը պետք է զբաղվի օրենքով, որովհետեւ կինոյի մասին այս օրենքի չընդունելը, մեր նախարարության օրենքի կարեւորությունը չհասկանալը Հայաստանի համար ողբերգական է: Կինեմատոգրաֆիստներին լսելը դժվար է, որովհետեւ ամեն մեկը մի կարծիք ունի: Նրանցից յուրաքանչյուրն անձնապես իր մասին է մտածում, որպեսզի առաջնայինն իր պրոյեկտը առաջ տանի: Ոչ ոք չի մտածում կինոյի զարգացման, արտադրության համար, ռեժիսորների, փառատոնների եւ մնացած գործառույթների մասին»,- ասաց Հարություն Խաչատրյանի:

Կինոգետը հույս հայտնեց, որ մեկ տարվա ընթացքում միջազգային կինոգետների աջակցությամբ կկարողանան Կառավարությանն ու նախարարությանը ներկայացնել կինոյի մասին օրենքը: Վերջինս հայտնեց, որ իրենք զբաղվում են այլ կինոծրագրերով եւս:  

Փառատոնի ծրագրերի արդեն նախկին տնօրեն Միքայել Ստամբոլցյանի հիմնական հորդորը նորընտիր կազմին՝ ինքնուրույն լինելն է. «Խելոք, բանիմաց, սիրուն երեխեք են, եկեք միանգամից չքննադատենք, նրանց համար էլ կարող են սովորական բաները հանկարծ անսովոր թվալ: Շատ կարեւոր է, որ իրենք էլ իրենց սխալվելու իրավունքն ունենան: Աշխատանքն այնքան շատ է, որ մենք միայն խորհուրդներ տալով չպիտի սահմանափակվենք, այլ պիտի կողք-կողքի աշխատենք»:

Կինոգետ եւ փառատոնի ծրագրերի ղեկավար Կարեն Ավետիսյանի փոխանցմամբ՝ նախատեսում են, որ 16-րդ «Ոսկե Ծիրան» կինոփառատոնում մեծ մրցութային ծրագիրը չունենա որեւէ ժանրային սահմանափակում, դա նշանակում է, որ լիամետրաժ ֆիլմերի միջազգային մրցութային ծրագիրը իր մեջ ներառելու է թե՛ խաղարկային, թե՛ վավերագրական, թե՛ բոլոր ժանրերը: Վերջինիս խոսքով՝ լինելու է մեկ ծրագիր, որը ներկայացնելու է լիամետրաժ ֆիլմերի լավագույն ընտրանի։ 2-րդ փոփոխությունը վերաբերում է կարճամետրաժ ֆիլմերին, որոնք ներկայացված են լինելու ռեգիոնալ ձեւաչափով։

Եթե լիամետրաժ ֆիլմերի անվանակարգը սահմանափակում չի ունենալու, ապա կարճամետրաժ ֆիլմերի դեպքում որոշել են, որ դրանք վերաբերվեն տարածաշրջանին․ «Այդպիսով՝ հայ կինոն կդիտարկվի նաեւ տարածաշրջանային համատեքստում եւ առիթ կլինի հասկանալ, թե ինչ է կատարվում մեր եւ մեր հարեւան երկրների կինոինդուստրիայում, որտեղ է մեր տեղը, դերն ու նշանակությունը»: 

Տպել
1384 դիտում

Երեկ տեղացած ձյան պատճառով ավտովթարների թիվը Հայաստանում էականորեն ավելացել է. ՃՈ պետ

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք

Արարատի մարզում նախատեսված է հիմնանորոգել միջպետական եւ հանրապետական նշանակության 23,4 կմ ավտոճանապարհ

Ինքնաթիռի կործանման օրը Իրանի օդային տարածքում 6 ամերիկյան F35 կործանիչ-ռմբակոծիչ է եղել. Լավրով

Ողբերգական վթար Երևան-Երասխ ճանապարհին. վիրավորները գիտակցության չգալով մահացել են

Սպանդանոց կառուցելու ցանկություն հայտնողների թիվը կտրուկ ավելացել է

ՆԱՏՕ-ի գեներալ Լորեն Միշոն բարձր է գնահատել հայ խաղաղապահների պատրաստվածության մակարդակը

Աշխատանքային գրքույկների հավաքագրման աշխատանքների ժամկետը լրացել է

ԱՄՆ-ը մտածել է Իրանի միջուկային օբյեկտներին կանխարգելիչ հարված հասցնելու մասին. Մայք Պոմպեո

Ամփոփվել են ՀՀ ԶՈւ զորքերի ծառայության վարչության կատարած աշխատանքները

Արմեն Սարգսյանը ցավակցել է Գեորգի Կուտոյանի​ մահվան կապակցությամբ

Մեքենան բախվել է ծառին, հետո՝ «Կլայկ» կահույքի արտադրամասի պատին. կա տուժած

Վարչապետ Նիկոլ Փաշինյանն ընդունել է հայտնի աստղաֆիզիկոս Գարիկ Իսրայելյանին

Մարզպետը կլանային որոշում կայացրեց, սա հիվանդանոցն ինձանից խլել էր, որը չեմ հանդուրժելու. Աշոտ Կուրղինյան

Սոցցանցերից մեկի օգտատերը երիտասարդի մերկ լուսանկարները չհրապարակելու համար պահանջել էր 190․000 դրամ. ոստիկանություն

Հրայր Թովմասյանը անձամբ է ինձ խնդրել, որ մտնի Կուտոյանի մահվան դեպքի վայր, սակայն ես թույլ չեմ տվել. Արթուր Մելիքյան