Կփակվի՞ արդյոք Վանաձորի ինֆեկցիոն հիվանդանոցը. ինչ են առաջարկում փոխարենը

Արդեն մի քանի օր է՝ Վանաձորում խոսակցություններ են տարածվել, որ տեղի ինֆեկցիոն հիվանդանոցը փակվելու է. այն միացվելու է Վանաձորի բժշկական կենտրոնին, ինչն իրենից ենթադրում է կրճատումներ եւ ոչ միայն:

Հիվանդանոցի աշխատակազմը, տնօրենի գլխավորությամբ, այսօր ասուլիս է հրավիրել, որի ժամանակ անթույլատրելի են համարել ոչ միայն հիվանդանոցի փակումը, այլ նաեւ՝ որպես բաժանմունք Վանաձորի բ/կ-ին միացնելը:

Ինֆեկցիոն հիվանդնոցի տնօրեն Ռոբերտ Չիլինգարյանը լրագրողներին ներկյացրեց մի փաստաթուղթ, ըստ որի, նախատեսվում է «Վանաձորի ինֆեկցիոն հիվանդանոց» ՓԲԸ տուբերկուլոզային բաժանմունքը փակել, իսկ ինֆեկցիոն ծառայությունները տեղափոխել Վանաձորի բ/կ, ստեղծելով այնտեղ 15 մահճակալ հզորությամբ ինֆեկցիոն բաժանմունք: «Եթե 30-ը դառնումա 15 ու դառնում բաժանմունք, Ճարտարապետները ի սկզբանե չեն նախատեսել ինֆեկցիոն հիվանդանոցին համապատասխան ոչ բաժանմունք, ոչ էլ ինչ-որ մի անկյուն, որը կհամապատասխաներ մեր աշխատանքի պահանջներին: Այնտեղ սովորական սենյակներ են, բայց մենք ունենք հատուկ բոքսեր, այնտեղ չկան դրանք, պետք է արտաթորանքի մշակման հնարավորություն լինի ու բազմաթիվ այլ նուրբ հարցեր:

Մենք այսօր մեր 15 մահճակալով հազիվ ենք բավարարում մարզին, ինչ մնաց իրենց ասած 15 մահճակալով ապահովել ծանրաբեռնվածություն»,-ասաց տնօրենը:

«Մեզ առաջարկվել է, որ տեղափոխվենք բ/կ, որտեղ 15 մահճակալ են մեզ առաջարկում ու սովորական շենքային պայմաններ, որը որ ոչ մի կերպ իի համապատասխանում մեր ինֆեկցիոն բուժման պայմաններին: Բացի սա, միավորումը ենթադրում է տարածքի ազատում, աշխատակիցների կրճատում, երեւի մեզնից 1 բժիշկ կվերցնեն, իսկ մյուսները տեղից կկազմակերպեն»,-մանրամասնեց տնօրենը՝ նշելով, որ ինֆեկցիոն եւ տուբերկուլոզային բաժանմունքներում այսօր աշխատում է 48 աշխատակից:

Տնօրենը դժգոհում է՝ որեւէ հարց իրենց հետ չի քննարկվել. «Ես միայն կառավարության նախագիծն եմ ստացել, մենք ուզում ենք քննարկումներ կազմակերպել, որ նախագիծը չհաստատվի, բայց մինչեւ կառավարություն հասցնելը պետք էր քննարկում անել մեզ հետ»:

Լրագրողների հետ հանդիպած աշխատակիցները միաբերան պնդում են՝ հիվանդանոցի փակումն ու միավորումը լուրջ ռիսկեր է իրենից ներկայացնում. «Էն մարդը, ով էսպիսի նախագիծ է ներկայացրել, ոլորտից շատ հեռու է, մենք ունենք քլորատուն, մեր կոյուղին չի միանում հանրային կոյուղուն, քլորացվում է՝ նոր, բայց Վանաձորի բ/կ-ն դա չունի, մեզ համար շենքային գեղեցիկ պայմաններից առավել կարեւոր է պրոֆիլային պայմանները»:

Խնդրին անդրադարձել է նաեւ մարզպետ Անդրեյ Ղուկասյանը՝ հաստատելով, որ հիվանդանոցը կտեղափոխվի ու կմիավորվի՝ ավելորդ ծախսերը կրճատելու նպատակով: Մարզպետի խոսքով՝ կրճատման մասին հարցը չի քննարկվում:

Տեղեկանալով աշխատակիցների բարձրացրած աղմուկի մասին՝ թեմային անդրադարձել է նաեւ առողջապահության նախարար Արսեն Թորոսյանը, սոցիալական ցանցի իր էջում գրելով. «Վանաձորի ինֆեկցիոն ծառայության փակման և անձնակազմի կրճատման մասին որևէ խոսք չի գնացել և չի կարող գնալ։ Այժմ քննարկվում է միայն այդ ծառայության՝ ավելի բարվոք շենքային պայմաններ տեղափոխելու հարցը, ինչը, կարծում եմ, հատկապես պետք է ուրախացնի անձնակազմին և պացիենտներին»,-գրել է նախարարը՝ հավելելով, որ վերը նշվածից դուրս ինֆորմացիան չի համապատասխանում իրականությանը:

Աշխատակիցները, սակայն, նախարարի խոսքերը բառախաղ են որակում:

Տպել
460 դիտում

Ավետիսյանի որդուն պատկանող «Գոլդեն Փելես»-ը գրանցված է օֆշորային ընկերության վրա. Վանեցյանը չբացառեց, որ գործը կկարճվի

Առաքել Մովսիսյանի վերաբերյալ գործն ԱԱԾ-ն կարճել է. Արթուր Վանեցյան

«Կոնգրես» հյուրանոցի գործով Սեդրակ Քոչարյանը հարցաքննվել է. ԱԱԾ տնօրեն

Նարեկ Սարգսյանի բնակարանից հայտնաբերված նկարները պատկանում են Սարյանի վրձնին. ԱԱԾ տնօրենը հաստատեց

Ես հույս ունեմ, որ դեռեւս երկար տարիներ կպաշտոնավարեմ. Արթուր Վանեցյան

Գործադուլ եւ դասադուլ ՇՊՀ ավագ դպրոցում

Ընթացիկ եվ ոչ միայն. 2006թ. մտնում ենք առանց իմունիտետի

Պատասխան. այդ տիկին Քոչարյանը ես եմ

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն