Մի գաղտնալսման պատմություն. հարցը շատ հստակ է դրված

Եվ այսպես, համացանցում հայտնվել է գաղտնալսված հերթական հեռախոսազրույցի ձայնագրությունը, որտեղ իբր ԱԱԾ պետն ու ՀՔԾ տնօրենը Նիկոլ Փաշինյանից ցուցումներ են ստանում, թե ինչ որոշումներ կայացնել Ռոբերտ Քոչարյանի ու Յուրի Խաչատուրովի գործերով: Հասկանալի է, թե ինչու է գաղտնալսումն ասպարեզ նետվել հատկապես հիմա. նախ՝ դա (հրապարակողների կարծիքով) կարող է ինչ-որ կերպ ազդել ընտրությունների արդյունքների վրա, եւ երկրորդ՝ Քոչարյանի փաստաբանները կարող են փորձել օգտագործել դա դատական գործընթացներում:

Բայց խնդիրը միայն դա չէ: Հրապարակումից հետո քաղաքական շրջանակներում ու սոցկայքերում աղմկոտ բանավեճ է սկսվել, թե ո՞րն է ավելի սարսափելի՝ այն, որ պետության առաջին դեմքի հեռախոսազրույցները գաղտնալսվո՞ւմ են (ինչն ինքնին ազգային անվտանգության լուրջ խնդիր է), թե՞ այն, որ պետության առաջին դեմքը միջամտում է դատական համակարգի գործունեությանը: Ամենամեծ աղմուկը, հասկանալի է, բարձրացրել են հանրապետականներն ու քոչարյանամերձ շրջանակները, բայց խնդիրն այն է, որ այս աղմուկի մեջ հարցի բովանդակային կողմն ընդհանրապես չի քննարկվում: Ինչի՞ մասին է խոսքը:

Հանրապետականներն ու քոչարյանամերձ շրջանակները արդեն երկու ամիս է խստագույն քննադատության են ենթարկում Նիկոլ Փաշինյանին, այսպես ասենք, երկու «կետերով»:

1. Նիկոլ Փաշինյանը միջամտում է դատական համակարգի գործունեությանը եւ ինքն է որոշում, թե ով պիտի «նստի» եւ ով՝ ոչ, ինչն անթույլատրելի է, որովհետեւ դատական համակարգը պիտի անկախ լինի, եւ բոլորը պիտի օրենքի առջեւ հավասար լինեն՝ անկախ զբաղեցրած դիրքից:

2. Նիկոլ Փաշինյանը մեծ, անուղղելի սխալ է գործել՝ փորձելով «փակել» Յուրի Խաչատուրովին, եւ դրա արդյունքում Հայաստանը կորցնում է ՀԱՊԿ գլխավոր քարտուղարի պաշտոնը: Փաշինյանը պիտի հաշվի առներ նրա կարգավիճակը եւ նման բան թույլ չտար:

Ակնհայտ է, չէ՞, որ այս երկու «մեղադրանքների» միջեւ հակասություն կա: Եթե բոլորն օրենքի առջեւ հավասար են, ուրեմն Յուրի Խաչատուրովը պիտի պատասխանատվության ենթարկվեր անկախ զբաղեցրած դիրքից: Բայց մյուս կողմից էլ՝ խոսքը ՀԱՊԿ գլխավոր քարտուղարի պաշտոնը զբաղեցնող մարդու մասին է, իսկ ՀԱՊԿ-ն Հայաստանի անվտանգության համակարգի կարեւորագույն բաղադրիչներից է, հետեւաբար՝ Խաչատուրովի կարգավիճակի վերաբերյալ որեւէ որոշում այս կամ այն չափով առնչվում է մեր երկրի անվտանգության հետ: Իսկ անվտանգության երաշխավորը եւ թիվ մեկ պատասխանատուն վարչապետն է: Տրամաբանական է, չէ՞, որ վարչապետը պիտի անձամբ հետաքրքրվեր այդ հարցով: Ոչ թե դատաիրավական համակարգի գործունեությանը միջամտելու, այլ անվտանգությանն առնչվող կոնկրետ հարցը վերահսկողության տակ պահելու առումով: Ինչը եւ Նիկոլ Փաշինյանն արել է: Պատկերացնո՞ւմ եք, եթե ոչինչ չաներ: Իսկույն բոլոր կողմերից մեղադրանքներ կհնչեին, թե «չհասկացանք, Հայաստանը ներկայացնող ՀԱՊԿ գլխավոր քարտուղարի նկատմամբ գործ է հարուցվում, իսկ երկրի անվտանգության թիվ մեկ պատասխանատուն բացարձակապես չի միջամտո՞ւմ»:

Այսինքն՝ ի՞նչ է ստացվում: Հանրապետականները մի կողմից իշխանություններին մեղադրում են, որ չեն միջամտել եւ Խաչատուրովի նկատմամբ առանձնահատուկ վերաբերմունք չեն ցուցաբերել, մյուս կողմից՝ այդ միջամտության վերաբերյալ կասկածելի ապացույցները ներկայացնում են որպես մի չտեսնված-չլսված ոճրագործություն, բռնապետության հաստատման փորձ, «37 թվի վերադարձ» եւ այլն:

Նույնն էլ Քոչարյանի դեպքում է: Դա էլ է, չէ՞, ներկայացվում որպես ազգային անվտանգության խնդիր (որովհետեւ Քոչարյանը Պուտինի «անձնական ընկերն է»): Եվ նրա կալանքի հարցը ներկայացվում է որպես լրջագույն սպառնալիք հայ-ռուսական հարաբերությունների համար: Լավ, եթե այդպես է՝ էլ ինչո՞ւ եք զարմանում, որ Փաշինյանը նաեւ այդ հարցով է հետաքրքրվում (կամ անհրաժեշտ են համարում այդ մասին զեկուցել նրան): Բա խոսքը հայ-ռուսական հարաբերությունների մասին է, չզեկուցե՞ն:

Մի խոսքով՝ հարցը շատ հստակ է դրված: Կամ արդարադատության առջեւ բոլորը հավասար են՝ անկախ նրանից, թե պետության անվտանգության համար ինչ հետեւանքներ կունենա դա, կամ, եթե խնդիրն առնչվում է պետության անվտանգությանը, վարչապետը պիտի գոնե տեղյակ լինի գործընթացներից: Մեր դեպքում, բարեբախտաբար, գործել է երկրորդ տարբերակը:

Արմեն Բաղդասարյան

Տպել
2216 դիտում

ԱԻՆ ՓԾ ճգնաժամային կառավարման ազգային կենտրոնում փետրվարի 17-23-ը գրանցվել է 280 դեպք, որից 135-ը՝ արտակարգ

Լաբորատորիայի արդյունքները հավաստում են՝ քաղաքացու վրա հարձակված կենդանին հովազ չէր. նա պնդում է հակառակը

Շահնազար գյուղի մոտ ջրամբարի չորացման պատճառով ձկները սատկել են. «Կանաչ Հայաստան» ՀԿ (տեսանյութ)

Նախկին վարչապետերը անձնական երաշխավորություն կներկայացնեն Ռոբերտ Քոչարյանի համար

Հրայր Թովմասյանը դատի է տվել Նիկոլ Փաշինյանին

Տեսախցիկները նկարահանել են ստորգետնյա անցումներում լամպերի գողության դեպքեր (տեսանյութ)

Արա Բաբլոյանի եւ Արսեն Բաբայանի մեղադրանքները փոփոխվել են

Չեմ կարծում, թե Իրանի հետ ցամաքային հաղորդակցության երկշաբաթյա դադարեցումը որեւէ խնդիր կառաջացնի․ Գոռ Գեւորգյան

«Ես կիրառել եմ երկու հատուկ միջոց». Լեւոն Երանոսյան

Քարաթափում է տեղի ունեցել Մեղրի-Երեւան ավտոճանապարհին. ԱԻՆ

Վարչապետն այցելել է ներդրումների աջակցման կենտրոն

Թող մրցույթ չլինի, գումարը մեզ տան՝ որպես դրամաշնորհ կամ նվիրատվություն. բողոքի ակցիա քաղաքապետարանի դիմաց

Բերդ-Այգեձոր ավտոճանապարհին մեքենան կողաշրջվել է. նախնական տվյալներով չորս քաղաքացի տուժել է, չորսը՝ մահացել. ԱԻՆ

ՏԿԵ նախարար Սուրեն Պապիկյանին արձակուրդ է տրամադրվել. նրան կփոխարինի տեղակալ Վաչե Տերտերյանը

Մարդիկ պարտադրել են ծրագրեր, որ իրենց ազդեցությունն ունենան բուհական շրջանակներում. նախարարը շրջադարձի կողմնակից է

«Ռոմայի» գլխավոր մարզիչը ցանկանում է Մխիթարյանին պահել իր թիմում

Ըստ Լեւոն Երանոսյանի պաշտպանի՝ ցուցարարները ոստիկանների նկատմամբ բռնություն են կիրառել. Ալեն Սիմոնյանը առարկում է

Վանաձորի պետական համալսարանի ռեկտորի ընտրությունը կկայանա մարտի 1-ին. թեկնածուները 5-ն են

Ջալալ Հարությունյանը նշանակվեց Արցախի պաշտպանության նախարար. Կարեն Աբրահամյանը ազատվեց պաշտոնից

ՏՄՊՊՀ-ն հորդորում է անհիմն չթանկացնել բժշկական դիմակներն ու հակավիրուսային դեղերը