Փոկայում 33-ամյա տղամարդու սպանության մեջ մեղադրվողը կալանավորվել է. պաշտպանի պնդմամբ՝ նա սթրեսի մեջ է եղել

Դեկտեմբերի 3-ին Նինոծմինդայի մունիցիպալիտետի Փոկա գյուղում համագյուղացուն սպանելու մեջ մեղադրվող Գալուստ Մկրտչյանը դեկտեմբերի 5-ին կալանավորվել է:

Գալուստ Մկրտչյանը մեղադրվում է համագյուղացուն՝ 33-ամյա Խաժակ Թորոսյանին դիտավորյալ սպանելու համար:

Դեպքը տեղի է ունեցել Փոկա գյուղի հասարակական կենտրոնի մոտ. Մկրտչյանը իր մոտ եղած զենքով 5 անգամ կրակել էր Խաժակ Թորոսյանի ուղղությամբ: Վերջինս ստացած հրազենային վնասվածքներից տեղում մահացել էր: Մեղադրյալի պաշտպան Ավթանդիլ Թելիաշվիլին միջնորդել է, որպեսզի իր պաշտպանյալ Գալուստ Մկրտչյանի նկատմամբ որպես այլընտրանքային խափանման միջոց կիրառվի գրավը:

Վրաստանի լրատվամիջոցները, սակայն, չեն հայտնում, թե որքան գրավ է առաջարկել պաշտպանական կողմը եւ դատարանն այդ միջնորդության վերաբերյալ ինչ դիրքորոշում է հայտնել: Ըստ պաշտպանի՝ մեղադրյալի եւ սպանվածի միջեւ տեղի ունեցած կոնֆլիկտը սպանությունից մի քանի ամիս առաջ էր ծագել:

Նրա խոսքով՝ դեպքից ամիսներ առաջ՝ սեպտեմբերին, սպանված Խաժակ Թորոսյանը գերեզմանոցում վիճել է Գալուստ Մկրտչյանի հետ, վիրավորական արտահայտություններ հնչեցրել, ինչից հետո ծեծի ենթարկել նրան՝ հարվածներ հասցնելով գլխի շրջանում: Վիճաբանությունից եւ ծեծկռտուքից հետո Գալուստ Մկրտչյանը տեղափոխվել էր հիվանդանոց:

Բժիշկները մոտ մեկ ամիս պայքարել են նրա կյանքի համար: Պաշտպանը նշել է, որ վերջին ամիսներին Գալուստ Մկրտչյանը ամուբուլատոր բուժում էր ստացել:

Պաշտպան Ավթանդիլ Թելիաշվիլիի խոսքով՝ այդ դեպքից հետո Խաժակ Թորոսյանը կրկին սպանության սպառնալիքներ է հնչեցրել Մկրտչյանի հասցեին: Այդ սպառնալիքներից հետո էլ հարուցվել էր քրեական գործ, որի շրջանակում Թորոսյանը ձերբակալվել էր: Սակայն մի քանի օր անց՝ 3000 լարի գրավի դիմաց ազատ է արձակվել:

Դեպքի օրը՝ դեկտեմբերի 3-ին, ըստ պաշտպանի, Թորոսյանը կրկին վիճել է իր պաշտպանյալի հետ, սպառնացել նրան, ինչն էլ ավարտվել է Թորոսյանի սպանությամբ: Պաշտպանը պնդել է, որ այն բանից հետո, երբ իր պաշտպանյալը ստացել է գլխի վնասվածք, գտնվել է սթրեսային վիճակում, գործել չմտածված, ինչն էլ հետեւանք է դարձել սպանության:

Սակայն սպանվածի ընտանիքի անդամները պնդում են, որ Գալուստ Մկրտչյանը պարբերաբար վիրավորանքներ է հասցրել իրենց որդուն, մինչդեռ ոստիկանությունը չի արձագանքել: Սպանվածի հայրը պնդում է, որ հենց այդ պատճառով է գյուղի բնակչությունը դուրս եկել սպանողի դեմ: 

Դատարանում Մկրտչյանի պաշտպանը նշել է, որ իր պաշտպանյալը քննությունից չի թաքնվել, ընդհակառակը՝ սպանությունից հետո Մկրտչյանն անձամբ է զանգահարել ոստիկանություն: Դատախազ Մամուկա Կոմոշվիլին, սակայն հակառակն է պնդել. նա մասնավորապես, նշել է, որ Գալուստ Մկրտչյանը սպանությունից հետո չի հանձնվել, այլ՝ փորձել է փախուստի դիմել, ինչը կանխվել է ոստիկանների հետապնդման արդյունքում եւ ձերբակալվել:

Հիշեցնենք, որ հենց սպանությանը հաջորդած գիշերը գյուղացիները հրդեհել են Գալուստ Մկրտչյանի երկու առանձնատներն ու թվով չորս մեքենաները: Վերջիններս անգամ ցանկացել են Մկրտչյանի 6 ամսական երեխային տան մեջ այրել: Սակայն դա նրանց չի հաջողվել, քանի որ կատարվածից անմիջապես հետո վերջինիս ընտանիքը տեղափոխվել է. նրանց գտնվելու վայրը հայտնի չէ:

Վրաստանի ներքին գործերի նախարարությունը ստիպված է եղել հատուկ ջոկատայիններ մոբիլիզացնել շրջանում: Դեպքից հետո ոստիկանությունում հարուցվել է քրեական գործ՝ ուրիշի գույքը դիտավորությամբ ոչնչացնելու փաստի առթիվ: Խաժակ Թորոսյանի սպանության գործով հաջորդ դատական նիստը նշանակված է 2019 թվականի հունվարի 24-ին:

Տպել
1260 դիտում

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ