Սա վերջին տարիներին ամենամեծ փոխհատուցումն է. գործադիրը գյուղացիներին տրամադրել է 493 մն դրամ

Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Վայոց ձորի եւ Տավուշի մարզպետարաններին՝ կառավարության որոշմամբ հատկացնել 492 միլիոն 961 հազար դրամ՝ 2018 թվականին տարերային աղետների հետեւանքով պատճառված վնասների մասնակի փոխհատուցում տրամադրելու նպատակով։ Այս մասին որոշում է կայացվել կառավարության այսօրվա նիստում:

Նախատեսված միջոցները, ինչպես նշեց ՀՀ գյուղատնտեսության նախարարի պաշտոնակատար Գեղամ Գեւորգյանը, կտրամադրվի 2018-ի տարերային աղետների հետեւանքով 50-100 տոկոս տուժած գյուղատնտեսական հողօգտագործողներին:

2018 թվականին հանրապետության մարզերում տարերային աղետների (կարկուտ, ջրհեղեղ, ցրտահարություն) հետևանքով վնաս է պատճառվել շուրջ 14 650 հա հողատարածքի, որի հետևանքով տուժած հողօգտագործողների վնասի չափը կազմում է շուրջ 13 մլրդ 386 մլն դրամ։ Աջակցություն ցուցաբերելու նպատակով նախատեսվում է ՀՀ պետական բյուջեից փոխհատուցում տրամադրել 50-100 % տուժած հողօգտագործողներին:

Նախարարի խոսքով, 2018 թվականին տարերային աղետների հետևանքով 50-100 % տուժած հողօգտագործողների (7736,61 հա) վնասի չափը կազմում է 9856393,5 հազ. դրամ: «Վնասի հաշվարկները կազմվել են հիմք ընդունելով ՀՀ մարզպետարաններից ստացված տեղեկատվությունը,ՀՀ ԱՎԿ-ի 2017 թվականի բուսաբուծական արտադրանքի գները և վերջին 3 տարիների միջին բերքատվության ցուցանիշները: Խաղողի, պտղի և հատապտղի համար նախատեսվում է փոխհատուցել վնասի 5%-ի չափով, բանջարաբոստանային, կերային, տեխնիկական մշակաբույսերի և կարտոֆիլի համար 4%-ի չափով, իսկ հացահատիկային և հատիկաընդեղեն մշակաբույսերի համար՝ 1 հա ցանքին անհրաժեշտ սերմացուի արժեքի 50 %-ի չափով՝ յուրաքանչյուր հա-ի հաշվով 30 հազ. դրամ: Միջինացված հաշվարկներով 1 հա խաղողի այգու համար աջակցության գումարը կազմում է 94,0 հազ դրամ, պտղի և հատապտղինը՝ 72.3 հազ դրամ, բանջարաբոստանային, կերային, տեխնիկական մշակաբույսերի, կարտոֆիլի համար՝ 63.7 հազ դրամ»,- ասաց նա:

2018 թվականին նախատեսված աջակցության գումարը կազմում է 492 961.5 հազ. դրամ, ընդամենը պատճառված վնասի շուրջ 3.7%-ը:

Գեւորգյանը նկատեց, որ սա վերջին տարիներին ամենամեծ փոխհատուցումն է: «Օրինակ 2016 թվականին վնասը 33,5 մլրդ դրամ է  կազմել, իսկ հատուցումը՝ 506 մլն դրամ, այսինքն՝ 1,5 տոկոս: 2017ժ-ին հատուցումը 0,4 տոկոս է կազմել»,- ասաց նախարարի պաշտոնակատարը՝ հավելելով, որ հաջորդ տարիների համար ավելի մեծ տեղ կտրվի կանխարգելմանը:

Առաջին փոխվարչապետ Արարատ Միրզոյանը նշեց, որ ինքն անձամբ եղել է Արմավիրի մարզում, փոթորիկից ու կարկտահարությունից հետո, եւ պատկերն, իրոք սարսափելի էր. «Անշուշտ պետությունն ունի պարտավորություն կանգնել գյուղացու կողքին: Իհարկե, հասկանում ենք, որ սա բավարար չափը չի, քանի որ եթե իրենք բերքն իրացնեին, ավելի շատ օգուտ էին ստանալու: Ես հունս ունեմ, որ 2019-ին արդեն կկարողանանք գործի դնել ապահովագրության մեխանիզմը եւ պետության միջամտության անհրաժեշտությունը չի լինի»,- ասաց նա:

Արարատ Միրզոյանը նկատեց նաեւ, որ շատ դեպքերում գյուղացիները վարկեր ունեն վերցրած եւ այս փոխհատուցումը տալիս են վարկերի դիմաց, իսկ իրենց կորցրածին դարման չի լինում:

Տպել
5594 դիտում

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ

Ի՞նչ է սատանիզմը. այսօր շատերն են շատերին մեղադրում սատանիստ լինելու համար

Արմեն Գեւորգյանի պաշտպանը եւս մեղադրող դատախազներին բացարկի միջնորդություն ներկայացրեց

ՀՀ ֆուտբոլի հավաքականի վիճակագրությունը Հունաստանի եւ Իտալիայի դեմ խաղերում հուսադրող չէ

Քոչարյանի պաշտպաններից Հովհաննես Խուդոյանը քիչ առաջ բացարկի միջնորդություն ներկայացրեց մեղադրող դատախազին

Հայաստանը ամենաապահով երկրներից է. 142 երկրների շարքում՝ 7-րդը

Պաշտպանության նախարար Դավիթ Տոնոյանն ընդունել է ՌԴ պատվիրակությանը. ՊՆ

Բացահայտվել է Փաստաբանների պալատի 2 անդամների կողմից առանձնապես խոշոր չափերով գումար հափշտակելու դեպք. ԱԱԾ (տեսանյութ)

ՀԱՅԲԻԶՆԵՍԲԱՆԿԸ մասնակցեց «Ստացիր կրթություն, գտիր աշխատանք, կառուցիր կարիերա» կարգախոսով աշխատանքի տոնավաճառին

Վարչապետ Նիկոլ Փաշինյանը Փարիզի Խաղաղության համաժողովի շրջանակում առանձնազրույց է ունեցել Էմանուել Մակրոնի հետ

Սրա տակ քաղաքական մանիպուլյացիաներ են. ԵՊՀ դասախոսը ուսանողական ցույցերի մասին

Ասկերանի բնակիչը ձիով պայթել է հակահետեւակային ականի վրա. տեղափոխվել է հիվանդանոց