Բոլթոնի խոսքերը ավելի են լարում, շահագրգռում պատերազմի. Վահրամ Բաղդասարյան

ԱՄՆ նախագահի ազգային անվտանգության հարցերով խորհրդական Ջոն Բոլթոնը զենքի վաճառքի մասին հեկտեմբերի 25-ին Երեւանում ուշագրավ հայտարարություն էր արել: «Ազատության» հետ զրույցում պատասխանելով հարցին՝ ԱՄՆ-ն ինչ այլնտրանքներ է առաջարկում տարածաշրջանի երկրներին՝ անվտագության ապահովման հետ կապված, պատասխանել է. «Ես Հայաստանի վարչապետին ասացի՝ եթե խնդիրն այն է, որ ընտրություն պետք է կատարես ռուսական եւ ամերիկյան ռազմական տեխնիկա գնելու միջեւ, մենք կնախընտրեինք վերջին տարբերակը։ Մենք կարծում ենք, որ մեր տեխնիկան ամեն դեպքում ավելի լավն է, քան ռուսականը: Այնպես որ, ուզում ենք դիտարկել այդ հնարավորությունը: Կարծում եմ, որ այն ավելացնում է Հայաստանի հնարավորւթյունները, երբ այն ամբողջովին կախված չէ մեկ գերտերությունից։ Ես հասկանում եմ աշխարհագրական դիրքի եւ պատմական իրողությունների հետ կապված հարցերը, բայց կարծում եմ՝ ժամանակն է լավատես լինելու, որ Հայաստանը կարող է ավելի տեսանելի լինել համաշխարհային ասպարեզում: ԱՄՆ-ը Հարավային Կովկասը ռազմավարական առումով շատ կարեւոր տարածաշրջան է համարում է»։ 

Հայաստանի խորհրդարանական ուժերի ներկայացուցիչները տարբեր կերպ արձագանքեցին Բոլթոնի այս հայտարարությանը: Մասնավորապես, ՀՀԿ խմբակցության ղեկավար Վահրամ Բաղդասարյանը նշեց, որ նման հայտարարությունները երկու կողմերին էլ դրդում են պատերազմի: Բաղդասարյանի կարծիքով՝ Բոլթոնի խոսքերը ավելի են լարում կիսապատերազմական վիճակը եւ բանակցությունները տանում են փակուղի: Նրա կարծիքով՝ պետք է պաշտպանել կողմերին զենք չվաճառելու սկզբունքը:

«Հակամարտող երկրներում ճիշտ չի համարվում, որ զենքեր են վաճառվում: Ճիշտ չէ նման տարբերակով հայտարարել, թե ում զինատեսական է ավելի հզոր, ավելի ուժեղ: Մենք չենք գնում պատերազմի, մենք բանակցային ճանապարհով գնում ենք խաղաղության: Ես ճիշտ չեմ համարում նման հայտարարություններով շահագրգռել, այսինքն՝ սա նշանակում է, որ մեզ դրդում են դեպի պատերազմի, որպեսզի մենք կարողանանք ավելի զինվենք, երեւի շահագրգռեն»։

Վահրամ Բաղդասարյանը նշեց, որ մի քանի անգամ քննադատաբար են մոտեցել այն իրավիճակին, որ Ռուսաստանի Դաշնությունը զենք է վաճառում Հայաստանի եւ Ադրբեջանի հանրապետություններին: «Սա չի նշանակում, որ յուրաքանչյուր երկրի բանակ չի կարող սահմանափակ թվով իր բանակը զինի»,- ասաց նա:

«Դաշնակցություն» խմբակցության ղեկավար Արմեն Ռուստամյանն էլ կարծում է, որ ոչ միայն Ռուսաստանի Դաշնությունն ու ԱՄՆ-ն, այլեւ մյուս միջնորդ կողմերը պետք է պատերազմող երկու կողմերին էլ այնպես զենք տրամադրեն, որ բալանսը չխախտվի։ Ըստ նրա՝ եթե Ադրբեջանին տրամադրվեն շատ ավելի մեծաքանակ զինատեսակներ, իսկ Հայաստանին՝ ոչ, ապա սա հակասում է կայուն եւ անվտանգ տարածաշրջան ունենալու տրամաբանությանը։

«Որտեղ հավասարակշռությունը խախտվում է, հենց այդտեղ էլ սկսում են ագրեսիաները, պատերազմական գործողությունները։ Եվ ես կարծում եմ, որ այսօր արդեն Հայաստանը հետ է ընկել այդ ռազմական զինանոցի կուտակման գործընթացից, եւ եթե այդ հայտարարությունը նկատի ունի պարոն Բոլթոնը, որ հավասարակշռություն առաջացնելու համար Հայաստանը նաեւ ունենա այլ զինատեսակներ, որոնք դա կհավասարեցնեն, իհարկե, դա կարելի է միայն ողջունել, որովհետեւ մեզ համար շատ կարեւոր է, որ մենք ունենանք հավասարակշռված վիճակ, ունենանք զինատեսակների եւ զինանոցի առումով Ադրբեջանին չզիջող ծավալ»,- ասաց Ռուստամյանը եւ ավելացրեց, որ Հայաստանն իր կենսական շահերից ելնելով կարող է լրացնել զինանոցը՝ ԱՄՆ-ից զենքեր ձեռք բերելով:

Հարցին էլ՝ դաշնակից Ռուսաստանն ինչպե՞ս կվերաբերվի այն փաստին, որ ՀՀ-ն ԱՄՆ-ից զենք է ձեռք բերում, Ռուստամյանը պատասխանեց. «Ես կարծում եմ, որ Ռուսաստանն ինքն էլ շատ լավ պետք է հասկանա, որ կա շատ պարզ տրամաբանություն՝ միջնորդները կա՛մ որեւէ մեկին զենք չեն տրամադրում, կա՛մ տրամադրում են այնպես, որ բալանսը չխախտվի, եւ այս սկզբունքը, կարծում եմ, շատ ունիվերսալ է եւ որեւէ մեկի դեմ ուղղված չէ, պարզապես մեր պաշտպանության խնդիրն է լուծում։ Դրա համար եմ ասում՝ մեր արտաքին քաղաքականությունը պետք է հենված լինի նրա վրա, որ մենք առաջնորդվում ենք մեր կենսական անհրաժեշտությունից ելնելով, ուրիշ որեւէ այլ բան այսօր Հայաստանը չի անում, եւ սա պետք է բոլորի կողմից ըստ արժանվույնս գնահատվի»։

ԵԼՔ-ի քարտուղար Գեւորգ Գորգիսյանն էլ նշեց, որ ՌԴ-ն մեր ռազմավարական գործըներն է մնում, բայց Հայաստանը պետք է շարունակի հարաբերությունները ՌԴ-ի, ԱՄՆ-ի, Իրանի, Վրաստանի եւ բոլոր այն պետությունների հետ, որոնք ունեն կարեւոր նշանակություն ՀՀ համար:

Տպել
1174 դիտում

Հայաստանը 9 ծանրորդով կմասնակցի Թայլանդում կայանալիք աշխարհի առաջնությանը

89 մարտական հաշվարկ եւ 2 օպերատիվ խումբ պայքարել են 76 խոտածածկ տարածքի հրդեհ մարելու համար

Թաթուլ համայնքի ղեկավարը մի քանի միլիոնի հասնող չարաշահումներ է թույլ տվել (տեսանյութ)

Կոտայքում Opel-ը վրաերթի է ենթարկել հետիոտնին. վերջինը շպրտվել է հանդիպակաց երթևեկելի գոտի և տեղում մահացել

Ողջունելի է, որ Կարմիր Խաչի ՄԿ ներկայացուցիչներն այցելել են Ադրբեջանում գտնվող հայ ռազմագերուն

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել