Վարդան Պետրոսյանը 5 տարի անց վերադարձավ հայկական բեմ, պատմեց Ազնավուրի հետ հանդիպման մասին

Դերասան Վարդան Պետրոսյանը 5 տարի անց վերադարձավ հայկական բեմ: Ողբերգական վթարից հետո առաջին անգամ ելույթ էր ունեցել այս տարվա սկզբին Լոս Անջելեսում, սակայն հայաստանյան հանդիսատեսին առաջին անգամ ներկայացավ հոկտեմբերի 29-ին ու 30-ին: Լեգենդար շանսոնյե Շառլ Ազնավուրին նվիրված «Քեզ համար Ազնավուր» խորագիրը կրող համերգի հատուկ հյուրն էր: Ազնավուրը մեծ ազդեցություն է ունեցել Պետրոսյանի վրա որպես արվեստագետ, նաեւ աջակցել է նրան: Դերասանը պատմեց՝ ինչպես է շանսոնյեն քաջալերել իրեն այս տարվա սկզբին՝ Լոս Անջելեսի ելույթներից առաջ:

«Անցած տարի, երբ պատրաստվում էի մեծ ընդմիջումից հետո բեմ վերադառնալ, եւ պետք է մեկնեի Միացյալ Նահանգներ՝ իմ առաջին ելույթներին, հրաշքի պես մի բան կատարվեց. Ազնավուրը եկավ մեր տուն: Անսովոր, իսկապես անսովոր մի հանդիպում, որ մինչեւ այսօր չեմ հավատում, կարծես ընտանիքից հարազատ մեկը, կարծես իմ հարազատ մեծ քեռին: Նստած խոսում էինք ընտանիքներից, պատմում իրար: Եկավ կարծես օրհնություն տալու, կանաչ ճանապարհ մաղթելու: Եվ ահա գնալով կարծես ինձ հետ վերադարձրեց մեր հայկական բեմ: Ներկա էր մեր ամբողջ կյանքում»,- պատմեց նա:

Պետրոսյանը հիշեց նաեւ, թե ինչպես է Ազնավուրի երգերից մեկը կատարել անազատության մեջ: Ընկերները նրա համար կիթառ են գտել, խնդրել են, որ երգի: Չի ցանկացել, սակայն նաեւ չի կարողացել մերժել նրանց: Հետագայում անգիր են սովորել ստեղծագործությունն ու իր հետ երգել:

«Հիշում եմ՝ կալանքի առաջին Նոր տարին, ընկերներս կիթառ էին ճարել, ուզում էին, որ երգեի: Ես երգելու սիրտ չունեի, թոքերս էլ ջարդրդված էին, բայց տղաներն այնքան բան էին արել, որ մի տեսակ ուզում էի վարձահատույց լինել: Երգեցի «Լա Բոհեմը», երգեցի հայերեն՝ «Մեր Բոհեմը»: Լուռ լսում էին ծխելով, կարծես անարդյունք լալիս: Հետո տղաներից մեկը եկավ խնդրեց՝ տեքստը գրեմ, որ անգիր անի, հետո իրար փոխանցեցին: Հետո, երբ երգում էին, արդեն շատ հաճախ որպես «Մեր Բոհեմը», լուռ ձայնակցում էին քթի տակ»,- ասաց նա:

Երեկ Վարդան Պետրոսյանը մի քանի երգ կատարեց Ազնավուրի ռեպերտուարից: Դրանցից մի քանիսը ներկայացրեց որդու՝ Հայկ Պետրոսյանի հետ: Նրանցից բացի՝ երեկոյի ընթացքում ելույթ ունեցան նաեւ ֆրանսիական բանակի երգչախմբի մենակատարներից բարիտոն Ժերեմի Դելվեղը, որը սիրվել էր Ազնավուրի հոգեհանգստի ժամանակ «Հայկական վալսը» կատարելուց հետո, Իվետա Մուկուչյանը, Գոռ Սուջյանը, Սոնա Ռուբենյանը, Մաշա Մնջոյանը, Էրիկը, Սեւակ Ամրոյանը եւ ուրիշներ: Համերգը երկօրյա էր. այն նույն ծրագրով ներկայացվել էր նաեւ նախօրեին՝ հոկտեմբերի 29-ին:

Լուսանկարն ու տեսանյութը՝ «Հայկական ժամանակ»-ի

Տպել
1635 դիտում

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ