Երևան
22 °C
4-ամյա Սեդա Ապրեսյանի մոտ այս ամռանը հայտնաբերվել է աստրոցիտոմա՝ գլխուղեղի ուռուցք: Հիվանդությունը հայտնաբերվելուց մեկ շաբաթ անց երեխան բարձր ջերմություն է ունեցել եւ ընդունվել Երեւանի «Արաբկիր» բժշկական կենտրոն:
Մայրը՝ Լիանա Միրզոյանը, պատմում է, որ մի օր, երբ միջանցքում քայլելիս է եղել երեխայի հետ, հարեւան հիվանդասենյակում բուժվող երեխայի մայրը մոտեցել է, հարցուփորձ արել աղջկա առողջական խնդիրների մասին: Իսկ արդեն հաջորդ օրը եկել է ոմն Սրբուհու հետ, որն, ինչպես ասել է, մորաքրոջ աղջիկն է: Վերջինս ներկայացել է որպես վարչապետի տիկին Աննա Հակոբյանի օգնական ու իր օգնությունն առաջարկել՝ արտերկրում երեխայի բուժման անհրաժեշտ գումարը հայթայթելու հարցում: «Ասաց՝ ես սրտացավ եմ, որ ասել է մորքուրիս աղջիկը, ուզում եմ օգնել: Մարդիկ հատուկ դիմում են ինձ, ես ինքս եմ եկել իմ ոտքով: Ներկայացավ, որ մենք աշխատում ենք Աննա Հակոբյանի հետ, իր օգնականն եմ, կա այսպիսի բարեգործական կազմակերպություն՝ «Խաղաղության աղավնի», որ ուռուցքով երեխաներին օգնում են, ես ուզում եմ ձեզ օգնած լինել: Ես էլ ուրախացա՝ խառնվեցինք իրար»,- վերհիշեց Լիանա Միրզոյանը:
Նախապատրաստել ու Սրբուհուն են տրամադրել բոլոր փաստաթղթերը, որոնք վերաբերում են երեխայի հիվանդությանը, անձնագրերի պատճենները: Լիանա Միրզոյանի՝ Ռուսաստանում բնակվող հորաքրոջ աղջիկը մինչ այդ պայմանավորվածություն էր ձեռք բերել Բուրդենկոյի անվան Մոսկվայի գիտահետազոտական ինստիտուտում աշխատող բժիշկներից մեկի հետ, որը ստանձնել էր 4-ամյա աղջկա վիրահատությունը՝ պահանջելով 12 500 դոլար: Համապատասխան փաստաթղթերը նույնպես փոխանցվել են Սրբուհուն: «Վայ, որ բժիշկն էլ կա, գումարի չափը կա, հենց դա մեզ պետք է, կարեւոր է»,- մեր զրուցակցի փոխանցմամբ ասել է նա: Վերջինիս ազգանունը երեխայի մայրը չգիտեր, առանձնապես շատ տեղեկություններ էլ նրա մասին չուներ:
Հետո, սակայն Սրբուհին հայտնել է, որ Գերմանիայում աշխատող մի բժշկի հետ են պայմանավորվածություն ձեռք բերել, սպասում են, որ նա հրավեր ուղարկի, որպեսզի հատկացվի նաեւ գումարը: «Ես ասացի՝ իսկ Ռուսաստանի՞ բժիշկը: Նա թե՝ Գերմանիան է լավ, այնտեղ ոչ մի վիրահատություն չի լինելու, դեղորայքով բուժելու են, վեց ամիս իրենք ձեզ պահելու են, նույնիսկ երեխային թոշակ են տալու: Դե ծնող ենք, հավատացինք: Մտածեցինք Գերմանիայում ավելի լավ է, Գերմանիան փորձենք»,- ասաց Լիանա Միրզոյանը: Փոքրիկ Սեդայի ծնողները որոշել են սպասել, որովհետեւ հայաստանյան մասնագետները նրանց նախ առաջարկել էին երեխային տեղափոխել Գերմանիա, իսկ Ռուսաստանն ընտրվել էր մատչելիության պատճառով: Բայց տեսնելով, որ Գերմանիայում բուժումն ուշանում է ու այնքան էլ հաստատ չէ, որոշել են հարազատների տրամադրած ու իրենց ավտոմեքենայի վաճառքից գոյացած գումարով 4-ամյա աղջկան տեղափոխել Մոսկվա: Սրբուհին տեղյակ է եղել, որ նրանք այլեւս չեն ուզում սպասել, ինքնաթիռի տոմս են գնել, իսկ Մոսկվա հասնելուց ընդամենը կարճ ժամանակ անց հաղորդագրություն է գրել, թե ձեր գումարն արդեն կա, ինչ անենք: Լիանա Միրզոյանը խնդրել է պահել՝ ասելով, որ կվերադառնան: Բայց նրա այդ հաղորդագրությունն այդպես էլ անպատասխան է մնացել: Մոսկվայում աղջկան վիրահատել են: Բայց ուռուցքը ամբողջությամբ չեն հեռացրել՝ խորը տեղակայման պատճառով, որը նորից մեծացել ու ճյուղավորվել է, եւ դարձյալ մեծ գումարների անհրաժեշտություն կա:
Լիանա Միրզոյանը մեր ներկայությամբ զանգահարեց Սրբուհուն: Նա ասաց, որ այլեւս այդ կազմակերպությունում չի աշխատում, որ իրեն չեն վճարել չորս ամսվա աշխատավարձը, վստահեցրեց նաեւ, որ գումարը հետ է փոխանցել, քանի որ իրենք որոշել էին չսպասել ու մեկնել էին Մոսկվա: Միեւնույն ժամանակ նշեց, որ ինչ-որ մարդիկ ծրագրերը խառնել են: Անընդհատ, սակայն խուսափում էր հստակ անվանումներ նշել:
Բարձրախոսով նրանց զրույցի մի մասը ներկայացնում ենք ստորեւ:
Լ.Մ.- Աննայի հետ խոսենք, հա: Տես առաջ վստահ ասում էիր, որ Աննան կդասավորի: Միգուցե հիմա էլ ստացվի:
Ս. - Դե հիմա ես բան կանեմ, ինչքանով հնարավոր լինի, կփորձեմ, կասեմ: Աննայի հետ կապված ոչինչ չեմ կարող ասել էս պահին: Մինչեւ չխոսեմ, չեմ կարող ոչինչ ասել:
Լ.Մ. - Դուք Աննա Հակոբյանի հետ հիվանդանոցից խոսեցիք, չէ, էն կինը ասաց՝ կդասավորեն:
Ս. - Հա, ինքն էլ էնպես չէր, որ իրենց խոսքի տերը չէին, ուղղակի տվյալ մարդիկ, ովքեր որ մեզ հետ էին աշխատում, ինքը խառնեց իրար:
Լ.Մ. - Էդ կազմակերպությունը ոնց է կոչվում, նորից դիմենք:
Ս. - Դա եմ ասում, հիմա էդ կազմակերպության վրա ահագին թեմաներ կան, խոսակցություն կա, նոր ինչ եմ ասում, ես ինքս եմ դուրս եկել այդտեղից հիմա:
Լ.Մ. - Ինչ էր կոչվում, չե՞ն կարող օգնել, ընդհանրապե՞ս հնարավոր չէ:
Ս. - Ասում եմ՝ ես եմ դուրս եկել, իմ աշխատավարձը չեն տվել: Նրանք էլ ի՞նչ կարող են, որ էլ ինչ օգնեն: Իրենց փակել են:
Լ.Մ.- Կազմակերպության անունը ո՞նց էր:
Ս. - Ոնց է՜ր, վա՜յ, հեսա որ թղթերիս մեջ նայեմ, կասեմ:
Լ.Մ. - Էդ կազմակերպությո՞ւնն է Աննայից փողը վերցնում, փոխանցում:
Ս.- Աննան ոչ մեկին բացարձակ գումար չի տալիս: Դա հատուկ բան է, որը բոլորին ֆինանսավորում է՝ թե Կարմիր խաչին, թե մնացածին: Դրանք հատուկ բանկեր են, որոնք առձեռն ոչ մեկին գումար չեն տալիս: Բախտավոր Աննային, որ էդքան գումար ինքը ունենա: Ուղղակի իրենք թուղթը գրում են, տվյալները ներկայացնում են, երեխայի առողջականը, տան վիճակը եւ այլն, հանձնաժողովն է որոշում, ինչքան արժի տալ, ինչքան չարժի, արժի թե չարժի: Տանը մի հատ հասարակ «իմպորտնի» բան ունեցար, չեն տալիս ոչինչ: Մեքենա ունեցար, չեն տալիս, սեփականություն ունեցար, չեն տալիս, ասում է՝ վաճառիր քո երեխայի բուժման համար:
Լ.Մ.-Այդ բանկը ոնց է կոչվում, Սրբուհի ջան:
Ս. -Բանկի անունը կարծեմ Բարերար..., քարտի վրա կա գրած, Բարերարների չգիտեմ ինչ կազմակերպություն է ինքը: Կարմիր-սպիտակ քարտեր է իրենցը, վրան կարմիր տառերով «Բարերար» է գրած:
Լ.Մ. – Բայց, Սրբուհի ջան, մեր տունը չեկան ստուգեն:
Ս. - Որովհետեւ ես ասել եմ՝ իմ մորաքրոջ աղջիկն է: Ես ընենց վստահ եմ խոսացել, որ հաստատ իրենց կասկածի տեղիք չեմ տվել: Հիմա երկրորդ անգամն էլ խոսեմ իրենց հետ, չեմ կարող ասել ուրիշ բան, ես նորից պետք է ասեմ՝ մորաքրոջս աղջիկն է: Ընենց բան եմ ասել, որ մեր ազգանուններն էլ չհամընկնեն:
Լ.Մ. - Թղթերի մեջ բանկի ու կազմակերպության անունը կխնդրեի նայես:
Ս. - Հասնեմ տուն, կնայեմ, կասեմ:
Լ.Մ. - Աշխատել ես էդքան տարի, կազմակերպության անունը չգիտե՞ս:
Ս. - Դու ինչն ես ուզում, «Խաղաղության աղավնի՞ն»: Դա վաղուց չկա:
Երեկ, երբ տեղի ունեցածի վերաբերյալ մեկնաբանություն խնդրեցինք Սրբուհուց, նա չցանկացավ խոսել: Հայտարարեց, որ Լիանա Միրզոյանին ինքը ոչինչ չի խոստացել. «Ես իրեն ոչինչ չեմ խոստացել ու ընդհանրապես ես ոչինչ չեմ ասել իրեն, լա՞վ: Մնացածը իրենց հետ ճշտեք», «Պատահական իմանալով՝ ուղղակի ասել եմ, որ սենց-սենց բան կա, կարող եք դիմել: Ես ուղղակի իրենց օգնել եմ ու այնպես է դուրս եկել, որ եւ ինձ են խաբել, եւ իրենց, այնպես չէ, որ ես եմ խաբել, կամ ինչ-որ նման մի բան»:
Հարցին, թե ուր է առաջարկել դիմել, նա պատասխանեց. «Ինչ-որ բարեգործական կազմակերպություն կա, Ռազմիկ Ավետիսյան է իրենց տնօրենը: ... Հիմա ես զբաղված եմ, աշխատանքի տեղն եմ, ինձ չի թույլատրվում շատ խոսել ու շատ բան ասել: Ես չունեմ ասելու էլ ոչինչ: Ցտեսություն ձեզ»:
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
© 2024 Հայկական ժամանակ