Արթուրո Սանդովալը Հայաստանում է. մեկնարկեց Yerevan Jazz Fest 2018-ը

Ջազի հայկական ասոցիացիան եւ «Մեցցո Պրոդաքշն»-ը նոյեմբերի 7-20-ը կանցկացնեն ամենամյա միջազգային ջազ փառատոն՝ Երևան ջազ ֆեստ 2018-ը: 2018 թվականին լրանում է Հայաստանի պետական ջազ նվագախմբի հիմնադրման 80-ամյակը: Այդ իսկ առիթով Երևան ջազ ֆեստ 2018-ը նվիրված է նվագախմբի հիմնադիր, դիրիժոր Արտեմի Այվազյանին: 

Երևան ջազ ֆեստի բացման հանդիսավոր արարողությունը տեղի ունեցավ նոյեմբերի 7-ին՝ Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում, Գրեմմիի տասնակի դափնեկիր, աշխարհահռչակ ջազ-դաշնակահար եւ շեփորահար Արթուրո Սանդովալի եւ Հայաստանի պետական ջազ նվագախմբի համատեղ համերգով:

Արթուրո Սանդովալը առաջին անգամ էր Հայաստանում: Լրագրողների հետ զրույցում մաեստրոն հայտնեց, որ շեփորի համար գրված իր ամենասիրված ստեղծագործությունը գրված է եղել հայ կոմպոզիտոր Ալեքսանդր Հարությունյանի կողմից: Արթուրո Սանդովալը պատմեց, որ տարիներ առաջ, Լոս Անջելոսում գտնվող հայ համայնքն իրեն հրավիրել էր, որպեսզի նշյալ ստեղծագործությունը նվագի կոմպոզիտոր Հարությունյանի համար. «Դա ինձ համար մի իսկական մարտահրավեր էր, եւ ես ինձ համարում եմ հաջողակ, որովհետեւ կոմպոզիտորին դուր էր եկել: Ոչ միշտ է մեզ հնարավորություն ընձեռվում նվագել ստեղծագործությունը հենց կողմպոզիտորի առաջ»:

Երաժիշտը կիսվեց Հայաստան այցի ընթացքում ստացած տպավորություններով. «Այն՝ ինչ տեսա այստեղ, ինձ շատ դուր եկավ, շատ գեղեցիկ քաղաք ունեք: Շատ ավելի շուտ էի ուզում այցելել Հայաստան: Չնայած ձեր երկրի մասին շատ քիչ բան գիտեմ, բայց այն՝ ինչ գիտեմ, բավարար էր՝ այցելելու մեծ ցանկություն ունենալու համար, գիտեմ, որ Հայաստանը փոքր երկիր է, փոքր, բայց մեծ մարդկանցով»,-ասաց նա:

Երևան ջազ ֆեստ 2018 փառատոնին աշխարհահռչակ ջազ-դաշնակահար եւ շեփորահար Արթուրո Սանդովալի հյուրընկալությունը ջազի 80-ամյակին թերեւս միակ անակնկալը չէ: Հայկական ջազի 80-ամյա պատմությանը նվիրված մի ամբողջ գլուխ ընդգրկվել է Մեծ Բրիտանիայում հրատարակված «Եվրոպական ջազի պատմություն» հանրագիտարանում:

Այս մասին ՀԺ-ին հայտնեց հոդվածի հեղինակ, լրագրող, վերլուծաբան, երաժշտագետ Արմեն Մանուկյանը: «Հայկական ջազին անդրադարձող գլխում ներկայացվում է 80-ամյա ջազի ամբողջ պատմությունը: Ամեն ինչ սկսվում է Արտեմի Այվազյանից, Կոնստանտին Օրբելյանից եւ ավարտվում է Հայաստանի պետական ջազ-նվագախմբով (գեղարվեստական ղեկավար` Արմեն Հյուսնունց): Հիշատակում կա նաեւ Հայաստանի ջազ-ասոցիացիայի մասին»,-ասաց հեղինակը:

Նշենք նաեւ, որ Երևան ջազ ֆեստ փառատոնն այս տարի ընդլայնել է իր աշխարհագրությունը՝ համերգներ կազմակերպելով նաև Շուշիում ու Գյումրիում: Նոյեմբերի 11-ին Շուշիում կկայանա Սերգեյ Մանուկյանի եւ Արցախի պետական ջազ նվագախմբի համատեղ համերգը (գեղարվեստական ղեկավար՝ Տիգրան Լալայան):

Նոյեմբերի 13-ին Սերգեյ Մանուկյանի, Ռաֆայել Պետրոսյան քառյակի ու Կարեն Գրիգորյան քառյակի մասնակցությամբ համերգ կանցկացվի Գյումրիի Վարդան Աճեմյանի անվան դրամատիկական թատրոնում: Նոյեմբերի 19-ին «Դվին» հյուրանոցի նորաբաց սրահում համերգային ծրագիր կանցկացվի հանրահայտ Չայնա Մոսեսի եւ Հայաստանի պետական ջազ նվագախմբի մասնակցությամբ:

Նոյեմբերի 20-ին փառատոնի փակման գալա համերգին «Արամ Խաչատրան» համերգասրահում համատեղ համերգով հանդես կգան Հայաստանի պետական ջազ նվագախումբը եւ Օլեգ Լունդստրեմի անվան ջազ նվագախումբը՝ Բորիս Ֆրումկինի ղեկավարությամբ:

Տպել
1553 դիտում

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ