Յիրիկյանի սաղ բարեգործությունները մենք ենք անում. բողոքներ ՎիվաՍել-ՄՏՍ-ից, ինչ է առաջարկում ընկերությունը

Արդեն երկար ժամանակ է՝ բազմաթիվ քաղաքացիներ են ահազանգում, բողոքում վերջին շրջանում ՎիվաՍել-ՄՏՍ-ի կողմից տրամադրվող ինտերնետ կապի ծառայությունների որակից, մասնավորապես՝ «BIT1» ինտերնետ ծառայությունից:

Քաղաքացիները հայտնում են, որ այն ժամանակվանից, երբ ՎիվաՍել-ՄՏՍ-ի կողմից տրամադրվող մեկօրյա անսահմանափակ ինտերնետը դարձավ սահմանափակ՝ ի հայտ եկան մի շարք խնդիրներ: Բոլոր այն բաժանորդները, որոնք օգտվում էին ՎիվաՍել-ՄՏՍ-ի ինտերնետ ծառայությունից, ստիպված եղան հարմարվել ցանցի կողմից տրամադրվող անհարմար պայմաններին, ինչը, սակայն զգալիորեն հարվածում է իրենց գրպանին:

Բաժանորդներն այսօր նշում են բազմաթիվ դեպքեր, երբ ծառայության սպառման մասին նամակը մի քանի րոպե ուշ նկատելու պատճառով հաշվից բավականաչափ գումար է զրոյացել: Նրանք 1000-ից մինչեւ 5000 դրամի չափով գումարի անհետացման դեպքեր են նշում:

ՎիվաՍել-ՄՏՍ-ի բաժանորդներից Վահե Բաբուչիեւ անունով օգտատերը նշում է եւս մի թերություն, այն է՝ «BIT1» ծառայությունից ավտոմատ ակտիվացման համակարգը շատ հաճախ չի գործում, չնայած որ ակտիվացված է լինում: «Յիրիկյանի սաղ բարեգործությունները մենք ենք անում, փաստորեն՝ անկախ մեզնից»,- ֆեյսբուք սոցիալական ցանցում բազմաթիվ բողոքների կողքին գրել է Վահե Բաբուչիեւը:

Բաժանորդները հայտնում են, որ երբ ակտիվացնում են 100 դրամանոց, (200ՄԲ) կամ 150 դրամանոց (500 ՄԲ) «BIT1» ինտերնետ ծառայությունը, մեգաբայթների սպառման մասին զգուշացնող նամակը գրեթե միշտ մի քանի վայրկյան ուշ է հասնում, մինչ այդ՝ հաշվից գանձելով բավականաչափ գումար:

ՎիվաՍել-ՄՏՍ-ի բաժանորդների բարձրացրած խնդիրների վերաբերյալ ՀԺ-ի ուղարկած գրավոր հարցմանն ի պատասխան ՎիվաՍել-ՄՏՍ-ից շնորհակալություն հայտնեցին խնդիրների վերաբերյալ տեղեկացնելու համար: Հայտնեցին, որ մեր կողմից տրամադրած մի քանի հեռախոսահամարներով կապ են հաստատել իրենց այն բաժանորդների հետ, որոնք դիմել էին «BIT1» ծառայության հետ կապված խնդիրներով:

ՎիվաՍել-ՄՏՍ-ից նաեւ փոխանցեցին, որ բաժանորդներին տրամադրվել է մասնագիտական խորհրդատվություն: Ընկերությունը տեղեկացրել է բաժանորդներին, որ 100 դրամի դիմաց ակտիվացված՝ 200 ՄԲ ինտերնետի ծավալը սպառելուց անմիջապես հետո, երբ սոցիալական ցանցերի աշխատանքի առանձնահատկություններով պայմանավորված՝ տվյալների ներբեռնումը կամ վերբեռնումը եղել է դեռեւս ընթացքում, ինտերնետի 1 ՄԲ-ի արժեքը սկսել է հաշվվել ըստ բաժանորդի կողմից օգտագործվող սակագնային պլանի նախատեսած սակագնի:

Բաժանորդներին տրամադրած խորհրդատվության ընթացքում նրանց առաջարկվել է անցում կատարել «Y» սակագնային պլանին: Ընկերության կողմից մշակված «Y», ինչպես նաև «X» սակագնային պլաններն անսահմանափակ ինտերնետ են նախատեսում հինգ առավել շատ կիրառվող՝ Viber, WhatsApp, Facebook Messenger, Zangi եւ Telegram մեսինջերների օգտագործման համար: Փաթեթների շրջանակներում տրամադրվող, համապատասխանաբար՝ 5ԳԲ եւ 10ԳԲ ինտերնետը սպառելու դեպքում անգամ, մեսինջերները կշարունակեն մնալ լիովին հասանելի:

Տպել
6711 դիտում

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք

Երևանում բեռնատարը վրաերթի է ենթարկել փողոցը չթույլատրելի հատվածով անցնող հետիոտնին. վերջինը տեղում մահացել է

ԱԻՆ-ն ահազանգ է ստացել Կոտայքի մարզի Բջնի գյուղի ամառանոցներում 2 տան այրվելու մասին

Արմեն Սարգսյանին հավատարմագրերն է հանձնել Հայաստանում ԵՄ պատվիրակության նորանշանակ ղեկավարը

էկոնոմիկայի փոխնախարարն ընդունել է միջազգային փորձագետներ և վենչուրային ներդրողներ Լուիջի Ամատիին և Բրիջիթ Բոումենին

Օձուն-Այգեհատ ավտճանապարհին ընթացող Opel-ի հետևի դռնից ուղևորը վայր է ընկել. նա հոսպիտալացվել է

Ոստիկանները բացահայտել են Արմավիրի Տալվորիկ համայնքի ղեկավարի ապօրինությունները (տեսանյութ)

Գրավն ունակ չէ չեզոքացնելու այն ռիսկերը, որոնք սպառնում են Քոչարյանի ազատության մեջ գտնվելու պարագայում․ Տիգրան Եգորյան

Ում է ձեռնտու թիրախավորել սաուդյան նավթը. ԱՄՆ-ը մեղադրում է Իրանին

Արմեն Սարգսյանն ու Նունե Սարգսյանը հյուրընկալել են Հովհաննես Թումանյանի ժառանգներին

«Բարեփոխելով աշխարհը». Երեւանում առաջին անգամ կկայանա կինոյի և հեռուստահաղորդումների փառատոն

Չարբախի ոստիկանները բերման են ենթարկել Տիմիրյազևի փողոցում կրակոցներ արձակած անձին (տեսանյութ)

Շիրակի մարզի կարկտահարված 6 համայնք ԿԽՀԸ-ի կողմից ստացավ 150.040.450 դրամի աջակցություն

Ռանչպար գյուղում այրվել է մոտ 10 հա խոտածածկ տարածք. հրդեհը մարվել է

Շաբաթ օրը երգչախումբը փողոցում է փորձ արել, քար լռություն եւ անտարբերություն է տիրում. Հեքեքյան

Անթույլատրելի է երեխայի նկատմամբ ցանկացած տեսակի բռնություն․ Պաշտպանի արձագանքը՝ տարածված տեսանյութին

Աշտարակի մոտ բախվել են Mercedes-ն ու Волга-ն. կա 1 զոհ, 3 տուժած.

Ստեփանակերտի քաղաքային համայնքի ավագանին որոշել է Ավստրալիայի Ռայդ քաղաքը հռչակել քույր քաղաք