Ոստիկանների ազատության մեջ գտնվելը վտանգավոր է. խոշտնագված քաղաքացու քույրը դժգոհ է

Ինչպես արդեն տեղեկացրել ենք, ոտիկանության Սեւանի բաժնում քաղաքացի Արա Վարդանյանին խոշտանգելու կասկածանքով ձերբակալված ոստիկանության պաշտոնատար անձինք ազատ են արձակվել:

Այս քրեական գործը մեծ աղմուկ է բարձրացրել. շաբաթ օրը, երբ ոստիկանները դեռ գտնվում էին արգելանքի տակ, նրանց հարազատները փակել էին Երեւան-Սեւան մայրուղին: Այնուհետեւ ձերբակալված ոստիկանների հարազատներին ընդունել էր նաեւ ՀՀ ոստիկանապետ Վալերի Օսիպյանը եւ վստահեցրել, որ բոլոր հարցերը կլուծվեն օրենքի շրջանակում:

Դեպքը տեղի է ունեցել հոկտեմբերի 7-ին. Սեւանի բնակիչ 28-ամյա Արա Մուրադյանի քույրն ահազանգել էր, որ եղբորը ոստիկանության երեք ծառայողներ ծեծի են ենթարկել. «Շորերը հանել են տալիս, ոտքերը մաքրում են շորերի վրա, թքում են եղբորս շորերի վրա, ասում են՝ դե հենց հիմա պետք է հագնես»,- ծեծից դրվագ էր պատմել Մուրադյանի քույրը: Հրապարկված լուսանկարներում էլ Մուրադյանի մարմնի տարբեր մասերում նկատելի էին վնասվածքներ ու կապտուկներ:

Նախաքննության ընթացքից, սակայն, դժգոհ է ոչ միայն տուժող կողմը, այլ նաեւ՝ ոստիկանների հարազատները: Ոստիկան Սահակ Դավթյանի մայրը՝ տիկին Թամարը, դժգոհ է որդուն առաջադրված մեղադրանքից: Նա նշեց, որ եթե բողոքի ակցիա չկազմակերպեին, ապա որդին եւ մյուս ոստիկաններն այժմ կալանքի տակ կլինեին: Տիկին Թամարան մեր զրույցում պատմեց, թե ուրբաթ օրը որդին տեղեկացրել է, որ գնում է ՀՔԾ՝ հարցաքննության, սակայն չի վերադարձել, հետո տեղեկացել է ձերբակալության մասին: Նա պնդեց, թե տուժող երիտասարդը թմրամոլ է, իսկ մարմնի վրա առկա կապտուկներն ու հարվածքները ստացել է մինչե որդու եւ մյուս ոստիկանների՝ «Տոտո» բուքմեյքերական կետ հասնելը: «Սրանից առաջ էլ Դիլիջանում տուրիստների էր կողոպտել (նկատի ունի տուժողը)»,-ասաց ոստիկանի մայրը: Նա ասաց, որ ամուսինը երկու ամիս առաջ է մահացել, տան միակ աշխատողը Սահակն էր, ինքն էլ առողջական խնդիրներ ունի: «Երեխես բանակից եկել է գովասանագրերով, շնորհակալագրերով: Ուսումն ավարտեց, ընդունվեց ոտիկանություն: Ու խնդրեմ, իմ երեխեն ափսոս էր ուղղակի, որ մտավ էդտեղ. զինվորին դրել եք ի՞նչ հոդվածով եք դատում, ո՞ւմ համար հանցագործի՞: 6 ամիս է՝ նշանված է, 6 օր նշանածին չի տեսել, օրերով տուն չի գալիս, աշխատավարձը եսիմ ինչ է ու այդքանից հետո տես ինչ հոդված են դրել երեխուս վրա ու առանց ապացույց: Այնքան վիրավորված եմ, իմ երեխեն այդքան ծառայեց Հայրենիքի համար»,- վրդովված նշեց տիկին Թամարան: Մեր հացրին, թե որդին մինչ ձերբակալվելը պատմե՞լ է դեպքի մասին, թե ոչ, նա ասաց, որ դեպքի մասին իմացել է ձերբակալվելուց հետո: Դիտարկմանը, որ այնուամենայնիվ, տուժողի մարմնի տարբեր մասերում բռնության հետքեր կան, տիկին Թամարան պատասխանեց. «Ինքը նման բան չի անի: Ահազանգը եղել է, էս երեխեքը գնացել են ու բաժին են տարել: Ես մենակ իր (Սահակի) պատռված վերնաշապիկն եմ տեսել»: Հարցին, թե չի՞ ասել՝ ինչպես է այն պատռվել, տիկին Թամարան ասաց, որ չի հարցրել եւ չգիտի՝ ով է այն պատռել: «Ինձ բան չի ասում, ես գիտեմ, որ իմ էրեխեն անշահախնդիր ծառայեց երկրի համար ու հիմա ինչ ձեւ են գնահատում: Օսիպյանը ասաց՝ ամեն ինչ օրենքի սահմաններում կարվի, օրենքի սահմանը որն ա՞: Եթե իմ երեխեն մարդ չի ծեծել, դուք բերել սենց ծանր հոդված եք դրել, ո՞ւմ համար»,-ասաց մեր զրուցակիցը:

Տուժող Արա Վարդանյանի քույրը՝ Նաիրա Վարդանյանն էլ կարծում է, որ ազատության մեջ մնալով՝ ոստիկաները խոչընդոտելու են գործի քննությանը: «Ոնց կլինի՝ իրենք ոստիկաններ են, իրենց ազատեցին, իմ եղբայրը հասարակ ընտանքից է, պարբերաբար կրկնում են՝ դատապարտյալ, հա դատապարտյալ: Հա ի՞նչ անենք, մարդը մեկ անգամ դատված է եղել: Կամ անընդհատ ասում են՝ թմրամոլ, եթե իմ եղբայրը թմրամոլ է՝ մի հատ գործ բացեք, որ ինքը դրա համար դատված է եղել, սուտ հայտարարություններ են արել: Ճանապարհ փակելով իրենց ոստիկաններին արդարացրեցին, բայց էս գործը չի փակվելու, ես ասել եմ՝ մինչեւ Երոպական դատարան գնալու եմ: Ես հասկացա, որ Հայատանում արդարություն չկա»,- մեր զրույցում ասաց Վարդանյանը: Մեր հարցին ի պատասխան նա ասաց, որ եղբայրը նախկինում դատված է եղել գողություն կատարելու համար:

Նա կարծում է, որ ոստիկաններից հատկապես Վահագն Միքայելյանը պետք է անզատության մեջ մնա, քանի որ հենց նա է եղբորը դաժան ծեծի ենթարկել: «Հիմա տուն ենք վարձում, որ իմ եղբորը էս ընթացքում Սեւանից դուրս բերենք, որ իր գլխին ոչ մեկ մի բան չսարքի»: Նաիրա Վարդանյանն ասաց, որ ՀՀ հատուկ քննչական ծառայությունը առգրավել է «Տոտո» բուքմեյքերական կետի տեսագրությունները: «Ես իմացա, որ Տոտոյի տեսագությունը հանել են ու տեսել են, որ եղբայրս նստած է, Վահագը ներս է մտնում ու ասում՝ ստեղ կռիվ ա, ասում են, մարդիկ պատասխանում են՝ որտե՞ղ, ասում ա՝ ստեղ: Եղբարյս ասում ա՝ ստեղ կռիվ չկա ու Վահագին հարց ա տալիս՝ Վահագ դու աշխատո՞ւմ ես, նա էլ պատասխանում ա՝ հեսա կտենաս, կարող ա՞ նենց խոչընդոտես, չաշխատեմ: Ինչից հետո ամրակցված զենքը հանում ա ու հարձակվում եղբորս վրա: Ինքը հատկապես ամենաուժեղ ծեծողներից ա եղել, նա պետք ա դրսում չհայտնվեր»,- նշեց տուժողի քույրը: Անդրադառնալով ոստիկանների հարզատների այն պնդումներին, որ եղբայրը տուրիստների է կողոպտել, Վարդանյանն ասաց՝ ճիշտ չեն ներկայացնում: «Դա երկու ամիս առաջ ա եղել: եղբայրս Դիլիջան գնալիս է եղել, ճանապարհին տուրիստներ են կանգնած եղել, եղբայրս որ բենզին ա լցրել, չի նկատել, որ տուրիստները նստել են մեքենան ու որ իրենց հետ ապարանք ա եղել: Տուրիստներին իջեցնելուց հետո տեսել ա, որ մեքենայի մեջ ապրանք կա, հետ ա քշել ու ապրանքը տվել: Եթե եղբայրս մեղավոր լիներ, էսօր ինքը ազատության մեջ չէր լինի: Ինքը մեղավոր ա՞, հանցագործ ա՞, թող տանեն դատեն, ոչ թե ծեծեն, օրենք գոյություն ունի: Ես ոստիկանությունում իմացա, որ Վահագն Միքայելյանի վրա 5-ից ավելի բողոքներ կան: Իր դրսում մնալը վտանգ է իմ եղբոր կյանքի համար: Նա նենց ա ստորացրել իմ եղբորը... եթե ուզում են Հայասատնում ջահել տղերքը մարդասպան դառանան, խնդիր չկա, մենք էլ մեր արդարությունը կանենք: Եթե հարցը ճանապարհ փակելով ա լուծվում, խնդիր չկա: Հիմա, եթե իմ եղբայրը ոստիկանի հարվածած լիներ, էդքան իրեն ստորացնելուց հետո, եղբորս ցմահ կդատեին: Ոստիկանը ոստիկանին պաշտպանում ա, բայց խեղճ, հասարակ բանվորի ընտանիքներին պետք է հալածե՞ն, ինչ անեք, որ մի անգամ դատվել է, պետք է ծեծե՞ն»,- հավելեց Արա Վարդանյանի քույրը: Նա ասաց, որ եղբոր պատմելով, ոստիկաններից Թաթուլ Գեւորգյանը պաշտպանել է, որպեսզի իրեն չհարվածեն: «Վահագն Միքայելյանը գլուխը դրել ա ոտքի տակ, ճմռել ա գլուխն ու ասել՝ սա անում եմ նրա համար, որ ինձ լավ ճանաչես: Թաթուլը ասում ա խփել ա, բայց եղավ դեպք, որ ինքը պաշտպանում էր ինձ, որ չխփեին: Մենք ոչ մարդկանց գլխին սարքում ենք, ոչ էլ նման ցանկություն ունենք: Ես արդարություն եմ պահանջում, ջահել տղայա, ինչի՞ համար եք կյանքը սենց խորտակում»: Նաիրա Վարդանյանն ասաց, որ երբ եղբորը Սեւանի հիվանդանոց են տարել, բժիշկները ոստիկանություն չեն ահազանգել: Նրա խոսքով՝ դեպքի վերաբերյալ ցուցմունք են տվել ե՛ւ եղբոր ընկերները ե՛ւ ընկեոջ մայրը, որը Արա Վարդանյանին հիվանդանոց էր տեղափոխել: Ոստիկան Վահագն Միայելյանից մեկնաբանություն ստանալ չհաջողվեց:

Մեղադրանքը հաստատվելու դեպքում ոստիկաններին մինչեւ 12 տարվա ազատազրկում է սպառնում: