Չեմ վախենում. Սրբուկը «Եվրատեսիլում» Հայաստանը ներկայացնելու պատասխանատվության մասին

Երգչուհի Սրբուկի գրաֆիկը գերհագեցած է: Այս շրջանում նա իր սովորական աշխատանքներին զուգահեռ պատրաստվում է «Եվրատեսիլ 2019»-ին. շարունակում է վոկալի փորձերը, մասնակցում նկարահանումների, հարցազրույցներ տալիս: Այս տարի Հանրային հեռուստաընկերությունն առանց «Դեպի Եվրատեսիլ» նախագծի է ընտրել նրան: Երգի միջազգային մրցույթում ՀՀ-ն ներկայացնելու առաջարկը երգչուհու համար անսպասելի է եղել, խառը զգացողություններ է ունեցել զանգը ստանալիս, սակայն, ինչպես նշեց armtimes.com-ի հետ զրույցում, չի տատանվել:

«Երկար չմտածեցի, քանի որ դրա անհրաժեշտությունը չկար։ Սա այն հեռուստամրցույթն է, որին ցանկանում են մասնակցել գրեթե բոլոր արտիստները. այն իր մասշտաբներով, հնարավորություններով դեռեւս անգերազանցելի է մնում եվորապական շուկայում»,- ասաց նա:

Սովորաբար, երբ հայտնի է դառնում՝ ով է մասնակցելու մրցույթին, քննադատության ալիք է բարձրանում: Հանրությունը հաճախ միանշանակ չի ընդունում կատարողին թե՛ այն դեպքում, երբ Հանրային հեռուստաընկերությունը նախընտրական փուլ է անցկացնում, թե՛ այն դեպքում, երբ ներկայացուցչին ընտրում է առանց դրա: Այս անգամ, սակայն, Սրբուկին հետ կապված ընդհանուր առմամաբ քննադատություններ չեղան, հակառակը, դրական բազմաթիվ արձագանքների հնչեցին:

«Մրցույթի առնչությամբ իսկապես շատ մեծ պատասխանատվություն կա, որն ավելի է մեծանում, երբ հանրության կողմից նման հույսեր ու հավատ կա քեզ հետ կապված։ Այնուամենայնիվ, ես դրանից չեմ վախենում, ընդհակառակը, ավելի եմ պարտավորվում անել ամեն հնարավորը լավ ելույթ ունենալու համար»,- ասաց նա՝ ավելացնելով, որ ամեն ինչ կանի, որ հետագայում էլ քննադատության չարժանանա:

Հանրային հեռուստաընկերությունը հայտարարել է հեղինակների մրցույթ, որն ընթացքի մեջ է: Մինչեւ հունվարի 10 նրանք [email protected] էլեկտրոնային հասցեին պետք է ուղարկեն իրենց աշխատանքները: Սրբուկն ուղարկվածներից ոչ մի առաջարկ դեռ չի լսել: Սպասում է մրցույթի ավարտին: Երգչուհին բոլոր հեղինակներին կոչ է անում ակտիվորեն մասանկցել ու փոքրիկ հուշում է տալիս, թե ինչպիսին կցանկանար, որ ստեղծագործությունը լիներ:

«Այնքան անհամբեր եմ, թե ինչպիսի երգեր ենք ունենալու հեղինակների մրցույթի ավարտին։ Ինձ համար կարեւոր է, որ երգը հիշվող լինի եւ այն 2-րդ, 3-րդ անգամ լսելու ցանկություն առաջանա։ Ինձ համար կարեւոր է, որ այն համապատասխանի իմ կերպարին կամ այնպիսի նորություն լինի, որ հետաքրքիր լինի էքսպերիմենտի գնալը: Իսկ բեմադրության հետ կապված չեմ շտապում դեռեւս պատկերացումներ կազմել, քանի որ այն պետք է կապված լինի երգի տրամաբանության հետ։ Այնուամենայնիվ, մի բան հստակ է՝ մենք ունենք ընդամենը 3 րոպե եւ պետք է տպավորիչ բեմականացում ունենալ այդ ընթացքում հիշվելու եւ առանձնանալու համար»,- ասաց նա:

Երգչուհին իրեն նախկինում էլ է պատկերացրել եվրատեսիլյան բեմում: Նախորդ տարիներին նրա անունն այնքան են կապել մրցույթի հետ, որ ինքն էլ կամա թե ակամա պատկերացրել է՝ ինչպիսին կլիներ իր ելույթը: Այժմ իրականում է ստացել այդ հնարավորությունը եւ լուրջ նպատակ դրել իր առջեւ:

«Ինչպես իմ պատկերացումներում, այնպես էլ իրականում ես վստահ եմ ու համարձակ։ Մրցույթի առնչությամբ նպատակս լավագույն արդյունք ցուցաբերելը, հիշվելը, նոր շփումներ ու կապեր հաստատելն է»,- ասաց նա:

Եվրատեսիլյան թոհուբոհի հետ մեկտեղ Սրբուկը զբաղված է նաեւ այլ գործերով: Գրվում են նոր երգեր, որոնցից մի քանիսը կունենան տեսահոլովակներ: Բացի այդ՝ աշխատում է նաեւ իր բենդային ծրագրի թարմացման ուղղությամբ, որը եւս շուտով կներկայացնի իր երկրպագուներին:

Տպել
1529 դիտում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին

Արման Դարչինյանը եւ Գուրգեն Հովհաննիսյանը հաղթեցին. ԱԱ