Ինձ հրավեր ուղարկվել է կառավարությունից. գյուղնախարարը չի ասում՝ ով է նկատել իր տաղանդն ու պաշտոն առաջարկել

Տիգրան Ավինյանի ընկերությանը գրանտ տալու գործընթացը սկսվել էր փետրվար ամսից, երբ Ավինյանը պաշտոն չուներ: ԱԺ-ում լրագրողների հետ նման պնդումներ արեց գյուղնախարարի պաշտոնակատար Գեղամ Գեւորգյան: «Միայն գրանտի տրամադրման պահը համընկել է փոխվարչապետի պաշտոնը ստանձնելու հետ: Գրանտը տրամադրելու համար եղել են տարբեր հանձնաժողովներ, որտեղ հիմնադրամի տնօրենը որեւէ ներկայացուցիչ չի ունեցել եւ հանձնաժողովում որեւէ անդամ նշանակելու հնարավորություն չի ունեցել: Գրանտի տրամադրումը հաստատած հանձնաժողովի անդամները նշանակվել էին դեռ 2015 թվականից»,- ասաց գյուղնախարարը, որն Ավինյանին տրված գրանտի ժամանակ եղել է Գյուղատնտեսության զարգացման հիմնադրամի ղեկավարը:

Անդրադառնալով հարցին՝ ով է վարչապետի մոտ բարեխոսել, որ ինքը նշանակվի գյուղնախարարի պաշտոնում, Գեւորգյանն ասաց. «Ինձ հրավեր ուղարկվել է կառավարությունից: Ես բազմաթիվ անգամ ասել եմ, որ ինչպես Ավինյանի, այնպես էլ կառավարության մյուս անդամների հետ ունեմ գործնական լավ հարաբերություններ»:

Հարցին՝ ի վերջո ո՞վ է նկատել իր տաղանդը եւ հրավիրել աշխատելու, նախարարը պատասխանեց. «Չեմ կարող ասել, թե ով է նկատել իմ տաղանդը եւ հրավիրել»:

Գեղամ Գեւորգյանը նշեց, որ ընտրություններին ռեյտինգային ընտրակարգով չի մասնակցելու, չի լինելու նաեւ համամասնական ցուցակում: «Առաջարկ չի եղել: Եթե լիներ առաջարկ՝ կքննարկեինք»,- ասաց նա եւ պատասխանելով մեր հարցին նշեց, որ նախապայման չի եղել, որ նա քաղաքական գործընթացներում չի լինելու: Սակայն նշեց, որ ընտրություններից հետո ցանկանում է նշանակվել գյուղնախարարի պաշտոնում:

Հարցին՝ եթե քաղաքական գործընթացներին չի մասնակցում, ինչպե՞ս է պատրաստվում քաղաքական պաշտոն զբաղեցնել, Գեւորգյանն ասաց. «Դուք ինձ համոզում եք, որ ընտրություններին մասնակցե՞մ: Ես ձայներ ոչ մեկի համար չեմ ապահովելու: Ես լավ աշխատանքով եմ հավակնում»:

Մեր հարցին՝ Կարեն Կարապետյանի հետ մտերմությո՞ւնն է կաշկանդում, որ մասնակցի ընտրություններին, նախարարը հայտարարեց, որ Կարապետյանի հետ մտերմիկ կապեր չկան:

ՀԺ-ի հարցին՝ գյուզարգացման հիմնադրամում 1,5 մլն աշխատավարձ ստանալուց հետո, հիմա շահեկա՞ն է 6-7 հարյուր հազար դրամով նախարար աշխատելը, Գեւորգյանն ասաց. «Նախարար աշխատելու համար ամենագրավիչ բանը աշխատավարձը չէ: Դա բավականին պատվաբեր աշխատանք է»:

Վարչապետի վերահսկողության ծառայությունը պարզել է, որ նախկին վարչապետ Հովիկ Աբրահամյանը իր հողատարածքները ջրել է գաղտնի ջրագծերով: Նախարարի պաշտոնակատարից հետաքրքրվեցինք՝ ինչպե՞ս է պատրաստվում ստվերը վերացնել: «Գյուղատնտեսության նախարարությունը ստվերի դեմ պայքարի համար չէ ստեղծված: Հիմա, որ մեր ոլորտում գյուղացու կովը գողանան, գյուղնախարարությունն է զբաղվելո՞ւ, թե՞ իրավապահ մարմինները»:

Տպել
6109 դիտում

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ

ԱԺ խմբակցությունները, կառավարությունն ու ԲԴԽ-ն Կոռուպցիայի կանխարգելման հանձնաժողովի անդամների թեկնածուներ են առաջադրել

Այն, ինչ չհաջողվեց թշնամիներին, հայ շինարարը մալի ու բետոնի մի հարվածով արեց. Դադիվանքի մասին ահազանգ և մասնագետի կարծիք

Վարչապետի գլխավորած պատվիրակությունը ժամանել է Փարիզ

Այսօր կարեւոր է արտագաղթը կանգնեցնելն ու այն զրոյական վիճակի բերելը. Արտակ Մարկոսյան

ԻՊ-ն ստանձնել է Ղամիշլիում հայ հոգևորականների սպանության պատասխանատվությունը

Մխիթարյանը չի եկել՝ ՀՀ ֆուտբոլի հավաքականի կողքին լինելու, որ շարունակի վերականգնումը. Corriere dello Sport

Նախագահ Արմեն Սարգսյանի հրամանագրով գնդապետ Արմեն Հարությունյանին շնորհվել է գեներալ-մայորի զինվորական կոչում