«Մարդ կա, մտել է կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Նիկոլ Փաշինյանը կարծում է, որ «Իմ քայլը» դաշինքը բարձր որակի ցուցակ է ներկայացրել։ Լրագրողի դիտարկումը, թե մամուլում լուրեր կան, որ դաշինքի ընտրական ցուցակում նաեւ տաքսիստ է ընդգրկվել, Փաշինյանին բարկացրեց. «Ես լավ չեմ հասկանում՝ տաքսիստ, խոպանչի, դախլչի, ուզում եմ հասկանալ էլի, այսօր Հայաստանում գիտությունների թեկնածուներ կան, որ տաքսի են վարում, ասում ենք՝ խոպանչի, տաքսիստ, դախչլի, դրա համար գնում են, 80 հազար դրամով աշխատում, որ չասեն՝ տաքսիստի տղան ես։ Ես մեծագույն հարգանք ունեմ բոլոր նրանց նկատմամբ, որոնք աշխատում են, առավոտյան ժամը 6-ին արթնանում են ու փողոց են մաքրում, եւ անկեղծ ասեմ՝ չեմ ընդունում էդ որակումները, պիտակավորումները։ Կոչ եմ անում զերծ մնալ այդ տրամաբանությունից»։

Նիկոլ Փաշինյանը նշեց, որ ցուցակը կազմելիս փորձել են լինել առավելագույնս բալանսավորված, քանի որ կար մի ժամանակ, երբ իրենք խնդրում էին մարդկանց՝ լինել իրենց ընտրական ցուցակում, բայց մերժել էին՝ վախենալով որոշակի ռիսկերից եւ սպառնալիքներից. «Մարդ կա, մտել է Կառավարություն ու սկսել է իր ընկերների անձնական հարցերը լուծել, իմ անձնական հրահանգով ազատվել է աշխատանքից, հիմա ցուցակում չկա ու ասում են՝ ժողովրդավարության պակաս է»։

«Իմ քայլը» դաշինքի ցուցակում կան ե՛ւ տնտեսագետներ ե՛ւ իրավաբաններ, դրանց մի մասը մեզ հետ քաղաքական առնչություն չի ունեցել: Հարցին, թե ինչու ավելի լայն ընդգրկում ունեցող ցուցակ չի կազմվել, որտեղ ընդգրկված կլինեն տարբեր ոլորտների լավագույն մասնագետները, Փաշինյանը պատասխանեց. «Եկեք ներգրավենք լավագույն տնտեսագետներին, լավագույն իրավաբաններին, բոլոր լավագույններին ներգրավենք, հետո պարզվի, որ նրանց յուրաքանչյուրը, ինչպես հարիր է յուրաքանչյուր լավագույնին, ունի իր սեփական տեսլականը եւ դա չի համընկնում ոչ մեկի հետ: Եվ կստացվի, որ պետք է 6 ամիս հետո նոր ընտրություններ անցկացնենք, որովհետեւ այն մեծամասնության մեջ կա 60 առանձին ֆրակցիա: Փորձեք էդ լավագույններից մեկին հարցրեք մյուս լավագույնի մասին: Կասի՝ դու գիտե՞ս դա ով է, դրա հետ լեզու ես թրջում, խոսո՞ւմ, եթե այդպես է, չհամարձակվես ինձ բարեւես: Լավագույններն իրենց լավագույն պահանջներն էլ ունեն»:

Վարչապետի պաշտոնակատարը նշեց, որ կարեւոր է նաեւ քաղաքական կայունություն ունենալը. «Ես չեմ ասում, որ մեր ցուցակն իդեալական է, բայց ես հույս ունեմ, որ լավագույն իրավաբաններն ու տնտեսագետները նաեւ շանս կունենան պետական կառավարմանը մասնակցելու: ԱԺ-ում ոչ ամեն ինչ սկսվում է, ոչ էլ ավարտվում է: Բազմաթիվ այլ կառույցներ կան»,-ասաց Փաշինյանը՝ հավելելով, որ կադրերի ընտրությունը 500 նժարներից կազմված ճոճանակ է, եւ եթե այդ նժարներից մեկը ավելի ծանր է լինում, ճոճանակը շուռ է գալիս:

Տպել
2193 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան