Նախընտրական քարոզարշավ, օր 8-րդ․ «Սասնա ծռեր» կուսակցություն (լուսանկարներ)

«Սասնա ծռեր» համահայկական կուսակցության անդամներն ու պատգամավորության թեկնածուները նախընտրական քարոզարշավի ութերորդ օրը շրջում են մայրաքաղաքի փողոցներով, քաղաքացիներին բաժանում իրենց թռուցիկները։

Մասնավորապես, Երեւան քաղաքի Կենտրոն, Նորք-Մարաշ, Էրեբունի, Նուբարաշեն վարչական շրջաններն ընդգրկող թիվ չորս ընտրատարածքում երթով քարոզարշավ էին իրականացնում Ժիրայր Սեֆիլյանը, Ստեփան Գրիգորյանը և Արեգ Կյուրեղյանը:

Ժիրայր Սեֆիլյանը, որը թեպետ առաջադրված չէ որպես թեկնածու, մեր զրույցում ասաց, որ այս տարիների ընթացքում հիմա համեմատաբար նորմալ քարոզարշավ է ընթանում․

«Պարզ է, որ միանգամից հնարավոր չէ ավելի լավ վիճակի հասցնել, բայց գնալով նմանվում է ընտրությունների։ Ընդհանուր առմամբ՝ վատ չէ։ Մենք այս օրերին ավելի շատ դրսում շփվում ենք ժողովրդի հետ, իսկ բանավեճերին մեր թիմից այլ անդամներ են մասնակցում։ Ես կասեի՝ գաղափարական լուրջ բանավեճեր առայժմ չկան, չնայած մենք մեր ծրագրով ու մտքերով փորձում ենք այդպես անել»։

Սեֆիլյանն ասաց, որ մարդիկ դրական վերաբերմունք ունեն իրենց կուսակցության հանդեպ։ Նա նշեց, որ լավ կլիներ, եթե մարտիմեկյան դեպքերից հետո նախկին իշխանությունների հետ կոալիցիա կազմած ուժերը չկարողանային անցնել խորհրդարան․

«Ճիշտ կլիներ, որ ընտրվեր, իհարկե հեղափոխական ուժը՝ Նիկոլ Փաշինյանի գլխավորած, երկրորդ տեղի պոտենցիալ, կարծես թե, մենք ունենք, եւ ես կուզեի ու մատնացույց կանեի նոր ուժերից ՔՈ-ին՝ «Քաղաքացու որոշում» սոցիալ-դեմոկրատական կուսակցությանը։ Ճիշտ կլիներ՝ այդպես լիներ»,- «Հայկական ժամանակ»-ին ասաց Ժիրայր Սեֆիլյանը։

«Սասնա ծռեր» կուսակցության պատգամավորի թեկնածու Արեգ Կյուրեղյանը եւս կարծում է, որ քարոզարշավն ընթանում է նորմալ պայմաններում, չնայած վերջինիս պնդմամբ՝ առանձին դեպքերում հանրապետականները փորձել են ազդել իրենց աշխատողների վրա՝ ինչպես նախկինում․

«Ես ունեմ տեղեկություններ, որ հանրապետական գործատուներն իրենց աշխատողներին ասել են՝ ինչո՞ւ եք ներկա եղել «Սասնա ծռերի» քարոզարշավին եւ այլն։ Դա մեզ տեղյակ են պահել։ Նաեւ կան այլ խոսակցություններ, որ մարդկանց փորձել են տարբեր ձեւերով ուղղորդել, դա եւս լիովին վերացած չէ։ Իհարկե, մյուս ընտրությունների համեմատ՝ այս քարոզարշավն ու ընտրությունները բավականին նորմալ են»,- ասաց Արեգ Կյուրեղյանը։

Քարոզարշավի ընթացքում Ազատության հրապարակին հարակից հատվածում «Սասնա ծռեր» կուսակցության եւ «Մենք» դաշինքի քարոզարշավի մասնակիցները հանդիպեցին իրար, փոխանակվեցին թռուցիկներով, իսկ «Մենք»-ի անդամներն իրենց ֆելշմոբի «Մենք» գրությամբ կարկանդակներից հյուրասիրեցին «Սասնա ծռեր»-ին։ 

«Սասնա ծռեր» կուսակցության անդամներն այս պահին մայրաքաղաքի տարբեր ընտրական տարածքներում շրջում են փողոցներով, զրուցում քաղաքացիների հետ ու բաժանում իրենց նախընտրական թռուցիկները։

Կուսակցությունը տարբեր խմբերով քարոզարշավ է իրականացնում նաեւ Մալաթիա-Սեբաստիա, Շենգավիթ վարչական շրջաններն ընդգրկող թիվ 3 ընտրատարածքում, Արաբկիր, Աջափնյակ, Դավթաշեն վարչական շրջաններն ընդգրկող թիվ 2 ընտրատարածքում եւ Ավան, Նոր Նորք, Քանաքեռ-Զեյթուն վարչական շրջաններն ընդգրկող թիվ 1 ընտրատարածքում։ Այս երթերը համապատասխանաբար առաջնորդում են Վարուժան Ավետիսյանն ու Գևորգ Սաֆարյանը, Գարեգին Չուգասզյանն ու Հրաչիկ Մարգարյանը, Արա Պապյանը եւ Ալեք Ենիգոմշյանը։ 

Տպել
10217 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին