Երևան
6 °C
Արդեն հստակ է, որ Ազգային ժողովի արտահերթ ընտրությունները տեղի են ունենալու դեկտեմբերի 9-ին: ԱԺ արտահերթ ընտրություններին մասնակցելու համար կուսակցությունները փաստաթղթերը պետք է Կենտրոնական ընտրական հանձնաժողով ներկայացնեն մինչեւ նոյեմբերի 14-ը՝ ժամը 18։00-ը, իսկ կուսակցությունների կամ դաշինքների ընտրացուցակների գրանցումը պետք է կատարվի նոյեմբերի 14-19 ընկած ժամանակահատվածում:
Այս պահի դրությամբ որոշ կուսակցություններ արտահերթ ընտրություններին մասնակցելու հստակ որոշում ունեն, որոշներն էլ դեռեւս քննարկումների մեջ են:
Մասնավորապես՝ «Քաղաքացիական պայմանագիր» կուսակցությունը միանշանակ մասնակցելու է ընտրություններին՝ «Առաքելություն» կուսակցության հետ դաշինքով: Իսկ Հանրապետական կուսակցությունը որոշում չի կայացրել:
Մասնակցելու որոշում ունեն նախկին ԵԼՔ դաշինքի մյուս երկու կուսակցությունները՝ «Լուսավոր Հայաստանն» ու «Հանրապետությունը», սակայն՝ առանձին, առանց դաշինքի: Լուսավոր Հայաստանը հայտարարել է, որ իր ցուցակում ներկայացուցիչներ կներգրավի նաեւ այլ գաղափարակից քաղաքական ուժերից և ակտիվ քաղաքացիական խմբերից։
Նորաստեղծ «Քաղաքացու որոշում» կուսակցությունը եւս մասնակցելու է ԱԺ արտահերթ ընտրություններին՝ առանձին:
Խորհրդարանական արտահերթ ընտրություններին մասնակցելու է նաեւ քաղաքագետ Լեւոն Շիրինյանի նորաստեղծ՝ «Քրիստոնյա ժողովրդավարական վերածնունդ» կուսակցությունը: Շիրինյանը մեր զրույցում ասաց, որ իրենք ոչ թե ընդդիմություն են լինելու Փաշինյանի թիմի իշխանության դեպքում, այլ այդ իշխանությանը այլընտրանք: Ըստ Շիրինյանի՝ իրենց նպատակն է վերադարձնել մեր ազգային արժեհամակարգը, մանավանդ որ Ազգային ժողովում պահպանողական գաղափարախոսությամբ քաղաքական ուժ, որպես այդպիսին, երբեւէ չի եղել:
«Սասնա ծռեր» կուսակցությունը խորհրդարանական ընտրություններին մասնակցելու նպատակ ունի, սակայն Արդարադատության նախարարությունը դեռեւս չի գրանցել կուսակցությանը: Այս մասին մեզ տեղեկացրեց կուսակցության մամուլի քարտուղար Վահագն Ավագյանը: Այդ պատճառով վերջինս մասնակցության ձեւաչափի մասին որեւէ հստակ բան չասաց:
Գագիկ Ծառուկյանի ղեկավարած «Բարգավաճ Հայաստան» կուսակցությունը ընտրություններին մասնակցելու հստակ որոշում ունի: Նախընտրական ցուցակը գլխավորելու է ինքը՝ Ծառուկյանը: Կուսակցության անդամ, ԱԺ «Ծառուկյան» խմբակցության պատգամավոր Իվետա Տոնոյանը մեր զրույցում ասաց, որ մասնակցության ձեւաչափի վերաբերյալ դեռեւս քննարկումներ են ընթանում, վերջնական որոշման դեպքում օրերս կտեղեկացնեն:
«Ալյանս» կուսակցությունը, որի ղեկավարը ԱԺ «Ծառուկյան» խմբակցության պատգամավոր Տիգրան Ուրիխանյանն է, եւս մասնակցելու է ընտրություններին, սակայն դեռեւս հստակ չէ՝ ինչ ձեւաչափով: Ուրիխանյանն, ամեն դեպքում, որոշում է կայացրել ռեյտինգային ընտրակարգով առաջադրվել Արաբկիր, Աջափնյակ, Դավթաշեն շրջաններն ընդգրկող թիվ 2 ընտրատարածքում։ Նա մեր զրույցում ասաց, որ նոր ԸՕ-ի չընդունումը հնարավորություն չտվեց առանձին մասնակցելու, որովհետեւ ներկա օրենսգրքով մասնակցելու համար առավել շատ ռեսուրսներ են անհրաժեշտ, «Այս պահին որոշակի քննարկումներ կան քաղաքական ուժերի հետ, բայց մասնակցության ձեւաչափի մասին կհայտնեն ավելի ուշ»,-ՀԺ-ին հայտնեց Ուրիխանյանը՝ դեռեւս չնշելով քաղաքական ուժերի կամ կուսակցությունների անուններ:
«Հայ Ազգային կոնգրես» կուսակցությունում արտահերթ ընտրություններին մասնակցելու հստակ որոշում չկա: ՀԱԿ գործադիր քարտուղար Սամվել Աբրահամյանը ՀԺ-ին հայտնեց, որ կուսակցությունում քննարկումներ են ընթանում:
Քննարկումների մեջ է նաեւ «Սոցիալ-դեմոկրատ Հնչակյան» կուսակցությունը: ՍԴՀԿ-ն սատարում էր ԱԺ ընտրությունները համամասնական տարբերակով անցկացնելու գաղափարը: Սակայն ԸՕ-ի փոփոխությունների տապալումից հետո կուսակցությունը դեռ որոշում չունի՝ մասնակցելու է ընտրություններին, թե ոչ: Այս մասին մեզ հայտնեց ՍԴՀԿ Հայաստանի շրջանային վարչության փոխատենապետ Վազգեն Մեսրոպյանը: Նա ասաց, որ ընտրություններին ներկա օրենսգրքով մասնակցելը որոշակի բարդություններ է առաջացրել, եւ իրենք այս պահին քաղաքական տարբեր ուժերի հետ քննարկումների փուլում են, որոշման մասին կհայտարարեն առաջիկայում:
Նորաստեղծ «Այլընտրանք» կուսկցությունը, որի ղեկավարը «Հայկական վերածնունդ» կուսակցության նախկին խոսնակ Էդգար Առաքելյանն է, մասնակցելու է ընտրություններին: Ձեւաչափը, ինչպես հայտնեց Առաքելյանը, դեռ հստակ չէ:
«Հայ հեղափոխական դաշնակցություն» կուսակցությունը մասնակցելու է խորհրդարանական արտահերթ ընտրություններին: Այս մասին որոշ ժամանակ առաջ հայտարարել էր կուսակցությունը: Հայտարարության մեջ մասնավորապես ասված է, որ ՀՅԴ Գերագույն ժողովը, քննելով ներքաղաքական վիճակը, առկա մարտահրավերներն ու հնարավոր զարգացումները, որոշում է կայացրել մասնակցել ընտրություններին:
«Ազատ դեմոկրատներ» կուսակցությունը եւս մասնակցելու է ընտրություններին: Ձեւաչափի վերաբերյալ տարբեր քաղաքական ուժերի հետ բանակցությունների մեջ է: Կան խոսակցություններ, որ «Ազատ դեմոկրատներ», «Հանրապետություն» և «Ալյանս» կուսակցությունները առաջիկա խորհրդարանական ընտրություններին կարող են մասնակցել դաշինքով: Սակայն կուսակցության փոխնախագահ Անժելա Խաչատրյանը դեռեւս չցանկացավ քաղաքական ուժերի անուններ հնչեցնել: Առաջիկայում հանդես կգան հայտարարությամբ:
«Ժառանգություն» կուսակցությունում դեռեւս հստակ որոշում չկա: Կուսակցության վարչության անդամ Վանիկ Ալեքսանյանը մեր զրույցում ասաց, որ նոյեմբերի 4-ին տեղի է ունեցել «Ժառանգություն» կուսակցության խորհրդի ընդլայնված նիստ, որի ժամանակ կարծիքներ են հնչել մասնակցության-չմասնակցության, ինչպես նաեւ մասնակցության դեպքում որեւէ ձեւաչափով հանդես գալու մասին։ «Վերջնական որոշում դեռեւս չի կայացվել»,-ասաց Ալեքսանյանը՝ նշելով, որ գերիշխում էր մասնակցությանը կողմ տեսակետը։ Ինչ վերաբերում է ձեւաչափին՝ կարծիքները դարձյալ տարբեր են։
Պատկերված անձը որոնվում է նախաձեռնված քրեական վարույթի շրջանակներում (տեսանյութ)
Fly Arna-ի լիցենզիան կասեցված է. ՏԿԵ փոխնախարար
Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)
ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը
Տրոլեյբուսը հայտնվել է խրամուղում. շինարարը կտուգանվի (տեսանյութ)
Նիկոլ Փաշինյանը շնորհավորել է Վլադիմիր Պուտինին
Վարչապետի որոշմամբ` նշանակվել է ՊԵԿ նախագահի առաջին տեղակալ
Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին
«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով
Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են
Նիկոլ Փաշինյանը «TikTok»-ում նոր շարք է սկսել (տեսանյութ)
Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան
Պակիստանում երկրաշարժ է գրանցվել
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը
Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած
Մի քանի ժամ լույս չի լինի Երևանի և 7 մարզի մի շարք հասցեներում
Որ բանկերի քարտապանները կարող են օգտվել հետվճարի ծրագրից
ԵՄ արտգործնախարարները վերահաստատել են իրենց աջակցությունը Հայաստանին
Դիլիջանի ոլորանները փակ են բեռնատարների համար, մի շարք շրջաններում ձյուն է տեղում
ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը
Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)
«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին
Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)
Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)
Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)
Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին
Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը
Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան
Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ
ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել
Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին
Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը
ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է
Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը
Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ
Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը
Ինչ իրավիճակ է ՀՀ ճանապարհներին ժամը 20։00-ի դրությամբ
Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար
© 2024 Հայկական ժամանակ