Երևան
20 °C
Երեւանի քաղաքապետարանում այսօր հրավիրված էր ավագանու արտահերթ նիստ: Այդ ընթացքում որոշում ընդունվեց քաղաքապետարանի աշխատակազմի հաստիքացուցակը համալրել մի քանիսով, ընդունել նվերներ, այդ թվում՝ սեփական միջոցներով գնված, ավագանու անդամներին տրամադրել փոխհատուցում եւ այլն: Նիստը հիմնականում խաղաղ ու հանդարտ էր, բայց ժամանակ առ ժամանակ մթնոլորտը շիկանում էր, իսկ «Լույս» խմբակցության որոշ անդամներ կսմիթներ էին ուղարկում «Իմ քայլը» խմբակցության գործընկերներին:
Օրակարգում ընդգրկված էր վեց հարց, որոնցից բավական բուռն քննարկվեց երրորդը, որը վերաբերում էր նոր հաստիքներ ավելացնելուն: Քաղաքապետի տեղակալ Հայկ Սարգսյանն առաջարկեց Ներքին աուդիտի բաժնի աշխատակիցների թիվը դարձնել 10՝ ներկայիս 3-ի փոխարեն: Բաժնի պետի համար սահմանվում է ամսական 322 հազար դրամ աշխատավարձ, գլխավոր յոթ մասնագետների համար՝ 225 հազար, իսկ երկու առաջատար մասնագետների համար՝ 219 հազար դրամ: Ընդհանուր առմամբ, ամսական աշխատավարձի ֆոնդը կկազմի 2 միլիոն 335 հազար դրամ: Որոշման անհրաժեշտությունը բացատրվում է աշխատանքի արդյունավետությունը մեծացնելու որոշմամբ: Քաղաքապետի տեղակալն ընդգծեց, որ Երեւանի ենթակայությամբ գործում են 530 առեւտրային եւ ոչ առևտրային կազմակերպություններ, կառուցվածքային եւ առանձնացված ստորաբաժանումներ: «Ներքին աուդիտի մասին» օրենքի համաձայն, դրանք պետք է աուդիտի ենթարկվեն առնվազն 3 տարին մեկ: Այսինքն՝ յուրաքանչյուր տարի մոտ 175-ը:
Բաժնի երեք մասնագետներով հնարավոր չի եղել իրականացնել աշխատանքների ամբողջ ծավալը: Ուստի անհրաժեշտություն է առաջացել ներգրավել հավելյալ ուժեր: Նախկինում կատարված աշխատանքի արդյունքները Հայկ Սարգսյանը գնահատեց ոչ բավարար՝ ասելով, որ դրանք կրել են ստանդարտ, մոնոտոն բնույթ: Նա նշեց, որ աշխատավարձի ֆոնդի ավելացման հետեւանքով Երեւանի բյուջեում ծախսերի փոփոխություն չի նախատեսվում: Նկատեց, որ այդ աշխատանքի արդյունքում դեպի արդյունավետ ծախսերի հուն ուղղվող միջոցներն ավելի են լինելու, քան ընդհանուր աշխատավարձը: Բայց միեւնույն ժամանակ նաեւ ընդգծեց, որ հնարավոր չէ կանխատեսել Ներքին աուդիտի բաժնի լավ ու ճիշտ աշխատանքի արդյունքում ֆինանսական ներհոսքը:
Այս նախագիծն առիթ դարձավ, որ «Լույս» խմբակցության անդամներն անդրադառնան Երեւանի քաղաքապետարանի եւ վարչական շրջանի ղեկավարի աշխատակազմերի հաստիքացուցակին ընդհանրապես: Դավիթ Խաժակյանը հետաքրքրվեց, թե ավելի քան 2 հազար հաստիքները երբ են կրճատվելու: Քաղաքապետի տեղակալը նախընտրեց գործածել ոչ թե «կրճատում» այլ «օպտիմալացում» բառը: «Գործընթացը մեկնարկել է: Հավաքագրվում եւ գույքագրվում են գործառույթները: Սա խորքային գործընթաց է եւ պահանջում է տեւական ժամանակ»,- ասաց Հայկ Սարգսյանը՝ ավելացնելով, որ դեկտեմբերի վերջին մշակված կլինի օպտիմալացված հաստիքացուցակը եւ այն կներկայացվի ավագանու քննարկմանը:
«Ես սեպարատ կերպով սկսել եմ»,- արձագանքեց քաղաքապետ Հայկ Մարությանը եւ մանրամասնեց, որ նախորդ քաղաքապետի 9 խորհրդականի փոխարեն ինքն ունի 4-ը, 5 օգնականի փոխարեն՝ 1 օգնական:
«Լույս» խմբակցության ղեկավար Դավիթ Խաժակյանը նկատեց, թե նախկինում ասվում էր, որ հաստիքացուցակն ուռճացված է, եւ հարկավոր են կրճատումներ: Նրան հետաքրքրում էր, թե արդյոք ինքն ու քաղաքապետի տեղակալը խոսում են նույն երեւույթների մասին, պարզապես ինքն իրերը կոչում է իրենց անուններով, իսկ քաղաքապետի տեղակալը սպասվող կրճատումները թաքցնում է «օպտիմալացում» բառի տակ: Հայկ Սահակյանը պատասխանեց, որ իրենք տարբեր բաների մասին են խոսում՝ ըստ էության արձանագրելով, որ քաղաքային իշխանությունների առաջ խնդիր է դրված ոչ թե մեխանիկական կրճատում անել՝ միջոցներ խնայելու համար, այլ նպատակն է օպտիմալ հաստիքացուցակով ապահովել աշխատանքի առավելագույն արդյունք:
«Լույս» խմբակցության անդամները գործընկերներին մեղադրեցին իշխանության գալով նախկինում ունեցած դիրքորոշումներից հրաժարվելու համար, առաջարկ եղավ ծանոթանալ նախորդ ավագանու «Ելք» խմբակցության անդամների՝ նույն թեմայի վերաբերյալ ելույթներին, ովքեր այսօր կառավարության անդամ են: Լեւոն Զաքարյանն ի պատասխան հորդորեց «Ելքի» մասին անընդհատ չհիշեցնել ու նկատել տվեց, որ իրենք ներկայացնում են «Իմ քայլը» դաշինքը եւ ունեն սեփական կարծիք: «Հիշեցնելու ենք, որ իշխանության գալով չի կարելի փոխել նախկին դիրքորոշումները: Հիշեցնելու էնքան բան կա: Հինգ տարի հիշելու ես բոլոր ասածներդ, Լյով ջան: Դու էլ կարմիր գծերի դեմ պայքարողներից մեկն էիր»,- անհանգիստ աշխատանքային պայմաններ խոստացավ Անի Սամսոնյանը: Նա մինչեւ այդ կարծիք-ցանկություն էր հայտնել, որ հաստիքների կրճատման արդյունքում խնայվելիք միջոցները հնարավորություն կտան հրաժարվել քաղաքում կարմիր գծերից:
Օրակարգի հարցերից մեկով նախատեսվում էր ֆինանսական փոխհատուցում տրամադրել ավագանու անդամներին: Գործող օրենսդրությամբ նախատեսում է, որ դա պետք է լինի նվազագույն աշխատավարձի՝ 55 հազար դրամի չափով եւ միայն ցանկության դեպքում, որպես գործառույթների իրականացման ընթացքում կատարած ծախսերի փոխհատուցում: Նիստի ընթացքում կարծիքներ հնչեցին, որ ավագանու անդամների աշխատանքը պետք է լինի վարձատրվող: «Ավագանին պետք է դառնա մասնագիտացված քաղաքային խորհուրդ՝ անդամների կրճատված թվով եւ արժանապատիվ աշխատավարձով»,- համոզմունք հայտնեց Անի Սամսոնյանը:
Ինչ վերաբերում է նվերներին, գերմանական Կարմիր Խաչը Երեւանին նվիրաբերել է եղեւնու 2800 տնկի: Բացի այդ, քաղաքապետարանին է փոխանցվելու նաեւ ավելի քան 47 միլիոն դրամի գույք՝ շախմատի քարեր, ժամանակաչափեր, գրքեր, ալբոմներ, ամբիոն եւ այլն: Գույքը ձեռք է բերել «Երեւան-2800» մշակութային հիմնադրամը՝ մայրաքաղաքին նվիրված տոնական միջոցառման ընթացքում օգտագործելու նպատակով: Միջոցառումը չեղյալ է արվել քաղաքապետ Հայկ Մարությանի նշանակվելուց հետո: Նա նկատեց, որ մի շարք միջոցառումների չեղարկմամբ ավելի մեծ գումար էլ փրկել են: Իսկ թե շախմատի այս պարագաների հետ ինչպես կվարվի Երեւանի քաղաքապետարանը, դեռ կորոշվի:
Ադրբեջանի ԶՈՒ-ն Հայաստանի ինքնիշխան տարածքում է, ամենայն հավանականությամբ այդտեղ կսկսենք բանակցային գործընթաց․ Քոչարյան
ՄԻՊ արագ արձագանքման խումբը մեկնել է Ոստիկանության Նոյեմբերյանի բաժին
ՄԻՊ-ը տեսակցել է Դավիթ Տոնոյանին․ վերջինս մտահոգություններ է ներկայացրել
Ինչպես է Մալաթիայի շուկայում կանխվել հրդեհի տարածումը․ մանրամասներ
Զովունիում մեքենաներ են բախվել
Առաջարկվում է շրջիկ առևտուր իրականացնել նաև համայնքներում․ տարածքները կսահմանի ավագանին
Բերման է ենթարկվել Սուրեն Պետրոսյանը
ԱԽ քարտուղարը Ռուսաստանի Դաշնություն չի մեկնի
Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ ռեժիմ հայտարարել. Խալաթյան
Ուկրաինայի պաշտպանության փոխնախարարը պաշտոնանկ է արվել
Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան
Բռնցքամարտի ԵԱ․ Անուշ Գրիգորյանը կիսաեզրափակչում է
ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը
Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)
Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել
Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը
Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից
Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն
Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)
Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը
ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը
ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը
Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)
Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է
Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան
Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ
Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան
Ինչու են ռուս խաղաղապահները ժամկետից շուտ լքում Լեռնային Ղարաբաղը․ Ալիևը մանրամասնել է
Եթե ՀԱԵ-ն ծփում է պետականամետ հոգևորականներով, ինչո՞ւ հազար տարի ղեկավարելով ժողովրդին՝ պետություն չստեղծեցին․ Միսկարյան
Հայաստան-Ադրբեջան շփման գծի մի փոքր կտոր դարձավ բոլորի կողմից ճանաչված սահման․ Իոաննիսյան
Ադրբեջանը չի նախատեսում անդամակցել ԵԱՏՄ-ին, սակայն սերտ գործընկերություն ունի անդամ բոլոր երկրների հետ, բացի ՀՀ-ից․ Ալիև
Հայտնի է՝ երբ տեղի կունենա Պուտինի երդմնակալությունը
Հենրիխ Մխիթարյանը Իտալիայի չեմպիոն դառնալուց հետո գրառում է արել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 23-ին
Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը․ վարչապետ (լուսանկար)
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում տեղադրվել է առաջին սահմանային սյունը
Մենք տուն չենք տալիս թշնամուն, հանձնաժողովը սահման է գծելու․ Վահե Ղալումյան
Ինչ են քննարկել Պուտինն ու Ալիևը Մոսկվայում. մանրամասնել է Հաջիևը
Մենք այժմ ընդհանուր պատկերացում ունենք, թե ինչպիսին պետք է լինի խաղաղության համաձայնագիրը. Ալիև
Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն (լուսանկարներ)
© 2024 Հայկական ժամանակ