«Ազատ զույգը». դերասան-հանդիսատես ինտերակտիվ խաղով նոր պրեմիերա Ստանիսլավսկու բեմում

Կոնստանտին Ստանիսլավսկու անվան ռուսական դրամատիկական թատրոնի խաղացանկը համալրվեց եւս մեկ ներկայացմամբ: Հոկտեմբերի 27-ն կայացավ «Ազատ զույգը» ինտերակտիվ ներկայացման պրեմիերան, երիտասարդ ռեժիսոր Նորա Գրիգորյանի բեմադմամբ:

Իտալացի բեմադրիչ-դրամատուրգ Դարիո Ֆոյի «Ազատ զույգը» կատակերգությունում արծարծվում են ամուսնական զույգի հարաբերությունները՝ անկեղծ խոստովանություններով ու տեսարաններով: Թեեւ իտալացի հեղինակը պիեսը գրել է 1980-ականներին, թեման այժմ էլ արդիական է։ «Ազատ զույգը» ներկայացումը ռուսական թատրոնում ինտերակտիվ կերպով ներկայացվեց, բեմում նստած հանդիսատեսը եւս իր մասնակցությունն ունեցավ ներկայացմանը: Հանդիսատեսը գործողություններին հետեւեց ոչ թե դահլիճից, այլ հենց բեմից. դերասաններն ու հանդիսատեսը մեկ հարթության վրա էին։ 

Ներկայացման մեջ շատերը կտեսնեն զվարճալի եւ ծանոթ ընտանեկան կոնֆլիկտներ, փոխհարաբերություններ, բայց անսպասելի իրավիճակներում։ Պիեսի ընտրության եւ դերասանական կազմի մասին զրուցեցինք բեմադրող ռեժիսոր Նորա Գրիգորյանի հետ:

Վերջինս ասաց, որ իր ուսանողների հետ են ընտրել թեման եւ միասին աշխատել: Նշեց նաեւ, որ մինչ դերասանների ամբողջական հավաքագրումը, մի քանի այլ դերասանների էլ է առաջարկել, բայց նրանք ինչ-ինչ պատճառներով չեն համաձայնվել խաղալ, ուստի որոշվել է այս խումբը հավաքել: Նորա Գրիգորյանի բնորոշմամբ՝ հետաքրքիր եւ նորովի մոտեցում է՝ բեմում դերասան-հանդիսատես հարաբերությունները, հատկապես այն հանգամանքը, թե ինչպես են գլխավոր կերպարները խոսում, կիսվում հանդիսատեսի հետ ապրումներով:

«Սա կատակերգություն է, սակայն իր մեջ ունի շատ կյանքային ու դրամատիկ կողմեր: Ըստ սյուժեի՝ տղամարդը համոզում է կնոջը, որպեսզի իրենք դառնան ազատ զույգ, իսկ կինը դժոխքի միջով է անցնում, որպեսզի կարողանա ամուսնուն հետ պահել այդ մտքից, համոզի, որ նրա միտքն ուղղակի սխալ է: Սակայն ի վերջո կինը համաձայնվում է ամուսնու հետ, իսկ երբ իր համար նոր տղամարդ է գտնում, ամուսինը չի հանդուրժում: Ներկայացման գլխավոր հաղորդագրությունն այն է, որ պետք է գնահատել այն մարդկանց, ովքեր մեր կողքին են, քանի որ հաճախ մտածում ենք, որ նա սիրում է, հաստատ չի հրաժարվի, չի թողնի, մտածում ենք, թե մեզնից լավը չկա ու մեզ սիրողների նկատմամբ եսասեր ենք լինում՝ կարծելով, թե նա ամեն ինչի կդիմանա: Իսկ երբ մեզ սիրող մարդը թողնում է ամեն ինչ ու հեռանում, այդ ժամանակ նոր զգում ենք նրա արժեքն ու պակասը, հասկանում, որ կորցրինք այն մարդուն, ում սերը չէինք գնահատում, բայց սիրում էինք»,- նշեց Նորա Գրիգորյանը:

«Ազատ զույգ»-ի հայկական պրեմիերայի դերակատարներն են Մանվել Խաչատրյանը, Հռիփսիմե Նահապետյանը, Անի Հակոբյանը, Սերգեյ Գրիգորյանը, Հայարփի Զուռնաչյանը, Ալեքսանդր Հայրապետովը եւ Գրիգոր Խոջյանը:

Տպել
1193 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը