Ըստ Նշանյանի՝ ներկայացումը հաջողվել է Մկրտիչ Արզումանյանի շնորհիվ, վերջինս այլ կարծիքի է

Դերասան Մկրտիչ Արզումանյանի մասնակցությամբ «Հյուսիսային պողոտայի բանտարկյալը» ներկայացումը հաջողություն ունեցավ: Սեպտեմբերին կայացած պրեմիերայից հետո բազմաթիվ էին դրական արձագանքները: Երեկ՝ հոկտեմբերի 23-ին, այն կրկին խաղացվեց, ու Կ. Ստանիսլավսկու անվան դրամատիկական թատրոնի դահլիճում դժվար էր ազատ տեղ գտնել: Նիլ Սայմոնի պիեսի վրա հիմնված աշխատանքի բեմադրող ռեժիսոր Արման Նշանյանը որպես հաջողության հիմնական գործոն նշում է Մկրտիչ Արզումանյանի մասնակցությունը: Կարծում է, որ դրան է նպաստել նաեւ այն, որ ձեւաչափն է նորություն: Այս մասին նա խոսեց «Հայկական ժամանակ»-ի հետ:

«Ինձ թվում է՝ մի քանի գործոն կա: Իհարկե, Մկոյի գործոնը մեծ դեր է խաղում: Կարծում եմ՝ նրան տեսնելն այս ձեւաչափի մեջ, որը մի քիչ դուրս է այն ձեւաչափից, որում նա միշտ հանդես է եկել, շատ հետաքրքրություն է առաջացնում: Սա իրական սիթքոմ է: Սիթքոմը հենց այս հեղինակներից է սկսվել: Այստեղ կարեւորն այն է, որ դրությունն է ծիծաղելի, ոչ թե դերասաններն են ինչ-որ բաներ անում ծիծաղ առաջացնելու համար: Ինձ թվում է՝ սա նոր բան է, ու նաեւ դա է նպաստել»,- ասաց նա:

Մկրտիչ Արզումանյանն այլ տեսակետ ունի հաջողության գրավականի վերաբերյալ: Կարծում է, որ դա ողջ թիմի լավ աշխատանքի արդյունքն է: Նշում է, որ բոլոր նրանք, ովքեր ներգրավված են ներկայացման մեջ, մեծ նվիրումով են վերաբերվում գործին, եւ դա էլ իր պտուղները տալիս է:

«Սա թիմային աշխատանք է. ե՛ւ պրոդյուսերական, ե՛ւ ռեժիսորական առումով, ե՛ւ դերասանները մաքսիմալն են անում, նկարիչը հրաշալի աշխատել է: Սա թիմային աշխատանքի արդյունք է: Ամենակարեւորը, որ հավաքվել են մարդիկ, որոնք սիրում են իրենց աշխատանքը»,- ասաց նա:

«Հյուսիսային պողոտայի բանտարկյալը» ներկայացման մեջ Մկրտիչը մարմնավորում է գլխավոր հերոսին՝ Ռոբերտին: Նա Հյուսիսային պողոտայում բնակարան ունի, որը ձեռք է բերել եկամտաբեր աշխատանքի շնորհիվ: Աշխատանքը, սակայն կորցնում է ու ընտանիքը պահելու համար սկսում է աշխատել կինը՝ Մարին (Սաթենիկ Հախնազարյան): Անգործությունից Ռոբն ընկնում է խորը դեպրեսիայի մեջ ու ուշքի է գալիս, երբ աշխատանքը կորցնելուց հետո օգնության կարիք է զգում արդեն կինը:

Մկրտիչը նախկինում հանդես եկել է թատրոնի բեմում. խաղացել է «Մեա կուլպա»-ում, որը թողել է զբաղվածության պատճառով: Հետեւաբար, սա ինչ-որ առումով նոր փորձ է: Սովորաբար նա շատ ինքնաքննադատ է ու պահանջկոտ իր նկատմամբ, նոր աշխատանքներ հանդիսատեսին հանձնելուց առաջ բավական հուզվում է: Այս ներկայացումից առաջ էլ մտածել է, որ գուցե շատերը իրեն չպատկերացնեն նոր ձեւաչափում, եւ նրա խոսքով՝ իրոք եղել են դեպքեր, որ ոմանք «Հյուսիսային պողոտայի բանտարկյալը» ներկայացման մեջ սպասել են շոու տեսնելուն: Հիմա Մկրտիչը սկզբնական բարդ պահը հաղթահարել է, ու իրեն լավ է զգում:

«Գնալով ավելի հարմարավետ եմ զգում, ավելի հանգիստ: Արածս աշխատանքից փորձում եմ հաճույք ստանալ, դա ամենակարեւորն է: Խաղացինք 2-րդը: Կարծում եմ՝ ավելի վստահ էինք: Փորձում ենք այնպես անել, որ ներկայացումը երկար կյանք ունենա: Ինձ համար շատ ուրախալի ու հաճելի պրոցես է: Այս ամենը տեսնելով ուզում ես հնարավորինս շատ կապել քեզ բեմի հետ»,- ասաց նա՝ ավելացնելով, որ դա չի նշանակում, որ մոռանալու է կինոն ու հեռուստատեսությունը:

«Հյուսիսային պողոտայի բանտարկյալը» տրագիկոմեդիայում, բացի Մկրտիչ Արզումանյանից ու Սաթենիկ Հախնազարյանից, հանդես են գալիս Նաիրա Շահիրյանը, Ռոբերտ Հակոբյանը, Մարգարիտա Շահվալադյանը: Սցենարի վրա աշխատել են Արտուշ Գեւորգյանը եւ Վահան Մովսիսյանը: Նկարիչն Արեւ Պետրոսյանն է:

Եւս մեկ ներկայացում կլինի այսօր՝ հոկտեմբերի 24-ին, ու հանդիսատեսն այն նորից տեսնելու հնարավորություն կունենա նոյեմբերի 21-ին, 22-ին: Այն կխաղացվի այս սկզբունքով՝ ամեն ամիս: Տոմսերն արժեն 3000, 4000, 5000 դրամ: Դրանք կարելի է ձեռք բերել tomsarkgh.am, toms.am կայքերում, Կ. Ստանիսլավսկու անվան դրամատիկական թատրոնի տոմսարկղից:  

Տպել
1968 դիտում

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ