Դուք կարծում եք՝ Էդուարդ Շարմազանովը, Վիգեն Սարգսյանը ձայն չունե՞ն, ընտրող չեն ունենալո՞ւ. Շարմազանով

Ընդդիմության մոլի հավակնորդ ՀՀԿ-ն դեկտեմբերի 9-ին կայանալիք խորհրդարանական ընտրություններին մասնակցում է 125 թեկնածուներով: Բոլոր թեկնածուներն առաջադրվելու են նաեւ ռեյտինգային ընտրակարգով: ՀՀԿ խոսնակ Էդուարդ Շարմազանովը մեր զրույցում ասաց, թե չի կարծում, որ բոլորը «Քաղաքացիական պայմանագիր» կուսակցությանն են քվե տալու, ուստի հույս ունի, որ ՀՀԿ-ին ձայն տվողներ կլինեն:

«Եթե 2017 թվականի խորհրդարանական ընտրությունների ժամանակ մեր խնդիրն էր՝ ստանալ 50 տոկոսից ավելի ձայն, ապա այսօր մեր նպատակն է՝ դառնալ երկրորդ քաղաքական ուժը՝ «Իմ քայլը» դաշինքից հետո։ Մենք չենք գնում՝ իշխանություն վերցնելու, մենք գնում ենք իրական ընդդիմություն լինելու։ Կարծում եմ՝ ՀՀԿ-ն կմտնի խորհրդարան։ Ձեր մեջ էլ կան մարդիկ, որոնք Հանրապետականին ձայն են տալու։ Դուք կարծում եք՝ Հայաստանում բոլորը կո՞ղմ են «Իմ քայլին»։ Դուք կարծում եք՝ Էդուարդ Շարմազանովը, Վիգեն Սարգսյանը ձայն չունե՞ն, ընտրող չեն ունենալո՞ւ»,- ասաց Շարմազանովը։

Էդուարդ Շարմազանովը ՀՀԿ համամասնական ցուցակում 6-րդ համարն է, առաջադրվելու է նաեւ ռեյտինգային ընտրացուցակով՝ Լոռու մարզում: Նա ծննդով Ալավերդի քաղաքից է: Շարմազանովից հետաքրքրվեցինք, թե ինչու ինքը չկա կուսակցության համամասնական ցուցակի առաջին հինգ թեկնածուների շարքում: Շարմազանովը պատասխանեց. «Կուսակցությունն այդպես է որոշել, ես ցուցակի 6-րդն եմ, նախկինում եղել եմ 7-ը, ինչը ենթադրում է, որ սա առաջընթաց է, ոչ թե հետընթաց»։

Շարմազանովը ՀՀԿ-ի ցուցակը գերագնահատելուն զուգահեռ քննադատում է նաեւ իշխանության նախընտրական ցուցակը: Իր խոսքով՝ «Իմ քայլը» դաշինքի համապետական ցուցակը քաղաքական աջաբսանդալ է, չկա քաղաքական գաղափարախոսություն։

«Կոռեկտ չէ գնահատել ուրիշների ցուցակը, բայց «Իմ քայլի» ցուցակում քաղաքական գաղափարախոսություն չտեսա, ոնց որ քաղաքական աջաբսանդալ լիներ։ Ես լավ չեմ պատկերացնում՝ մարդիկ ամբողջ կյանքում դեմ են եղել ԵԱՏՄ-ին, բայց այսօր հայտնվել են մի ցուցակում, որի ղեկավարը ԵԱՏՄ-ի ջատագովն է, մարդիկ ամբողջ կյանքում դեմ են եղել կարմիր գծերին ու կամերաներին, հիմա մի ցուցակում են հայտնվել, որտեղ պաշտպանում են կարմիր գծերն ու կամերաները։ Չեմ հասկանում՝ ինչ սկզբունքով է ստեղծվել իրենց ցուցակը, պետք է լինի հստակ քաղաքական գիծ, ոնց որ հրապարակի միտինգավոր ժողովրդից ընտրել են, եկել են, ասենք թե 80-90 տոկոս հավաքեցին, բայց հետո ի՞նչ են անելու։ «Իմ քայլ»-ում չեմ տեսնում քաղաքական գաղափարախոսություն, թե ինչը, օրինակ, կարող է միավորել ցուցակի 2-րդ ու 15-րդ համարին»,- ասաց Շարմազանովը։

Էդուարդ Շարմազանովը միաժամանակ «Լուսավոր Հայաստան» կուսակցության նախընտրական ցուցակը գլխավորող Էդմոն Մարուքյանին հորդորում է կողմնորոշվել՝ իրենք ընդդիմությու՞ն են, թե՞ իշխանություն։ Շարմազանովը նկատի ունի այն, որ այս վեց ամիսների ընթացքում՝ ինչ իշխանություն է փոխվել, «Լուսավոր Հայաստան» կուսակցությունը չի քննադատել իշխանությանը:

«Էդմոն Մարուքյանին ասեք՝ մի հատ կողմնորոշվեք, թե ձեր կուսակցությունը ընդդիմություն է, իշխանություն է, ի՞նչ գաղափարախոսություն ունի, նոր Հանրապետականի վրա խոսեք: Եթե այդքան շատ եք գոհ այսօրվա կառավարությունից, գնացեք նրա հետ կոալիցիա կազմեք: Եթե քննադատում եք Հանրապետականին, հաստատ Փաշինյանի կեսի, կեսի, կեսի չափ լավ չեք քննադատում: Ավելի լավ քննադատող Հանրապետականին, քան «Իմ քայլն» է, գոյություն չունի, ուստի ուրիշի հարսանիքի սեղանին թամադայություն մի արեք»,- ասաց Շարմազանովը:

«Լուսավոր Հայաստան» կուսակցության համամասնական ցուցակի առաջատար Էդմոն Մարուքյանն էլ ՀՀԿ-ին առաջարկում է «ուշքի գալ» եւ հասկանալ, որ իրենք ընդդիմություն չեն: «ՀՀԿ-ն ասում է, որ միակ ընդդիմությունը կարող է լինել, բայց գոյություն ունի քաղաքագիտություն, ըստ որի, ընդդիմությունն ապագա իշխանությունն է, իսկ Հայաստանի Հանրապետության քաղաքացին ՀՀԿ-ին չի տեսնում որպես ապագա իշխանություն։ ՀՀԿ-ից նոր ենք պրծել կամ պրծնում, չի կարող այդ ուժը հավակնել լինել ապագա իշխանություն»,- ասաց Էդմոն Մարուքյանը։

Նա ընդգծեց, որ պայքարելու են ԱԺ-ում 2-րդ ուժը լինելու համար, ինչ վերաբերում է հարցին՝ ընդդիմությո՞ւն են, թե՞ ոչ, կհայտարարեն խորհրդարանում հայտնվելուց հետո: Հարցին՝ փաստորեն ԼՀԿ-ում իրենց մրցակից տեսնում են ՀՀԿ-ին, որ շարունակ քննադատում են, քարոզարշավի ժամանակ եւս իրենց թիրախում լինելու է ՀՀԿ-ն, Էդմոն Մարուքյանն ասաց, որ նախկին իշխանությունների մասին հնարավորինս քիչ են խոսելու:

«Ես իմ ասելիքները Սերժ Սարգսյանի աչքերի մեջ նայելով եմ ասել, Սերժ Սարգսյանը որ այստեղ նստած էր, այդ ժամանակ ասել եմ իմ ասելիքը, ով այն ժամանակ լռել է, այսօր է խոսում, նրանք թող մտածեն, ես բան չունեմ ասելու»,- շեշտեց նա:

«Ծառուկյան» խմբակցության պատգմավոր Գեւորգ Պետրոսյանն էլ հույս է հայտնում, որ ռեյտինգային ընտրակարգը չի վերածվի հեղինակությունների կամ «զոռբայությունների» պայքարի, ինչպես եղավ 2017թ.-ի խորհրդարանական ընտրությունների ժամանակ։ «2017 թվականի փորձը ցույց տվեց, որ ռեյտինգային ընտրակարգն առավելապես ծառայեց թաղային հեղինակությունների պայքարի տիրույթի, բայց հույս ունենք՝ այս ընտրություններին դա չի կրկնվի ու ռեյտինգային ընտրակարգը չի վերածվի զոռբայությունների, հեղինակությունների պայքարի»,- ասաց նա։

Անդրադառնալով ՀՀԿ-ի այն հայտարարությանը, թե իրենք հավակնում են լինել ընդդիմություն խորհրդարանում, Գեւորգ Պետրոսյանն ընդգծեց, որ ցանկացած ուժ մասնակցում է ընտրություններին՝ իշխանության գալու համար. «Դերաբաշխում, տեղաբաշխում չկատարենք, ժողովուրդն է որոշելու, մենք գնում ենք առավելագույնի, մենք հայցում ենք ժողովրդի աջակցությունը, ինչքանով որ մեզ կաջակցի, մենք այնքան էլ կլինենք խորհրդարանում։ Ցանկացած կուսակցություն, եթե չունի իշխանություն դառնալու նպատակ, պետք է լուծարվի, բայց իշխանություն ասվածը լայն հասկացություն է, կարող ես լինել ամբողջական իշխանություն, կամ մաս կազմել իշխանությանը»։

Տպել
1915 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան