Տղաներն արդեն մոռացության են մատնվում. «Արմենակ Ուրֆանյան» հիմնադրամի միջոցառումը՝ կրտսեր սերժանտի հիշատակին

Այսօր «Արմենակ Ուրֆանյան» բարեգործական հիմնադրամը հիշատակի միջոցառում էր կազմակերպել նվիրյալ հերոս կրտսեր սերժանտ Գեւորգ Հարությունյանի ծննդյան օրվան նվիրված:

Գեւորգ Հարությունյանը 2016 թվականի օգոստոսի 2-ին Արցախի ՊԲ արեւելյան ուղղությամբ տեղակայված զորամասերից մեկի պահպանության տեղամասում ականապայթյունային մահացու վիրավորում էր ստացել: Կրտսեր սերժանտ Գեւորգ Հարությունյանը զոհվել էր ականի պայթյունից մարտական դիրքերում վիրավոր ընկերոջն օգնելիս:

Լուսանկարում՝ հերոս Գեւորգ Հարությունյանի մայրը՝ Անահիտ Վանյանը

«Արմենակ Ուրֆանյան» բարեգործական հիմնադրամի նախաձեռնությամբ իրականացված անդրանիկ միջոցառումը մեկնարկեց հերոս Գեւորգ Հարությունյանի հայրական տնից: Գեւորգը այսօր կդառնար 22 տարեկան, ինչի առիթով ծննդյան տորթ էին պատվիրել:

Այնուհետեւ հիշատակի արարողություն տեղի ունենցավ Եռաբլուր պանթեոնում, որտեղ եւ ամփոփված է հերոսը։

«Արմենակ Ուրֆանյան» բարեգործական հիմնադրամի նախաձեռնող Ապրիլյան պատերազմի հերոս Արմենակ Ուրֆանյանի մայրը՝ տիկին Համեստ Ներսիսյանը, ՀԺ-ի հետ զրույցում նշեց, որ որպես հրամանատարի մայր՝ պարտականություն է համարում նման միջոցառումներ իրականացելն ու զոհված տղաներին հիշատակելը: Տիկին Ներսիսյանը ցավով փաստեց, որ կրտսեր սերժանտ Գեւորգ Հարությունյանի մասին շատ քիչ է հիշատակվել: Եվ շատ քչերն են նրան այսօր հիշում:«Գեւորգի մասին ընդամենը մեկ-երկու հաղորդում է եթեր գնացել: Իսկ ընդհանուր առմամբ, նկատում եմ, որ տղաներն արդեն մոռացության են գնում: Ուստի, այս հիմնադրամը ստեղծել եմ իմ տղայի համար, եւ բոլոր մեր զոհված տղաների համար: Ինչպիսին որդուս բնավոության գծերն էին՝  մարդասեր, բոլորի մասին հոգ տանող, աջակցող, իր բնավորությանը համապատասխան գործունեություն է ծավալելու մեր հիմնադրամը: «Արմենակ Ուրֆանյան» հիմնադրամը զբաղվելու է նաեւ առաջնագծի տղաների խնդիրներով»,-ասաց Համեստ Ներսիսյանը:

Հերոսի պատվին Փարաքարի դպրոցի սաները ներկայացան իրենց փողային նվագախմբով: Ներկա էին գրողներ եւ բանաստեղծներ, ՊՆ խորհրդական, Արցախյան պատերազմի մասնակից Վարդան Ավետիսյանը: Հերոսի մայրը՝ Անահիտ Վանյանը, պարգեւատրվեց հետմահու շնորհակալագրով:Հիմանդրամի տնօրեն Մարգարիտ Վարդանյանը նշեց, որ սրբագործված հերոս տղաների հիշատակն իրենց օգնում է, որպեսզի իրենց յուրաքանչյուր միջոցառում ու ծրագիր ավելի հեշտ կայանա: Գեւորգ Հարությունյանը սովորել է 125 դպրոցում, տնօրեն Սփան Էլոյանն ու դպրոցի աշակերտները եւս ներկա էին:

Արմենակ Ուրֆանյանի մայրը մտահոգություն հայտնեց, որ Հայաստանում այսօր սպաները արժեւորված չեն: «Սիրտս ցավում է: Երեկվա ավտովթարը հենց դրա մասին է վկայում: Հիմնադրամի ծրագրում ես նշել եմ ավտոպահեստամասերի մեքենաների, ուռալների վերանորոգման հարցը: Մեր կանոնադրության մեջ դա գրված է, պետք է այդ հարցով էլ աջակցենք: Սիրտս ցավում է, այն՝ ինչ ես լսել եմ երեկ, անդառնալի ցավ է»,-ասաց Համեստ Ներսիսյանը:

Վերջինս հայտնեց, որ «Արմենակ Ուրֆանյան» հիմնադրամի միջոցով հիմնականում միջոցառումներ են իրականացվելու, տղաների մասին ֆիլմեր են նկարահանվելու եւ անելու է ամեն ինչ, որպեսզի նրանց հիշատակը վառ պահի: «Շատ պասիվ են, այսօր իմ տղան էլ ազգային հերոս է, ու ոչ մի մնայուն բան չի արվել: Փոքր-փոքր ինչ-որ բաներ արվել են, բայց իրականությունը ոչ-ոք չի ներկայացնում: Որոշել եմ՝ իմ տղայի մասին էլ, բոլոր մեր հերոսների մասին ֆիլմ նկարել»,-ասաց Համեստ Ներսիսյանը:

Վերջինս նշեց, որ մեկ տարի խոսվեց միայն տղաների մասին եւ այժմ մոռացության են մատնվել: Տիկին Համեստը նշեց, որ այսօր հիմնադրամի միջոցով նման միջոցառումներն ու որդեկորույս մայրերի հետ համագործակցությունը ցավն ինչ որ չափով բթացրել է. «Մեր ամենօրյա հոգսը մեր երեխեքն են, իրենցով ենք ապրում»:

Տիկին Համեստը մտահոգություն հայտնեց, որ այսօր էլ, Գեւորգ Հարությունյանի հիշատակին նվիրված միջոցառմանը, հերթական անգամ ականատես է լինում Եռաբլուրի անխնամ վիճակին: «Երբ գնում էինք Եռաբլուր, տեսա, որ դիմացը տեղ կար, կարելի էր գեղեցիկ կանաչապատել: Մի քանի ծաղիկ շիրմաքարերի հետեւը տնկեցի, չորացրեցին: Մյուս տարի ասեցի՝ մի փոքր էլ համբերեմ, ամբողջ քաղաքը գեղեցիկ կանաչապատում են, բայց Եռաբլուրը չոր վիճակում է»,-պատմեց նա:

Նշեց, որ դրանից հետո նախաձեռնել է եւ ծառատունկ են կազմակերպել, սակայն այդ ծառերն էլ են չորացել, պատճառաբանել են, թե ջուր չկա. «Արդեն երկրորդ անգամ ենք ծառատունկ արել, բայց այսօր տեսա, որ երկրորդն էլ է չորանում»:

Կրտսեր սերժանտ Գևորգ Արթուրի Հարությունյանը, որը նաև զորամասի ջոկատի հրամանատար էր, ՀՀ նախագահի կողմից 2016 թվականի սեպտեմբերի 7-ին պարգեւատրվել է «Արիության» մեդալով, 2016թ. օգոստոսի 3-ին ԼՂՀ նախագահի կողմից պարգևատրվել է «Մարտական ծառայություն» մեդալով:

Տպել
5165 դիտում

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին

Կյանքից հեռացել է կոմպոզիտոր, ՀՀ արվեստի վաստակավոր գործիչ Յուրի Հարությունյանը

ՎՏԲ-Հայաստան Բանկն արագացրել է ապառիկ վարկեր ձևակերպելու գործընթացքը

Խոսրովի անտառի մոտակայքում հրդեհ կա. ՀՀ շրջակա միջավայրի փոխնախարար