Հայաստանի ֆուտբոլի ազգային հավաքականը բաց թողեց խոշոր մրցաշարի մասնակցելու պատմության իր ամենաիրական հնարավորություններից մեկը: Երեկ՝ նոյեմբերի 19-ին, Ազգերի լիգայի D դիվիզիոնի 4-րդ խմբի խմբային փուլի հետ մեկտեղ ավարտվեցին նաեւ ՀՀ ընտրանու ելույթներն այդ մրցաշարում. թիմը դուրս մնաց Եվրո 2020-ի ուղեգրի համար պայքարից: ՈՒԵՖԱ-ի այս նոր ձեւաչափը ՀՀ-ին հնարավորություն էր տվել իրեն հավասարազոր, նույնիսկ ավելի թույլ մրցակիցների դեմ պայքարել, բայց չօգտվեց առիթից:

Վիճակահանությունը բավական բարենպաստ էր՝ Մակեդոնիա, Լիխտենշտեյն, Ջիբրալթար: Սպասվում էր, որ ամենաբարդ մրցակիցը Մակեդոնիան է լինելու՝ 3-ից ամենաբարդը, բայց ոչ անհաղթահարելի: D դիվիզիոնի 4-րդ խմբի հենց առաջին՝ Լիխտենշտեյնի դեմ տնային հանդիպումը, սակայն, անկախ հաղթանակից (2:1), մտավախությունների տեղիք տվեց մանեդոնացիների դեմ խաղից առաջ: Եվ դրանք ամբողջովին արդարացան հանդիպման ընթացքում. անատամ խաղ, առանց աչքերում կրակի, որի մասին այդքան խոսում էր այդ ժամանակ դեռ գլխավոր մարզիչ Վարդան Մինասյանը, ու 2:0 հաշվով պարտություն այն դեպքում, որ այդպես խաղացող մրցակցին կարելի էր եւ հաղթել:

Իսկական ֆիասկոն սպասվում էր Ջիբրալթարի դեմ 3-րդ տուրում: Այդ խաղը լավ հնարավորություն էր ինքնավստահությունը վերականգնելու համար, սակայն հայերը ոչ թե վերականգնեցին իրենց ինքնավստահությունը, այլ տանը՝ «Հանրապետականում», որտեղ ազատ տեղերը քիչ էին՝ սեփական երկրպագուների աչքի առաջ «դուխ տվեցին» մրցակցին: Թույլ տվեցին պատմություն կերտել՝ տանելով իրենց առաջին հաղթանակը (1:0) պաշտոնական խաղերում:

Այդ ցավալի պարտությունից հետո խմբում առաջին տեղը զբաղեցնելու հնարավորությունները կտրուկ նվազեցին: Ու թեեւ հաջորդ խաղում տանը գերազանց ու ոգեւորիչ խաղով ջախջախեցին Մակեդոնիային (4:0), այդ շանսերը մնացին միայն տեսական: Հաղթանակն էլ ընդամենը մեղմ սփոփանք էր:  

Վերջին 2 խաղերում մնում էր միայն հաղթել ու սպասել հրաշքի, որ խմբի մյուս հանդիպումներն այնպես կդասավորվեն, որ Մակեդոնիան կկորցնի առաջին հորիզոնականը: Սակայն այս առաջադրանքն էլ 100 տոկոսով կատարել չստացվեց: Ճիշտ է՝ հայերը 6:2 հաշվով վրեժ լուծեցին Ջիբրալթարից, բայց քիչ էր մնում երեկ պարտվեին Լիխտենշտեյնին: Միայն հանդիպման վերջում փրկվեցին (2:2):

Խմբային փուլի ավարտից հետո D լիգայի 4-րդ խումբն այսպիսին է.

1.Մակեդոնիա 15 միավոր

2.Հայաստան 10 միավոր

3.Ջիբրալթար 6 միավոր

4.Լիխտենշտեյն 4 միավոր

Խմբում առաջին տեղը զբաղեցրած Մակեդոնիան ոչ միայն D դիվիզիոնի մյուս խմբերի հաղթողների հետ կվիճարկի ուղեգիրը, այլեւ Ազգերի լիգայի այս խաղարկությունից հետո կբարձրանա C դիվիզիոն: Հայաստանը, զբաղեցնելով 2-րդ տեղը, կմնա ամենաթույլերի՝ D դիվիզիոնում, Եվրոյում հայտնվելու համար էլ արդեն պետք է փորձի հաղթահարել որակավորման փուլը, որի վիճակահանությունը կկայանա առաջիկա դեկտեմբերի 2-ին::

Տպել
1190 դիտում

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում

Այսօր ՏԻՄ ընտրություններ են ՀՀ 7 մարզերի 16 համայնքներում

Երեխան եղել է անհաս, ծնվել է կեսարյան հատմամբ, առկա է եղել սրտի արատ. ԲԿ-ն պարզաբանում է նորածնի մահվան պատճառը

Հրազդանում մեքենա է հրդեհվել. շարժիչի հատվածն ամբողջությամբ այրվել է

Եւս մի «հայրենասեր-քաղհալածյալ»

Ավտոմեքենան դուրս է եկել ավտոճանապարհի երթևեկելի հատվածից և հայտնվել ձորակում

Արմեն Սարգսյանը հանդիպել է «Գյումրին մեր տունն է» երիտասարդական նախաձեռնության անդամների հետ

3 մլն դրամից մինչեւ 200 հազար. ավագանու անդամը հրապարակել է թվեր՝ վարչական շրջանների կորպորատիվների ծախսերից

Երևանի Արմենակյան փողոցում բենզատար է շրջվել

Ավելի վատ է լինելու. գործերը հեչ լավ չեն

«Սպիսատ» արեցին. սանիտարական զտումներ ՀՀԿ-ում

Մեղադրում են գյուղապետին. կարո՞ղ է մարզպետին էլ բռնենք

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք