ԱԳ նախարարը՝ Իրանի հետ սահմանը փակելու մասին

ԱԺ արտաքին հարաբերությունների եւ ֆինանսավարկային ու բյուջետային հարցերի մշտական հանձնաժողովում քննարկվեց 2019 թվականի պետական բյուջեի նախագիծը: ԱԺ արտաքին հարաբերությունների հանձնաժողովի նախագահ, ՀՀԿ փոխնախագահ Արմեն Աշոտյանը, դիմելով ԱԳ նախարարի պաշտոնակատար Զոհրաբ Մնացականյանին՝ հիշեցրեց վարչապետի պաշտոնակատար Նիկոլ Փաշինյանի խոսքերը, ըստ որոնց՝ Իրանի հետ սահմանը դե ֆակտո ամեն պահի կարող է փակվել:

«Ուզում եմ ձեզ, որպես ԱԳ ղեկավար, խնդրել պարզաբանել, թե ի՞նչ նկատի ուներ վարչապետը, որ սցենարների դեպքում եւ ում նախաձեռնությամբ, եւ ինչպիսի քայլերի են պատրաստ Հայաստանն ու Արցախը: Երկրորդ հարցս վերաբերում է Արցախյան հակամարտությանը, այս վեց ամիսների ընթացքում վարչապետ Նիկոլ Փաշինյանը երկու անգամ հայտարարեց, որ ստացել է որպես ժառանգություն մոտեցում, որտեղ տարածքները պետք է զիջել խաղաղության դիմաց»,-ասել է Աշոտյանը՝ հիշեցնելով, որ ԱԳ նախկին նախարար Էդվարդ Նալբանդյանը հերքել էր՝ պնդելով, որ վարչապետին ճիշտ չեն տեղեկացրել բանակցային գործընթացի պատմության մասին:

Աշոտյանը հետաքրքրվեց՝ եթե կա նման փաթեթ, կարո՞ղ է նախարարը մանրամասնել, թե այն ում կողմից է ներկայացվել: Իրանի հետ կապված հարցի առնչությամբ նախարարի պաշտոնակատարն արձագանքեց՝ մեկնաբանությունը պետք է կոնտեքստում տեսնել:

«Հայաստանի արտաքին քաղաքականությունը կառուցված է այնպես, որ հետապնդում է Հայաստանի շահերը եւ Հայաստանի անվտանգությանը եւ զարգացմանն առնչվող ճարտարապետությունը պահպանել այնպես եւ ծառայեցնել արտաքին հարաբերությունների ոլորտը՝ մեր ազգային շահերը լավագույնս առաջ մղելու համար: Այդ առումով մեր անվտանգության ճարտարապետությունը կառուցված է այնպես, որ ներգրավում է տարբեր գործընկերների եւ Հայաստանի հետ հարաբերությունները արտահայտված են կառավարության ծրագրում: Վրաստանի եւ Իրանի հետ հարաբերությունները եղել ու մնում են շատ կարեւոր ուղղություններ արտաքին քաղաքականության մեջ»,- ասաց Մնացականյանը:

Նախարարի պաշտոնակատարի խոսքով՝ Նիկոլ Փաշինյանի մեկնաբանությունը վերաբերում է մարտահրավերին, այլ ոչ թե որեւէ կողմից սահման փակելու մտադրությանը: Ինչ վերաբերում է ԼՂ հակամարտության հետ կապված պատգամավորի հարցին՝ Զոհրաբ Մնացականյանն ասաց.

«Մենք արտահայտել ենք Հայաստանի գերակայությունները ԼՂ խաղաղ կարգավորման գործընթացի առնչությամբ, որոնք վերաբերում են հակամարտության բացառապես խաղաղ ճանապարհով հարցի կարգավորմանը՝ բացառապես ԵԱՀԿ ՄԽ համանախագահության շրջանակներում, շեշտավորվում է խաղաղությանը նպաստող միջավայրի ձեւավորման եւ ամրապնդման գերակայությունը, Ղարաբաղի անվտանգության եւ ստատուսի գերակայությունը եւ նաեւ գիտեք, որ արտահայտված է այն մոտեցումը, որ ԼՂ-ն հակամարտության կարգավորման գործընթացի մեջ որոշիչ ձայն ու ներգրավվածություն ունենա: Այս շրջանակում ենք տեղավորում մեր աշխատանքը»:

Զոհրաբ Մնացականյանը հիշեցրեց, որ ԵԱՀԿ ՄԽ ռուս համանախագահ Իգոր Պոպովը հայտնել է համանախագահների հաջորդ հանդիպման մասին, որը հավանական է՝ լինի դեկտեմբերին՝ ԵԱՀԿ նախարարական հանդիպման շրջանակում:

«Մենք դա կհաստատենք, մենք շատ զգույշ ենք այդ առումով, փորձում ենք հայտարարել այն ժամանակ, երբ վերջնական համաձայնեցված է լինում: Այդ առումով կարեւոր զարգացումներից այս առնչությամբ եղավ Դուշանբեի հանդիպումը Հայաստանի վարչապետի եւ Ադրբեջանի նախագահի միջեւ, այդ հանդիպման արդյունքում ստեղծվեցին որոշ պայմանավորվածություններ, որոնք չափազանց մեծ նշանակություն ունեն այն նպատակի համար, որը վերաբերում է ռիսկերի նվազեցմանը»,- ասաց նա:

Մնացականյանը շեշտեց՝ Հայաստանը, ընդգծելով անվտանգության եւ ստատուսի խնդիրը, միեւնույն ժամանակ կարեւորում է այն, որ ԼՂ հակամարտությունն առաջին հերթին վերաբերում է 150 հազար մարդկանց ֆիզիկական անվտանգությանը:

Տպել
1435 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան