ԲՀԿ-ի հետ չեմ շփվում. Վահան Կարապետյանը Ծառուկյանին լքել է քաղաքապետի ընտրությունների պատճառով

«Ծառուկյան» խմբակցության պատգամավոր, ԲՀԿ-ն լքած Վահան Կարապետյանը (Չերիի Վահան) «Հայկական ժամանակ»-ի հետ զրույցում խոսելով այն մասին, թե պատրաստվո՞ւմ է նախկին ԲՀԿ-ական Լյովա Խաչատրյանի հետ կուսակցություն բացել, ասաց, որ նման խոսակցություններին պետք է հումորով վերաբերվել: «Լյովա Խաչատրյանը կոնկրետ բան չի ասել, ուղղակի մտածում է, որ կարող է կուսակցություն բացել: Ինչ մտածել՝ դա էլ խոսել է: Դրան պետք է հումորով մոտենալ»:

ՀԺ-ի դիտարկմանը, որ նա տեւական ժամանակ չկար, իսկ գործընկերներն ասում էին, որ կորել է, Կարապետյանն արձագանքեց. «Կուսակցության հետ չէի շփվում, պարզապես սկզբունքայնության հետ խնդիր կար»: Ճշտող հարցին՝ խնդիրները Գագիկ Ծառուկյանի հե՞տ էին, պատգամավորն ասաց. «Ներքին խնդիրներ էին»:

Վահան Կարապետյանը դադարեցրել է անդամակցությունը ԲՀԿ-ին, քանի որ քաղաքապետի ընտրությունների ժամանակ տարաձայնություններ են եղել: «Քաղաքապետի ընտրությունների ժամանակ հարցեր առաջացան, որոնք էլ դեմ էին իմ սկզբունքներին: Ես կայացրեցի կուսակցությունից դուրս գալու որոշում, ընդհանուր մթնոլորտը լավը չէր: Բաներ կար, որ ես թիմի հետ համաձայն չէի՝ ընտրությունների կազմակերպման հետ կապված»:

Կարապետյանը հստակեցրեց, որ խնդիրը ոչ թե թեկնածուն է եղել, այլ ցուցակում ներգրավված անձիք: «Մենք պետք է գնայինք այն թիմով, որով միշտ գնացել ենք»:

ՀԺ-ի հարցին, թե որն էր այդ թիմը, քանի որ առանձնապես ակնառու փոփոխություններ չկային ԲՀԿ-ի նախընտրական ցուցակում, Վահան Կարապետյանը պատասխանեց. «Խնդիրն առանձին անձերի հետ էր կապված, որը չեմ մանրացնում»:

Վահան Կարապետյանը դեռ հստակ չգիտի՝ մասնակցելո՞ւ է դեկտեմբերին կայանալիք ընտրություններին, թե՞ ոչ: ՀԺ-ի հարցին՝ ԲՀԿ-ի՞, թե՞ ՔՊ-ի հետ է մասնակցելու  ընտրություններին, նա ասաց. «Դեռ որոշում չեմ կայացրել: Ինչ որոշում էլ կայացնեմ՝ կլինի իմ սկզբունքների շրջանակներում»:

Պատասխանելով լրագրողի հարցին՝ Վահան Կարապետյանը նշեց, որ ԸՕ-ի փոփոխություններին դեմ է: ՀԺ-ի հարցին էլ՝ այդ դեպքում ինչո՞ւ կողմ քվեարկեց, պատգամավորն ասաց. «Է՜, կողմ էի, կներեք»,- ասաց նա: ՀԺ-ի հարցին՝ տեղյա՞կ եք, որ չփոխվեց օրենսգիրքը, արձագանքեց. «Դե, ոնց տեղյակ չեմ, երեկ մասնակցել եմ քվեարկությանը»:

Վահան Կարապետյանը 2017 թվականին ընտրվել է ռեյտինգային ընտրակարգով: Ստացել է մոտ 9 հազար քվե: «Հայկական ժամանակ»-ը պատգամավորից հետաքրքրվեց՝ արդյո՞ք կկարողանա նույնքան ձայներ հավաքել, երբ երկրում իրավիճակ է փոխվել, Կարապետյանը պատասխանեց. «Ճիշտն ասած, չեմ որոշել՝ մասնակցելու եմ, թե՝ ոչ, որ դրա մասին խոսեմ»:

«Հայկական ժամանակ»-ի դիտարկմանը, որ հայտարարում է, թե ԲՀԿ-ից հեռացել է, բայց Ծառուկյանի հորդորով կողմ քվեարկեց ԸՕ-ի նախագծին, Կարապետյանը մեկնաբանեց. «Ամեն դեպքում, ես ֆրակցիայից դուրս չեմ եկել, կուսակցությունից եմ դուրս եկել»,- ասաց նա եւ նշեց, որ ԲՀԿ-ից հեռանալն այդքան էլ հաճելի չէր:

Տպել
1717 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան