Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Նոյեմբերի 19-ին աշխատանքային այցով Գեղարքունիքի մարզում էր ՀՀ վարչապետի պաշտոնակատար Նիկոլ Փաշինյանը: Նա մասնակցեց Մարտունի քաղաքի թիվ 2 ավագ դպրոցի բացմանը, ապա Մարտունու 190-ամյակի միջոցառմանը, որից հետո Գավառում հանդիպեց համայնքապետերի եւ համայնքապատկան կառույցների ղեկավարների հետ, իսկ աշխատանքային այցը եզրափակվեց Սեւանում՝ մարզադաշտի բացմամբ:

Փաշինյանի այցը քարոզարշավի մեկնարկի տպավորություն էր թողնում, քանի որ ընտրական թեմաներից խուսափելն անհնար եղավ: Նա Մարտունիում հայտարարեց, որ քաղաքական հեղափոխությունն արել են եւ մնում է իրականացնել տնտեսական հեղափոխությունը: «Առաջիկայում ընտրություններ են, եւ մենք գալու ենք ու ձեզանից խնդրելու ենք մանդատ։ Մենք քաղաքական հեղափոխությունն արել ենք, հիմա մեզ պետք է ձեր վստահության քվեն՝ երկրում տնտեսական հեղափոխություն իրականացնելու համար։ Բայց որոշողը դուք եք, իշխանությունը ձերն է», - հայտարարեց Նիկոլ Փաշինյանը:

Նա մարտունեցիներին ասաց, որ հեղափոխության առաջին փուլն ամբողջությամբ իրականացված է, քանի որ իշխանությունն այժմ Հայաստանում պատկանում է ժողովրդին։ «Ձեզ երաշխավորում եմ, որ որեւէ մեկը չի կարող վարչական լծակով, որեւէ ընտրակաշառքով, որեւէ սպառնալիքով, որեւէ թարս հայացքով ձեզ հարկադրել ընտրել որեւէ մեկին։ Հայաստանում տեղի են ունենալու ազատ ընտրություններ։ Հույս ունեմ՝ այդ ընտրական ասողների ինտստիտուտի ներկայացուցիչները գայթակղության չեն տրվի։ ՀՀ քաղաքացուն որեւէ մեկը չի կարող ասել, թե նա ում ընտրի, որովհետեւ Հայաստանում ասողը ՀՀ քաղաքացին է։ Դուք եք ասողը եւ չկորցնեք այդ կարգավիճակը որեւէ դեպքում»,- հայտարարեց Փաշինյանը՝ հորդորելով բնակչությանը հետեւել քարոզարշավին եւ ինքնուրույն որոշել՝ ում ընտրել։

Նիկոլ Փաշինյանը նշեց՝ անթույլատրելի է ընտրություններում վարչական լծակների, սպառնալիքների մեթոդներ օգտագործելու քայլերը, ինչը քաղաքացու կամքի սահմանափակում է: «Նման ցանկացած դրսեւորում կոշտ արձագանքի պետք է արժանանա: Իրավապահ մարմինների առաջ հստակ խնդիր է դրված, եւ որեւէ մեկը նույնիսկ չպետք է կաշառքի փորձ անի: Ավելի լավ է՝ մի արեք, քաղաքացիներին թողնում ենք հանգիստ»,- ասաց նա:

Վարչապետը նկատեց, որ հայերին շատ են քննադատել նրա համար, որ ՀՀ-ում 3 մլն նախագահ, 3 մլն վարչապետ ու նախարար կա, սակայն Փաշինյանը սա համարում է առավելություն։ «Այո, վարչապետի կարգավիճակը մեկն է, բայց իր պատասխանատվությամբ 3 մլն է, որովհետեւ նոր Հայաստանում վարչապետ լինելը վայելք չէ, այլ պատասխանատվություն է։ ՀՀ-ում 3 մլն վարչապետ կա ու սա լուրջ գնահատանք է, ձեզանից յուրաքանչյուրն այս երկրի վարչապետն է, ինչը նշանակում է, որ մեզանից յուրաքանչյուրն առանձնակի պատասխանատվություն է կրում երկրի համար»,- ընդգծեց Փաշինյանը։

Վարչապետը հայտարարեց՝ ՀՀ-ում կատարվող ամեն փոփոխություն կախված է քաղաքացուց։ Նա հիշեցրեց, որ հեղափոխութուն տեղի է ունեցել այն ժամանակ, երբ ՀՀ քաղաքացին այդ որոշումը կայացրեց։ Փաշինյանի գնահատմամբ՝ եկել է պատասխանատվության ժամը։ «Օրինակ՝ ընտրություններին դուք մի ձայն ունեք, ես էլ մի ձայն ունեմ, նախարարն ու մարզպետն էլ մի ձայն ունեն, եւ ընտրությանն ամեն մի ձայնի ճակատագիր որոշելիս ամեն մեկը պետք է զգա իր առանձնակի պատասխանատվությունը, որովհետեւ հիմա այն ժամանակները չեն, որ մարզպետը, միլպետը, ԱԱԾ պետը կամ ընտրակաշառք բաժանողը որոշում կայացնի։ Այլեւս դուք եք կայացնելու որոշում, այդ որոշման պատասխանատվությունը պետք է զգաք։ Ձեր քվեն տալուց դուք որոշում եք այն երեխաների ճակատագիրը, ովքեր դեռեւս քվեարկելու իրավունք չունեն»,- եզրափակեց Նիկոլ Փաշինյանը։

Այնուհետ վարչապետի պաշտոնակատարը մեկ այլ ուշագրավ հայտարարություն արեց: Այն վերաբերվում էր արտաքին քաղաքականությանը: Անդրադառնալով Բելառուսի ԱԳՆ-ի վերջին հայտարարությանը, նա նշեց, որ բոլորը պետք է Հայաստանի հետ հաշվի նստեն: Հիշեցնեք՝ Նիկոլ Փաշինյանը հայտարարել էր, որ պետք է Բեռալուսի նախագահից պարզաբանում պահանջի, թե ինչու է ՀԱՊԿ-ում քննարկվածը Լուկաշենկոն քննարկել Ադրբեջանի ԱԳՆ-ի հետ: Փաշինյանի այս հայտարարությունից հետո Բելառուսի ԱԳՆ-ն հայտարարել էր. «Երեւի պարոն Փաշինյանը դեռ չի հասկացել, որ այսպես կոչված փողոցային ժողովրդավարության կանոններն անընդունելի են մեծ քաղաքականության մեջ։ Ափսոս, հուսանք, ժամանակի ընթացքում դա կանցնի»։

«Ես կարծում եմ, որ մեր բոլոր միջազգային գործընկերները պետք է մի բան արձանագրեն, որ այնպիսի հարաբերություններ, ինչպիսին իրենք սովոր են տեսնել, այդպիսի հարաբերություններ Հայաստանի հետ չեն լինելու, երբ որ մենք լուռումունջ համակերպվողի դերում ենք»,- ասաց Փաշինյանը:

Նա վստահեցրեց, որ այդ հարաբերություններում Հայաստանի ժողովուրդը եւ կառավարությունը ի վիճակի է պահպանել եւ պաշտպանել  երկրի շահերը: «Սրա հետ բոլորը պետք է հաշվի նստեն, եւ ես ձեզ խոստանում եմ, որ հաշվի կնստեն»,- եզրափակեց Փաշինյանը:

Տպել
1290 դիտում

Դատարանը երկու ամսով երկարաձգել է Ղրղըզստանի նախկին նախագահի կալանքը

Համակարգչային տեխնիկայի օգնությամբ այլ անձանց բանկային քարտերից հափշտակություն են կատարել. մեղադրանք է առաջադրվել 3 անձի

Բաղրամյան պողոտայում ստիպված ուժ կիրառվեց, ոչ թե բռնի, այլ համաչափ ֆիզիկական ուժ. ոստիկանություն

Հարեւանիս 30 խոզը կոտորվան, իմոնց բան չեղավ. Վիետնամական ցեղատեսակի խոզերը պահանջարկ ունեն Տավուշում (լուսանկարներ)

Սուրիկ Խաչատրյանը Փարիզում սրտի շատ ծանր վիրահատություն է տարել, մինչեւ այժմ կոմայի մեջ է․ Սեյրան Սարոյան

Պատկերացնո՞ւմ եք, երեխան ասում ա՝ պապա 1-ն ու պապա 2-ը եկան․ Սեյրան Սարոյանը՝ Ստամբուլյան կոնվենցիայի մասին

Չեմ հավատում, որ տենց բան կարա լինի, սութի շուխուռ ա․ Սարոյանը՝ Սերժ Սարգսյանի հնարավոր ձերբակալության մասին

Վարչապետը գաղտնազերծեց արվեստի գլուխգործոցները դպրոցներ տանելու գաղափարի մանրամասները

Ալիկ Սարգսյանը եւ այլք զբաղված են եղել հետին թվով նոր զեկուցագրեր պատրաստելով. Սեդա Սաֆարյան

Արդարադատության նախարարը խոսել է ցմահ դատապարտյաների հետ. նրանք բարձրաձայնել են մի շարք խնդիրներ

Սեյրան Սարոյանը համաձայն է, որ Մանվել Գրիգորյանի օրոք Էջմիածնում վախի մթնոլորտ է եղել

Նախարար Ֆելիքս Ցոլակյանը մանրամասներ է ներկայացրել հրդեհի և հրդեհաշիջման աշխատանքների ընթացքի վերաբերյալ. տեսանյութ

Հարթաշեն և Քարահունջ համայնքներում արձանագրվել են խոզերի անկման դեպքեր. ԱԻՆ

Դադարում եմ լինել առողջապահության նախարարության ուռուցքաբանության գծով խորհրդատու. Գեւորգ Թամամյանի խոսքը՝ նախարարին

Խնդրում եմ ազատել ինձ Շիրակի պետական համալսարանի հոգաբարձուների խորհրդի անդամ լինելու պաշտոնից. Գայանե Շագոյան

Նիկոլի հետ խոսել եմ Մանվելի մասին, որ հանկարծ էդ մարդը չմեռնի բերդերում, խայտառակ լինենք․ Սեյրան Սարոյան

«Քո գիտությունը դպրոցում». գալիք ուսումնական տարում դպրոցներում կիրագործվի նոր ծրագիր

ԱԱԾ-ն էներգետիկ համակարգի խափանման գործով լրացուցիչ փորձաքննության անհրաժեշտություն է տեսել

Ինչքան ճանաչված մարդ կա, պիտի պախարակեն․ սուտ տարածում ա, թե գեներալ Սեյրանին պառկացրին գետնին․ Սեյրան Սարոյան

Էջմիածնի քաղաքապետ Դիանա Գասպարյանի դեմ ներկայացված հայցը վարույթ է ընդունվել