Արենա Զեյնալյանը «Միսս աշխարհ» մրցույթում կունենա 119 մրցակից. նա արդեն մեկնել է

«Միսս աշխարհ 2018» մրցույթում ՀՀ ներկայացուցիչ Արենա Զեյնալյանը մեկնել է Չինաստանի Սանյա քաղաք: Երեւանից թռիչքը եղել է այսօր՝ նոյեմբերի 8-ի գիշերը: Ինչպես մյուս մասնակիցները, այնտեղ կլինի վաղը: Արենան ՀՀ-ն հեղինակավոր մրցույթում ներկայացնելու հնարավորություն է ստացել այս տարի ամռանը «Միսս հայուհի 2018» ճանաչվելուց հետո: Armtimes.com-ի հետ զրույցում ՀՀ ազգային մրցույթի տնօրեն Գոհար Հարությունյանը նշեց, որ 4 ամիս ժամանակ են ունեցել ու հասցրել են իրենց առավելագույնն անել՝ ի տարբերություն անցած տարվա, երբ Լիլի Սարգսյանն ընդամենը 3 շաբաթ ուներ:

«Զուգահեռներ եմ անցկացնում անցած տարվա Լիլի Սարգսյանի մասնակցության հետ: Նույն տեսահոլովակները, որ նրա հետ էինք արել, հիմա շատ ավելի կատարելագործված են, ճիշտ, որտեղ ե՛ւ Հայաստանն ենք ներկայացնում, ե՛ւ մշակույթը, ե՛ւ Արենային՝ որպես մեր գեղեցկուհի»,- ասաց նա:

Գոհարը չի ցանկանում համեմատել Լիլիին ու Արենային, սակայն նկատում է, որ նրանց միջեւ մոտեցման տարբերություն կա: Լիլին, որն այն ժամանակ ընդամենը 17 տարեկան էր, ավելի թեթեւ էր վերաբերվում ամեն ինչին, 25-ամյա Արենան ավելի խորությամբ է մոտենում յուրաքանչյուր հարցի:

«Արենան առաջին իսկ օրվանից շատ կախում չի ունեցել մեր հիմնադրամից: Շատ բաներ ինքնուրույն է արել: Լիլին շատ ավելի հանգիստ էր, իսկ ինքն ավելի անհանգիստ բնավորություն ունի եւ ավելի կատարելության է ձգտում: Երեւի դա տարիքից է»,- նշեց Գոհարը՝ ընդգծելով, որ Արենան ուզում է ոչ միայն մասնակցել այլեւ հաղթել կամ տեղ գրավել:

Թեեւ ՀՀ մասնակիցը նախապատրասվելու բավական ժամանակ է ունեցել, սակայն դժվարություններն էլ քիչ չեն եղել: Գոհարը նշում է, որ որոշ դեպքերում անգամ առաջին հայացքից հեշտ թվացող գործերը դժվարությամբ են իրականացվել: Մինչեւ վերջին պահը նույնիսկ վտանգ է եղել, որ գուցե չկարողանա մեկնել:

«Շատ խնդիրներ եղան, անգամ մի փոքր հարց, որը հեշտությամբ պետք է լուծվեր, օրինակ, անձնագրի խնդիրը (խմբ. Իրանից է, պետք է ՀՀ քաղաքացի լիներ մասնակցելու համար), շատ տանջվեցինք՝ մոտ 2.5 ամիս: Ընդհուպ նրան էր հասել, որ գուցե չգնար անձնագրի պատճառով: Այդպես մի քանի հարց բավական դժվար լուծվեց: Մինչեւ երեկ հնարավոր է՝ չմեկներ. տոմսի, ուղեբեռի հետ կապված խնդիրներ ունեինք, որ թվում էր՝ հեշտ պետք է լուծվեն, բայց...»,- ասաց նա՝ ավելացնելով, որ անկախ ամեն ինչից՝ Արենան միշտ ժպիտը դեմքին է եղել:

«Միսս աշխարհ 2018»-ին մասնակցում է 120 երկիր: Մրցույթն ընթանալու է 1 ամիս: Եզրափակիչը կայանալու է դեկտեմբերի 8-ին: Մինչեւ այդ Արենան մասնակցելու է տարբեր փուլերի: 120-ից եզրափակիչ են անցնելու 40 այն մասնակիցները, որոնք իրենց լավագույնս կդրսեւորեն այդ փուլերում:

Արենան բաց է թողնելու միայն տաղանդի փուլը: Հատուկ պատրաստվել է Beauty with a Purpose-ին (գեղեցկությունը իմաստով): Ներկայացնելու է սահմանամերձ Մովսես գյուղի ջրի խնդիրը:

Տպել
2126 դիտում

Մենք չենք միանում այդպիսի նախաձեռնություններին․ պետք է կոնկրետ հիմք լինի․ Պետրոսյանը՝ «Իմ քայլի» որոշման մասին

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ