Երևան
5 °C
Հայաստանի ազգային կինոկենտրոնը «Հայկական ժամանակ»-ին պարզաբանում է ներկայացրել, որտեղ նշում է ռեժիսոր Հովհաննես Գալստյանի «Տատիկիս Վարսերը» կինոնախագծի ֆինանսավորման սառեցման պատճառները: Նշենք, որ Հովհաննես Գալստյանը «Տատիկիս Վարսերը» կինոնախագծի ֆինանսավորումը դադարեցնելու պատճառով դեկտեմբերի 3-ից հացադուլի մեջ է:
Կինոկենտրոնը նշում է, որ հանձնաժողովի կողմից Գալստյանի հայտը մերժվել է՝ հիմք ընդունելով 2018 թվականի մարտի 17-ի թիվ 116-Ա հրամանով հաստատված, ֆիլմերի նախագծերի մրցույթների անցկացման եւ ֆինանսավորման կանոնակարգի 15-րդ կետը: Համաձայն կանոնակարգի՝ Նախկինում պետական աջակցություն ստացած եւ պայմանագրային պարտավորությունները չկատարած ֆիլմարտադրողների կողմից ֆիլմի նախագծերի հայտեր ներկայացվելու դեպքում դրանք ենթակա են մերժման:
Ստորեւ ներկայացնում ենք ազգային կինոկենտրոնի պարզաբանումն առանց խմբագրման.
«Հայտնում ենք, որ կինոկենտրոնի նախկին տնօրեն Գեւորգ Գեւորգյանի կողմից Հովհաննես Գալստյանին տրվել է գրություն 13.11.2015թ. որում ասվում է, որ Կինոկենտրոնը պատրաստ է «Տատիկիս Վարսերը» կինոնախագծին աջակցել 2016-2017 թվականների ընթացքում եւ համատեղ ֆիլմարտադրության մեջ կատարել ներկայացված բյուջեի ընդհանուր ծախսերի մինչեւ 30 տոկոսի չափով ներդրում:
2016 թվականի մարտի 29-ին կնքվել է պայմանագիր «Հայաստանի ազգային կինոկենտրոն» ՊՈԱԿ-ին եւ «Պարալլելս Ֆիլմպրոդաքշն» ՍՊ ընկերության միջեւ «Տատիկիս վարսերը» ֆիլմի համատեղ արտադրության վերաբերյալ: Ֆիլմի ընդհանուր բյուջեն կազմել է 312 մլն ՀՀ դրամ, որից 23 մլ դրամը պետք է ֆինանսավորներ կինոկենտրոնը, իսկ 289 մլն դրամի չափով գումար պետք է ներդներ պրոդյուսերական ընկերությունը /պայմանագիրն առկա է/: Ըստ պայմանագրի ֆիլմի արտադրության ավարտման ժամկետն է՝ 2017 թվականի դեկտեմբերի 31-ը:
2017 թվականի դեկտեմբերին, երբ լրանում էր ֆիլմի պայմանագրային ժամկետը, Հովհաննես Գալստյանը դիմել է կինոկենտրոնին ֆիլմի արտադրության ավարտման ժամկետը երկարաձգելու խնդրանքով, ինչի վերաբերյալ կողմերի միջեւ 2017 թվականի դեկտեմբերի 15-ին կնքվել է լրացուցիչ համաձայնագիր, ըստ որի՝ ֆիլմի ավարտման ժամկետը սահմանվել է 2018 թվականի դեկտեմբերի 3-ը:
Կինոկենտրոնը իր պայմանագրային պարտավորությունները ամբողջովին կատարել է, իսկ պրոդյուսերական կողմից փաստացի կատարված ներդրումների վերաբերյալ որեւէ հիմնավորում կինոկենտրոնում առկա չէ:
Ելնելով վերը ներկայացվածից ակնհայտ է, որ ֆիլմին հատկացվելիք որեւէ լրացուցիչ ֆինանսական պարտավորություն կինոկենտրոնը չի կրում եւ անհիմն է Հովհաննես Գալստյանի հայտարարությունն այն մասին, որ Հայաստանի ազգային կինոկենտրոնը հրաժարվել է ֆիլմին հատկացվելիք 60 մլն դրամի պարտավորությունից:
2018 թվականին Հովհաննես Գալստյանը դիմել է նախագծերի հայտերն ուսումնասիրող հանձնաժողովին «Տատիկիս վարսերը» ֆիլմի լրացուցիչ ֆինանսավորում ստանալու նպատակով: Հանձնաժողովի կողմից Գալստյանի հայտը մերժվել է հիմք ընդունելով 2018 թվականի մարտի 17-ի թիվ 116-Ա հրամանով հաստատված, ֆիլմերի նախագծերի մրցույթների անցկացման եւ ֆինանսավորման» կանոնակարգի 15-րդ կետը՝ այն է «Նախկինում պետական աջակցություն ստացած եւ պայմանագրային պարտավորությունները չկատարած ֆիլմարտադրողների կողմից ֆիլմի նախագծերի հայտեր ներկայացվելու դեպքում դրանք ենթական են մերժման»:
Հովհաննես Գալստյանի հայտի մերժման պատճառը հանդիսացել է այն, որ 2010 թվականին «Հայաստանի ազգային կինոկենտրոն» ՊՈԱԿ-ի՝ ի դեմս տնօրեն Գեւորգ Գեւորգյանի եւ «Պարալլելս ֆիլմպրոդաքշն» ՍՊ ընկերության տնօրեն Հովհաննես Գալստյանի միջեւ կնքվել է «Լուսավոր շրջան» (Գաբրիել եւ Մարի, Սրբագրողը, Թողություն) կինոնախագծի արտադրության վերաբերյալ պայմանագիր՝ պետական աջակցություն հատկացնելու մասին: Արտադրության ավարտը սահմանված էր 2014 թվականի դեկտեմբերի 31-ը: Նախագծի ընդհանուր բյուջեն կազմել է 700 մլն դրամ, որից կինոկենտրոնի ներդրման չափն է 93,4 մնլ դրամը, իսկ մնացած՝ 606,6 դրամը պետք է ապահովեր պրոդյուսերական ընկերությունը:
2010-14 թվականների ընթացքում կինոկենտրոնի կողմից ֆիլմին ֆինանսավորվել է ըստ տարիների: Կինոկենտրոնն իր պայմանագրային պարտավորությունները կատարել է ըստ տարիների՝
2010թ. 1,5 մլն դրամ, 2011թ. 15,9 մլն դրամ, 2012թ. 34,0 մլն դրամ, 2013թ. 18,0 մլն դրամ, 2014թ. 24,0 մլն դրամ, ընդամենը՝ 93,4 մլն դրամ:
Կինոկենտրոնն իր պայմանագրային պարտավորությունները «Լուսավոր շրջան» Թողություն ֆիլմի ֆինանսավորման մասով կատարել է, սակայն «Պարալլելս ֆիլմպրոդաքշն» ՍՊԸ-ն մինչեւ օրս ֆիլմը չի ավարտել: Խնդիրը բարձրաձայնվել է 2017 թվականի օգոստոսից, երբ Հայաստանի ազգային կինոկենտրոնի տնօրեն է նշանակվել Շուշանիկ Միրզախանյանը: Վերջինիս կողմից ստեղծվել է հանձնաժողով խնդրի վերաբերյալ եւ Գալստյանից պահանջվել բացատրություն ու նկարահանված նյութեր:
Վերջինս միայն 2018 թվականի հունիսի 5-ին ներկայացրել է գրավոր բացատրություն, որտեղ բազմաթիվ պատճառների հետ միասին նշում է շատ կարեւոր մի փաստ, որ Թողություն ֆիլմին տրամադրված 93,4 մլն դրամից 40 մլն դրամ գումարը Գալստյանը Կինոկենտրոնի նախկին տնօրեն Գեւորգ Գեւորգյանի հետ բանավոր համաձայնության գալով, ուղղել է նույն ժամանակահատվածում, նույն ընկերության կողմից կինոկենտրոնում իրականացվող ռեժիսոր Մարինե Զաքարյանի, «Կիսալուսնի ծովածոցը» ֆիլմի արտադրությանը:
Վերոգրյալի վերաբերյալ կողմերի միջեւ կնքվել է «Կիսալուսնի ծովածոցը» ֆիլմին աջակցելու մասին պայմանագիր: Ֆիլմի ընդհանուր բյուջեն 88,0 մլն դրամ է, որից կինոկենտրոնի աջակցությունը 15,0 մլն դրամ է: Նշենք նաեւ, որ այս պայմանագրի շրջանակներում կինոկենտրոնը եւս որեւէ պարտավորություն չի ունեցել:
Պետք է նշել կարեւոր փաստ, որ Հովհաննես Գալստյանի բացատրության մեջ նշված 40,0 մլ դրամի իր կողմից կատարված վերաբաշխումը ոչ մի հիմնավորող փաստաթղթով չի կարգավորված: Կինոկենտրոնում առկա բոլոր ֆինանսական փաստաթղթերով պարզ երեւում է, որ 2010-ից 2014 թվականների ընթացքում ներկայացվել են ֆինանսական հաշվետվություններ եւ կատարվել են վճարումներ բացառապես «Լուսավոր շրջան» «Սրբագրողը» ֆիլմի վերաբերյալ 93,4 մլն դրամի չափով:
Այսինքն՝ բացի նրանից, որ «Պարալլելս ֆիլմպրոդաքշն» ՍՊԸ-ի կողմից խախտվել են պայմանագրային պարտավորությունները, ինչի արդյունքում պետական բյուջեից հատկացված 93,4 մլն դրամ գումարի դիմաց չունենք ավարտուն ֆիլմ, ունենք ընդամենը 17 րոպե նկարահանված նյութ եւ բացահայտվել է նաեւ, որ ներկայացված հաշվետվությունները արժանահավատ չեն:
Ինչ վերաբերում 2017թվականին կինոնախագծին հատկացված 23 մլն դրամի մի մասից (5 մլն) ՀՀ մշակույթի նախարարության կողմից հետ վերցված գումարներին, ապա հայտնում ենք ձեզ, որ ասվածը հիմնավորող փաստաթուղթ չկա, այդ մասին մենք տեղեկացել ենք միայն Հովհաննես Գալստյանի նամակներից»:
Վալերի Լեոնտևը հայտարարել է բեմից հեռանալու մասին
Խոշոր ավտովթար Գեղարքունիքում. կա 5 տուժած, այդ թվում՝ երեխաներ
ՀՀ կենտրոնական բանկը պարզաբանում է տարածել «Միր» քարտերի շրջանառության վերաբերյալ
«Հանրային ձայն» խմբակցության անդամ Նանա Սարգսյանի լիազորությունները դադարեցվել են
Վարույթում է գտնվում ապօրինի ծագում ունեցող գույքի բռնագանձման 102 հայցադիմում՝ ավելի քան 400 միլիարդ դրամ պահանջով
Արձանագրվել է մարդու դեմ ուղղված հանցագործությունների դեպքերի աճ․ ամփոփվել է Դատախազության նախորդ տարվա աշխատանքը
Գեղարքունիքում տուն է փլուզվել. 92-ամյա բնակիչը դուրս է բերվել պատգարակով
ՀՀ-ում ԵՄ առաքելությանը կօժտեն լայն լիազորություններով և անձեռնմխելիությամբ. համաձայնագիրը մտել է ԱԺ օրակարգ
Իր ազդեցությունն ընդլայնելու ՆԱՏՕ-ի փորձերը դժվար թե կայունություն ավելացնեն Կովկասում. Պեսկով
Վահագն Խաչատուրյանը շնորհավորել է Վլադիմիր Պուտինին
«Գորիս» ՔԿՀ պետն ազատվել է պաշտոնից և ծառայությունից
Պուտինը վերընտրվելուց հետո առաջին պաշտոնական այցը կկատարի Չինաստան
Ողջունում եմ ՀՀ համերաշխությունն Ուկրաինային և կոչ անում գործընկերներին անել հնարավորը, որ Պուտինը չհաղթի. Ստոլտենբերգ
Սյունիքում ավտովթարի և հրդեհի հետևանքով մահացածներն ընտանիքի անդամներ էին, նրանց թվում կա երեխա. մանրամասներ
Խոշոր ավտովթար Չարենցավանի կամրջի մոտ. 3 մարդ հոսպիտալացվել է
ՆԱՏՕ-ն աջակցում է ՀՀ ինքնիշխանությանը, տարածքային ամբողջականությանն ու խաղաղ ձգտումներին. Ստոլտենբերգ
Խոսքը հայկական գյուղերի մասին չէ. Աղազարյանը՝ Տավուշի 4 համայնքի մասին
МИР քարտերի սպասարկման դադարեցում․ IDBank
Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ
Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում
Զախարովան արձագանքել է ՀՀ վարչապետի խոսքերին
Պատկերված անձը որոնվում է նախաձեռնված քրեական վարույթի շրջանակներում (տեսանյութ)
Fly Arna-ի լիցենզիան կասեցված է. ՏԿԵ փոխնախարար
Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)
ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը
Տրոլեյբուսը հայտնվել է խրամուղում. շինարարը կտուգանվի (տեսանյութ)
Նիկոլ Փաշինյանը շնորհավորել է Վլադիմիր Պուտինին
Վարչապետի որոշմամբ՝ ՊԵԿ նախագահի առաջին տեղակալ է նշանակվել
Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին
«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով
Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են
Նիկոլ Փաշինյանը «TikTok»-ում նոր շարք է սկսել (տեսանյութ)
Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան
Պակիստանում երկրաշարժ է գրանցվել
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը
Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած
Մի քանի ժամ լույս չի լինի Երևանի և 7 մարզի մի շարք հասցեներում
Որ բանկերի քարտապանները կարող են օգտվել հետվճարի ծրագրից
ԵՄ արտգործնախարարները վերահաստատել են իրենց աջակցությունը Հայաստանին
Դիլիջանի ոլորանները փակ են բեռնատարների համար, մի շարք շրջաններում ձյուն է տեղում
© 2024 Հայկական ժամանակ