Նարեկ Բավեյանն ու որոշ հայտնիներ երգել են ՀՀԿ-ի հավաքի ժամանակ

Նախորդ ընտրությունների համեմատ՝ ԱԺ 2018 թ. արտահերթ ընտրությունների քարոզարշավների ընթացքում հայկական շոու բիզնեսի հայտնիների ներգրավվածություն քիչ է նկատվում: Նախկինում ՀՀԿ-ն համերգներ էր կազմակերպում, որոնց ընթացքում ելույթ էին ունենում ճանաչված երգիչներ, վարում էին հայտնի հաղորդավարներ: Այս անգամ նրանց մասնակցությամբ հրապարակային հավաքներ չի կազմակերպում, սակայն փակ հանդիպումների ընթացքում, այդուհանդերձ, հրավիրում է: Մի քանի օր առաջ նման փակ միջոցառումներից մեկի ժամանակ հանդես է եկել երգիչ Նարեկ Բավեյանը: «Հայկական ժամանակ»-ի հետ զրույցում նա նշեց, որ ներկայացել են նաեւ այլ երգիչներ, սակայն նրանց անուններն ասել ու նրանց անդրադառնալ չցանկացավ: Նա խոսեց միայն իր մոտեցման մասին:

- Քաղաքական ուժերի կողմից իրենց կազմակերպած համերգների ընթացքում երգելու հրավերներ ստացե՞լ եք:

- Երգել եմ 1 անգամ «Հանրապետական» կուսակցության առաջին հավաքին «Դվին» հյուրանոցում: Մի քանի՝ մոտ 4-5 օր առաջ էր: Բայց քարոզարշավների չեմ մասնակցելու: Դա ընդամենն իմ անձնական, ընկերական հարաբերությունների շնորհիվ է եղել, որ չեմ մերժել մարդկանց, որոնց հետ վաղուց մտերմիկ հարաբերություններ ունեմ: Այսինքն՝ այդտեղ նույնիսկ ո՛չ գործնական, ո՛չ գումարային խնդիր է, ո՛չ քարոզարշավի մասնակցություն, զուտ ընկերական աջակցություն էր: Կուսակցական հավաք էր: Ես ինքս ոչ մի կուսակցության մեջ չկամ: Անգամ եթե համերգների մասնակցելու շահավետ գումարային առաջարկ էլ լինի ցանկացած կուսակցության կողմից, որոշել եմ այլեւս չմասնակցել քաղաքական քարոզարշավներին:

- Այս քարոզարշավի ընթացքում հայտնիների մասնակցությունը համեմատաբար քիչ է, համերգները՝ նույնպես: Ըստ Ձեզ՝ ո՞րն է պատճառը:

- Չգիտեմ: Գուցե չեն անում ուղղակի, չեն ուզում անել: Ուրիշների հետ կապված չգիտեմ՝ ով ինչ է անելու: Ես ասացի իմ անձնական որոշումը:

- Մյուս քաղաքական ուժերից հրավերներ չե՞ք ստացել:

- Ո՛չ:

- Եթե ստանաք, կընդունե՞ք:

 -Ո՛չ, արդեն, ո՛չ, որովհետեւ որքան էլ միշտ դրան վերաբերվել եմ որպես համերգի ու երբեւիցե որեւիցե կուսակցության համար երգելիս, կապ չունի եղել է «Հանրապետական» կամ ԲՀԿ եւ այլն, երբեւիցե իմ կողմից որեւիցե մեկը քաղաքական կոչեր չի լսել: Երգել եմ, ու վերջ: Չեմ գոռգոռացել ինչ-որ գաղափարախոսություններ: Ինչ ուզում ես արա, ինչքան էլ դու դա ընկալում ես որպես համերգ, մարդիկ ընկալում են որպես կոնկրետ քաղաքական ուժին աջակցություն, բայց այդպես չէ: Մարդուն հրավիրել են՝ նրա մասնագիտական ծառայությունները մատուցելու, եթե այդպես է, ուրեմն համերգի ժամանակ մեկը բանվոր է, եկել բեմն է հավաքել, մյուսը լույս է դրել, վարձու ծառայությունների մատուցում է, չէ՞, եթե աշխատում են այդտեղ, ուրեմն բոլորն աջակցո՞ւմ են այդ քաղաքական ուժին: Ո՛չ: Բայց որքան էլ բացատրում ես, որ ես ընդամենը մասնագիտական ծառայություններ եմ մատուցում, միեւնույն է կողքից ընկալվում է, որ դու ինչ-որ քաղաքական ուժի մեջ ես: Դրա համար, քանի որ ես համարում եմ, որ երգը, արվեստագետը միշտ պետք է լինի ժողովրդի կողքին (ինչպես ես եղա ժողովրդի կողքին հեղափոխության օրերին, չնայած այդ մասին չգոռգոռացի ու բեմ էլ չբարձրացա, որովհետեւ դա ավելորդ էի համարում),  պետք է լինի ժողովրդի կողքին, բայց ոչ քաղաքականացված: Դրա համար ինձ հեռու եմ պահելու քաղաքականացված ցանկացած բանից:

- Իսկ, եթե էլի ընկերները հրավիրե՞ն...

- Ամեն ինչ չափ ու սահման ունի: Հրավիրեցին, այն մարդիկ, որոնց հետ ձեւավորված էր երկար տարիների մտերմիկ, ընկերական փոխհարաբերություններ, ինչո՞ւ չէ, ունեին ինձ արած լավություն: Մերժել այդ մարդկանց զուտ նրա համար, որ ժողովրդի հետ հեղափոխության օրերին քայլել եմ, ճիշտ չհամարեցի, որովհետեւ զուտ անձնական հարաբերությունների հարթակում, եթե քեզ արվել է լավություն, պետք է լավությամբ պատասխանես: Եթե կան ընկերական հարաբերություններ, չպետք է ուրանալ, կապ չունի ՀՀԿ-ից է, ԲՀԿ-ից է, «Իմ քայլից» է, թե այլ տեղից: Անձնական հարաբերությունների մեջ մարդը մարդ պետք է մնա միշտ: Վերջիվերջո բոլորն էլ հայ են, մեր ընկերներն են, որոնց հետ տարիներ շարունակ քաղաքում ապրել ու մեծացել ենք: Ինձ համար անձնական թշնամանք չկա: Իհարկե, չափ ու սահման ունի: Չի նշանակում, որ հիմա ինձ պետք է բոլորը կանչեն ու շահագործեն, ասեն՝ դե մեր համերգին արի: 1 անգամ առիթը եղավ, ես իմ լավությունն արեցի: Թե չէ, որ այդպես լինի Վահեն էլ Էնֆիաջյան իմ վաղեմի ընկերն է ԲՀԿ-ից, պետք է զանգի՞ ասի՝ արի, երգիր: Ալենին Սիմոնյան հազար տարի է՝ ճանաչում եմ, միասին կինոյում ենք նկարահանվել, նա՞ էլ կզանգի, կասի՝ արի, երգիր: Ամեն ինչ, իհարկե, չափի ու սահմանի մեջ պետք է լինի:

- Ձեր հիմնական գործունեությունից ի՞նչ նորություններ են սպասվում՝ տեսահոլովակ, հեռուստանախագծեր:

- Անկեղծ ասած, սպասում եմ՝ հասկանամ՝ այս երկրում ինչ է լինելու, որովհետեւ ցանկացած գործ խամրում է քրեական գործերի ֆոնի վրա, ողջ հետաքրքրությունը գնում է դեպի դրան: Գիրք գրվի, երգ գրվի, ամեն ինչ խամրում է այս ֆոնի վրա: Մարդկանց ուշադրությունն ավելի շատ սեւեռված է իշխանությունների վրա, ինչ է կատարվում երկրում, սպասումներ եւ այլն: Գործեր կան, որ արվում են, բայց դրվում են մի կողմ, որպեսզի սպասենք, հասկանանք՝ ինչ է կատարվում, կրքերը հանգստանան, մարեն, ընկնենք սովորական կյանքի ռիթմի մեջ, ու նոր աշխատանքներ արվեն, թե չէ հիմա մի քիչ ավելորդ է:

Տպել
4863 դիտում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին

Արման Դարչինյանը եւ Գուրգեն Հովհաննիսյանը հաղթեցին. ԱԱ