Մի շահարկեք. PARA TV-ն պատասխանել է Արսեն Թորոսյանի ու Մխիթար Հայրապետյանի քննադատություններին

ՀՀ սփյուռքի նախարար Մխիթար Հայրապետյանը, իսկ քիչ ուշ նաև ՀՀ առողջապահության նախարար Արսեն Թորոսյանը, երեկ՝ նոյեմբերի 22-ին, իրենց ֆեյսբուքյան էջերում հաղորդագրություն են տարածել, թե իբր PARA TV-ում իրենց մասնակցությամբ հաղորդումները գրաքննության են ենթարկվել` քաղաքական նկատառումներից ելնելով, և այդ պատճառով եթեր չեն հեռարձակվել։

PARA TV-ն հանդես է եկել պատասխան հաղորդագրությամբ, որում, մասնավորապես,  ասվում «Տեղեկացնում ենք, որ այս հայտարարությունները հիմնված են բացառապես հարգարժան նախարարների երևակայության վրա և իրականության հետ չունեն որևէ աղերս։ Իրողությունն այն է, որ Արսեն Թորոսյանի հետ «Hard Talk» հեղինակային հաղորդումը ստացվել էր ձևաչափից դուրս, այսինքն՝ այն չէր համապատասխանում մեր հեռուստադիտողի ակնկալիքներին, որոնք ձևավորվել են նախորդ թողարկումների համատեքստում։ PARA TV-ում այս տեսակ որոշումները կայացնում է բացառապես պրոդյուսերը, ում հիմնական պարտականությունն է որակյալ եթերի ապահովումը, ինչն էլ իրավունք է տալիս չհեռարձակելու այն հաղորդումը, որը չի համապատասխանում որոշակի չափանիշների։

Ինչ վերաբերում է Մխիթար Հայրապետյանի, ինչպես նաև քաղաքական վերլուծաբան Մենուա Հարությունյանի մասնակցությամբ նույն հաղորդման թողարկումներին, որոնք նկարվել են հաջորդող երկու օրերի ընթացքում, ապա նշենք, որ դրանք դեռևս մոնտաժված չեն, և որևէ մեկը դեռ չի էլ դիտել, ուստի, առավել անհեթեթ են դրանց վերաբերյալ այն ենթադրությունները, թե իբր ինչ-որ մարդիկ չեն հավանել այն և արգելել են եթեր հեռարձակել։

Հարգարժան նախարարներ, կոչ ենք անում քաղաքական դիվիդենտներ չհավաքել՝ անհիմն կերպով անուններ շահարկելու և դրանք մեր հեռուստաալիքի հետ կապելու միջոցով։ Հորդորում ենք նաեւ դադարեցնել ճնշումը ԶԼՄ-ների վրա և չխոսել մեզ հետ սպառնալիքի լեզվով, ինչը վստահաբար չի բխում ձեր և ձեր քաղաքական թիմի շահերից»:

Հիշեցնենք, որ Առողջապահության նախարարի պաշտոնակատար Արսեն Թորոսյանը տեղեկացրել էր, որ հարցազրույցը որակվել է, որպես «անհետաքրքիր» և որոշում է կայացվել չհրապարակել այն։

«Վերջերս հարցազրույցի հրավեր ստացա Para TV-ի կողմից։ Սպասելով վերջինիս հրապարակմանը, այսօր իմացա, որ Սյունիքի նախկին մարզպետ Վահե Հակոբյանի (ըստ օդում կախված լուրերի նա Միքայել Մինասյանի մտերիմ ընկերն է) կողմից հարցազրույցը որակվել է, որպես «անհետաքրքիր» և որոշում է կայացվել չհրապարակել այն։ Զուգահեռաբար տեղեկացա, որ նման ճակատագրի է արժանացել նաև իմ գործընկերոջ Մխիթար Հայրապետյանի հարցազրույցը։ Կարծում եմ, որ 2019թ.-ի նախաշեմին անթույլատրելի և դատապարտելի է լրատվականի կողմից նման գործելաոճը, որը կարելի է որակել, որպես գրաքննություն», - ասված է Թորոսյանի Ֆեյսբուքյան գրառման մեջ։

Սփյուռքի նախարարի տեղակալ Մխիթար Հայրապետյանը գրել էր, որ իր մասնակցությամբ հաղորդումը եւս չի հրապարակվելու: «Նոյեմբերի 10-ին հյուրընկալվել էի PARA TV-ի «Դժվար զրույց» || HARD TALK հաղորդմանը, որը պետք է հեռարձակվեր մինչև նախընտրական քարոզարշավի մեկնարկը: Հաղորդավարներ Արման Սուլեյմանյանի և Սերգեյ Դանիելյանի պրոֆեսիոնալ աշխատանքի շնորհիվ շուրջ մեկ և կես ժամ տևած հարցազրույցը բավականին հետաքրքիր, սուր և բովանդակային էր ստացվել:

Սակայն մեծ հիասթափությամբ պետք է հայտնեմ, որ հաղորդումը չի հրապարակվելու: Պատճառը Para TV-ի ղեկավարության միջամտությունն է. պարզվում է, որ Սյունիքի նախկին մարզպետ, մինչև վերջերս ՀՀԿ-ական Վահե Հակոբյանին «չի գոհացրել» հաղորդումը: Արի ու տես, որ վերջինիս բնութագրմամբ այն շատ «անհետաքրքիր» է:

Քիչ էր մնացել՝ ինքս էլ հավատայի, որ իսկապես խնդիրն իմ և հաղորդավարների մեջ է, սակայն քիչ առաջ առողջապահության նախարարի պաշտոնակատար Արսեն Թորոսյանի հետ զրույցում պարզվեց, որ նա նույնպես հայտնվել է Para TV-ի «սև ցուցակում». վերջինիս մասնակցությամբ հաղորդումը ևս չի հեռարձակվելու, քանի որ այն նույնպես «անհետաքրքիր» է ստացվել:

Սա ի՞նչ է, եթե ոչ գրաքննության դասական օրինակ, դատեք ինքներդ: Իսկ Para TV-ի ղեկավարությունից պահանջում եմ հրապարակել ինչպես իմ, այնպես էլ Արսեն Թորոսյանի մասնակցությամբ հաղորդումների ամբողջական տեսագրությունները. թող հանրությունն ինքը որոշի՝ հետաքրքիր են ստացվել դրանք, թե ոչ», - ասված էր նրա գրառման մեջ:

Տպել
1163 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության