Հովհաննես Գալստյանը դեկտեմբերի 3-ից հացադուլ կսկսի. ռեժիսորը մանրամասնում է պատճառները

2019-ի փետրվարին էկրան պիտի բարձրանար «Տատիկիս վարսերը» ֆիլմը, սակայն արգելափակվեց: «Տատիկիս վարսերը» հայ-բուլղարա-գերմանական կինոնախագծի համառեժիսոր եւ համապրոդյուսեր, Պարալլելս Ֆիլմպրոդաքշն կինոընկերության հիմնադիր Հովհաննես Գալստյանը դեկտեմբերի 3-ից հացադուլ է սկսելու:

«Մեր ընկերության դեմ պայքարը սկսվել է անցյալ տարի՝ մշակույթի նախկին նախարար Արմեն Ամիրյանի կողմից, ապա շարունակվել ազգային կինոկենտրոնի նոր տնօրեն Շուշանիկ Միրզախանյանի միջոցով։ Ընդհանուր առմամբ երեք առանձին ուղղությամբ է ընթացել, սակայն այսօր ես կխոսեմ միայն մեկի մասին»,- ՀԺ-ի հետ զրույցում ասաց Հովհաննես Գալստյանը:

Վերջինիս խոսքով՝ նոր կանոնակարգը կիրառվել է որպես գործիք, որով նախկինում հաստատված եւ արդեն պետական գումարներ ստացած ֆիլմի ֆինասավորումը կասեցվել է:

«Հիմա հարց, քանի՞ հայկական ֆիլմ է արտադրվել միջազգային համատեղ արտադրությամբ. ոչ թե սփյուռքի մեր հայրենակիցների, այլ Եվրոպական կինոընկերությունների հետ համատեղ։ Քանի՞ միջազգային ընկերություն կա, որ հայկական ֆիլմում 175 մլն դրամի ներդրման պարտավորություն է վերցրել։ Մի ձեռքի մատների վրա կհաշվեք։ Հիմա ասեք՝ ինչպե՞ս կարող է կանոնակարգը կասեցնի արդեն իսկ ֆինասավորում ստացած ֆիլմի աշխատանքները, եթե այդ ֆիլմով արտադրողները որևէ խախտում թույլ չեն տվել»,- վրդովված ասում է ռեժիսորը։

Ըստ Գալստյանի՝ 2016 թվականին Հայաստանի ազգային կինոկենտրոնը ստանձնել է պարտավորություն 2016-18թթ-ին իրենց ընկերության «Տատիկիս Վարսերը» հայ-բուլղար-գերմանական ֆիլմի արտադրությանը բյուջեի մինչև 30%-ի չափով (88մլն դրամ) ֆինանսավորում հատկացնելու մասին: 2016թ-ին ֆիլմին հատկացվել է 8մլն դրամ։ 2017թ-ին՝ 15մլն, որի մի մասը մշակույթի նախարարությունը հետ է վերցրել, ապա կինոկենտրոնն ընդունել է նոր կանոնակարգ, որով 2018թ-ին հրաժարվել է ֆիլմին հատկացվելիք 60մլն դրամի պարտավորությունից։

«2017թ-ին մենք նկարել ենք 40 րոպե նյութ։ Մեր գործընկերները կատարել են 55000 եվրո ներդրում։ Հայաստանում պետք է ավարտեինք նկարահանումները այս օգոստոսին, աշնանը նկարեինք Բուլղարիայում, դեկտեմբերին սկսեինք հետարտադրությունը Գերմանիայում»,-ասաց Հովհաննես Գալստյանը:

Ռեժիսորն ընդգծում է, որ գերազանցելով հնարավոր բոլոր լիազորությունները, մրցութային հանձնաժողովը չեղարկել է ֆիլմի հանդեպ պետության պարտավորությունը, իր խմբի 30-ից ավելի անդամների զրկել աշխատանքից, սառեցրել 14 անձից բաղկացած խմբի հետ բուլղարացի գործընկերների պայմանավորվածությունները, ահռելի վնաս հասցրել «Պարալլելս Ֆիլմպրոդաքշնի» միջազգային վարկին ու հեղինակությանը։

Ֆիլմերի ֆինասավորման պետական հանձնաժողովի վեց անդամներից ոչ մեկը չի արտադրել միջազգային խաղարկային լիամետրաժ ֆիլմ, նրանք չգիտեն՝ ինչ բան է 360 մլն դրամ արժեցող ֆիլմի արտադրությունը։ Չգիտեն՝ ինչ է նշանակում աշխատել եվրոպական արտադրողների ու ֆոնդերի հետ։

Չգիտեն՝ ինչ է հիսուն մարդու հետ Հայաստանում և Բուլղարիայում աշխատանքային պայմաններ համաձայնեցնել, իսկ հետո հիսուն մարդու ասել՝ ներեցեք, չեղավ։ Այս մարդիկ, ում նոր իշխանությունը վստահել է պետական մրցույթի անցկացումը և որոնց ես անվանում եմ բոսյակներ, «բոբիկ» են, առանց որևէ գործնական փորձի։ Ավելին, նրանք հանցագործներ են, որովհետև անօրինական գործողություններով ընդհատել են ֆիլմի արտադրություն, որի վրա արդեն ծախսվել են պետական գումարներ։

«Քիշինեւում ներկայացրել եմ իրավիճակը մեր բազմաթիվ գործընկերների։ Բոլորը ապշած են՝ ինչպե՞ս կարող է համաշխարհային կինոյից այսքան մեկուսացված Հայաստանը նման անբարտավան վարք դրսեւորել ներդրողների հանդեպ, չհարգել ոչ սեփական, ոչ միջազգային արտադրողին, ոչ ներքին, ոչ միջազգային իրավական պարտավորությունները։ Այս ամենը ծանրանալու է մեր երկրի, պետական բյուջեի վրա։ Ես, որպես պրոդյուսեր, պայքարի բոլոր հնարավոր ձեւերով հետ եմ բերելու ֆիլմին հասցրած ամբողջ վնասը՝ մինչեւ վերջին լումա։ Ինձ համար մեկ է՝ ով է ֆիլմի դեմ կանգնած՝ նախարար, փոխնախարար, կինոկենտրոնի տնօրեն, թե ԼԳՏԲ համայնքի հովանավորյալ։ Իմ խնդիրն է՝ վերականգնել իմ ֆիլմին հասցրած վնասը։ Սրա համար է հացադուլը»,-եզրափակեց ռեժիսորը։

Հ.Գ. Մեր լրագրողը հարցում է ուղարկել մշակույթի նախարարություն՝ այս ամենի վերաբերյալ պարզաբանումներ ստանալու համար: Նախարարության պարզաբանումը կներկայացնենք առաջիկայում:

Տպել
3011 դիտում

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք

Երևանում բեռնատարը վրաերթի է ենթարկել փողոցը չթույլատրելի հատվածով անցնող հետիոտնին. վերջինը տեղում մահացել է

ԱԻՆ-ն ահազանգ է ստացել Կոտայքի մարզի Բջնի գյուղի ամառանոցներում 2 տան այրվելու մասին

Արմեն Սարգսյանին հավատարմագրերն է հանձնել Հայաստանում ԵՄ պատվիրակության նորանշանակ ղեկավարը

էկոնոմիկայի փոխնախարարն ընդունել է միջազգային փորձագետներ և վենչուրային ներդրողներ Լուիջի Ամատիին և Բրիջիթ Բոումենին

Օձուն-Այգեհատ ավտճանապարհին ընթացող Opel-ի հետևի դռնից ուղևորը վայր է ընկել. նա հոսպիտալացվել է

Ոստիկանները բացահայտել են Արմավիրի Տալվորիկ համայնքի ղեկավարի ապօրինությունները (տեսանյութ)

Գրավն ունակ չէ չեզոքացնելու այն ռիսկերը, որոնք սպառնում են Քոչարյանի ազատության մեջ գտնվելու պարագայում․ Տիգրան Եգորյան

Ում է ձեռնտու թիրախավորել սաուդյան նավթը. ԱՄՆ-ը մեղադրում է Իրանին

Արմեն Սարգսյանն ու Նունե Սարգսյանը հյուրընկալել են Հովհաննես Թումանյանի ժառանգներին

«Բարեփոխելով աշխարհը». Երեւանում առաջին անգամ կկայանա կինոյի և հեռուստահաղորդումների փառատոն

Չարբախի ոստիկանները բերման են ենթարկել Տիմիրյազևի փողոցում կրակոցներ արձակած անձին (տեսանյութ)

Շիրակի մարզի կարկտահարված 6 համայնք ԿԽՀԸ-ի կողմից ստացավ 150.040.450 դրամի աջակցություն

Ռանչպար գյուղում այրվել է մոտ 10 հա խոտածածկ տարածք. հրդեհը մարվել է

Շաբաթ օրը երգչախումբը փողոցում է փորձ արել, քար լռություն եւ անտարբերություն է տիրում. Հեքեքյան

Անթույլատրելի է երեխայի նկատմամբ ցանկացած տեսակի բռնություն․ Պաշտպանի արձագանքը՝ տարածված տեսանյութին

Աշտարակի մոտ բախվել են Mercedes-ն ու Волга-ն. կա 1 զոհ, 3 տուժած.

Ստեփանակերտի քաղաքային համայնքի ավագանին որոշել է Ավստրալիայի Ռայդ քաղաքը հռչակել քույր քաղաք