Հայաստանում վերջապես պետք է հաստատվի սոցիալական արդարություն․ «Քաղաքացու որոշում» ՍԴԿ-ն սկսեց իր քարոզարշավը

«Քաղաքացու որոշում» սոցիալ-դեմոկրատական կուսակցությունն այսօր իր քարոզարշավի մեկնարկը տվեց Մաշտոցի պուրակից։ Քարոզարշավն այստեղից սկսելը խորհրդանշական է․ 2013 թվականին հենց այստեղից է սկիզբ առել սոցիալական արդարության, հանրային տարածքների պահպանման համար քաղաքացիների ու, մասնավորապես, այս կուսակցության անդամների պայքարը։

ՔՈ ՍԴԿ-ն «Ապագան ՔՈ-նն է» կարգախոսով շրջելու է փողոցներով, մարդկանց բաժանելու կուսակցության նախընտրական թռուցիկներն ու մանդարիններ․

«Մանդարինը բնութագրում է հավասար բաժանելու, միասնական ու համերաշխ լինելու գաղափարը։ Մանդարինը, որ մաքրես, մենակ չես ուտելու, հավասար բաժանելու ես մյուսների միջեւ։ Կարծում եմ՝ մեր քարոզարշավի ընթացքում հետաքրքիր լուծում կլինի՝ որպես արդար բաշխման խորհրդանիշ։ Բացի այդ՝ քաղաքական ուժերի այս բազմազանության մեջ մանդարինը նոր գույն ու թարմություն կբերի, թարմ տրամադրություն»,- մեր զրույցում մանդարինի «խորհուրդն» այսպես բնութագրեց կուսակցության անդամ, պատգամավորի թեկնածու Արթուր Ավագյանը։

 

ՔՈ ՍԴԿ գործադիր մարմնի անդամ, պատգամավորի թեկնածու Արեգ Թադեւոսյանը «Հայկական ժամանակ»-ի հետ զրույցում ասաց, որ թեեւ քարոզարշավի համար հատկացված 12 օրը կարճ ժամանակահատված է, իրենք կկարողանան իրենց գաղափարները հասցնել մարդկանց․

«Բավականին հետաքրքիր գործիքներ ենք մտածել, ունենք մարզային, համայնքային կառույցներ, էնպես որ, կարծում եմ՝ ե՛ւ սոցիալական ցանցերում, ե՛ւ դրսում կհասցնենք ահագին աշխատանք անել։ Բացի այդ՝ մենք չենք սահմանափակվելու այս 12 օրով, որովհետեւ կուսակցությունը չի ստեղծվել ընտրություններին մասնակցելու համար, ստեղծվել է նորմալ կուսակցակաշինության, նորմալ քաղաքական դաշտ կառուցելու համար, եւ մենք մեր գործունեությունն ու աշխատանքները շարունակելու ենք նաեւ ընտրություններից հետո՝ անկախ դրանց արդյունքից»,- ասաց Արեգ Թադեւոսյանը։

Վերջինս նշեց, որ այս կուսակցության ամեն անդամ ունի որոշակի էքսպերտիզա՝ որոշակի ոլորտում։ Անձամբ Թադեւոսյանն իր վրա է վերցրել երիտասարդության քաղաքականության ոլորտի պատասխանատվությունը․ «Որքանով ես տեղյակ եմ մյուս ուժերի ծրագրերից՝ երիտասարդության բլոկը չեմ տեսել ուրիշների մոտ։ Բացի այդ՝ ինքս շատ եմ կարեւորում կրթության ոլորտը, եւ կարծում եմ՝ դա էն դաշտն է, որտեղ անելու շատ բան ունենք»,- ասաց պատգամավորի թեկնածուն՝ հավելելով, որ կուսակցության հիմնական ուղղությունն, ընդհանուր առմամբ, սոցիալական արդարության հաստատումն է Հայաստանում․

«Հայաստանում վերջապես պետք է հաստատվի սոցիալական արդարություն, որպեսզի քաղաքացին հասկանա, որ ինքն ունի իր համար հոգացող իշխանություն, եւ դրանից հետո ինքն էլ կհոգա այդ իշխանության համար։ Արդյունքում՝ բոլորս միասին կկարողանանք աշխատել իրար հետ՝ նոր բան ստեղծելու եւ Հայաստանը մեր երազանքների պետությունը դարձնելու համար»,- «Հայկական ժամանակ»-ի հետ զրույցում ասաց Արեգ Թադեւոսյանը։

«Քաղաքացու որոշում» սոցիալ-դեմոկրատական կուսակցությունից պատգամավորի թեկնածու է առաջադրել նաեւ թավշյա հեղափոխությունից հետո ազատ արձակված, Շանթ Հարությունյանի «Արժեքների հեղափոխության» գործով նախկին քաղբանտարկյալ Լիպարիտ Պետրոսյանը։

Վերջինս մեր զրույցում ասաց, որ դեռեւս բանտից ծանոթացել է կուսակցության անդամների գործունեություններին եւ որոշել ազատ արձակվելուց հետո բոլորին համախմբել ու նոր պայքար սկսել․ «Բայց, կարծես նախախնամությամբ, մինչեւ այդ մարդկանց հետ կհանդիպեի, կհամախմբվեինք, այնպես ստացվեց, որ իմ իմացած մարդկանց մեծ մասը հայտվեց մի կուսակցության մեջ, որի հիմնական գաղափարախոսությունն ինքս կիսում եմ»,- ասաց Պետրոսյանը՝ նշելով, որ կուսակցությանը միանալու պատճառները շատ են, սակայն առանցքային նշանակություն ունեցան ուղիղ ժողովրդավարության, անցումային արդարադատության հաստատման վերաբերյալ «Քաղաքացու որոշման» սկզբունքները։

Տպել
10256 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին