Մկրտիչ Արզումանյանի բոլորովին նոր կերպարը, վնասվածքը ու քաղաքական հումոր. պրեմիերա

Տեղի ունեցավ «Գործակալ 044» կատակերգության պրեմիերան: Ֆիլմն առաջին անգամ ցուցադրվեց այսօր՝ հոկտեմբերի 18-ին, «Կինոպարկում»: Գլխավոր հերոսին մարմնավորում է Մկրտիչ Արզումանյանը: Նա հանդես է գալիս Գործակալ 044-ի դերում, որը պետք է բացահայտի Սուրբ Գեղարդի գողությունը թանգարանից ու գտնի այն: Մկրտիչը դերասանական կարիերայի ընթացքում բազմաթիվ կերպարների է մարմնավորել, սակայն նման հերոսով առաջին անգամ է ներկայանում:

«Շատ բարդ էր: Երկար ժամանակ փնտրում էինք: Բարդ էր նրանով, որ, ըստ տարիքի, պետք է շատ ավելի պլաստիկ, արագ լինես: Վերջում եկանք այս արդյունքին: Նա մի քիչ աննորմալ է, մի քիչ չէ, նույնիսկ շատ, բայց չգիտի այդ մասին: Մյուս կերպարների հետ էլ շատ մեծ կոնտրաստի մեջ է: Նա կարծում է՝ ամեն ինչ լավ է, այնինչ ինքն անհաջողակ է: Այդուհանդերձ տարբեր սխալների միջոցով վերջում Գեղարդը վերադարձնում է: Բարդ էր խաղալը եւ բարդ էր գտնելը, սակայն հուրախություն ինձ ստեղծեցինք մի նոր կերպար, որը մեծ հույսեր ունեմ, որ կապրի երկար, տեղ կգտնի հաջորդ նախագծերում»,- ասաց Մկրտիչը:

Գործակալ 044-ը արգենտինահայ է: Նա անհաջողակ է, այդ պատճառով էլ հնագետ Ղազարյանը, որն իբր օգնում է իրավապահներին, սակայն ինքն է գողացել Գեղարդը, ոստիկաններին խորհուրդ է տալիս հենց Հենզելին վարձել գործը բացահայտելու համար: Հենզելը Գեղարդը պետք է գտնի կարճ ժամանակում՝ մինչեւ Հռոմի Պապի այցը Հայաստան, որպեսզի ոչ ոք չիմանա, որ այն չկա:

Հենզելը նախ մտածում է, թե գողության միակ վկայի փաստաբանն է իրական գողը, ապա կասկածում է քահանային, որն առաջինն է բացահայտել գողությունը, հետո որպես քահանա մասնակցում է թաղման արարողության ու սկսում կասկածել մահացածի մտերիմներին: Ի վերջո, երբ լիովին հուսահատվում է, Բելլայի՝ ՀՀ-ում Հռոմի Պապի անվտանգության ծառայության աշխատակիցներից մեկի աջակցությամբ պարզում է, որ հենց հնագետն է գողը:

Նախագծի վրա անձնակազմն աշխատել է շուրջ 1 տարի: Ունեցել են պատմության մի քանի տարբերակներ: Բոլորը նախատեսված են եղել Մկրտիչ Արզումանյանի համար: Ընտրել են այս մեկը: Նկարահանումները տեղի են ունեցել այս տարի ամռանը: Դրանք, Մկրտիչի խոսքով, շատ հետաքրքիր են անցել, սակայն ոչ անվնաս:

«Երկաթագծի կայարանի նկարահանման ժամանակ թեւս շատ ուժեղ վնասեցի: Տեխնիկական պատճառով չկարողացան այդ փափուկ իրը դնել, որ «վայրէջք» կատարեմ դրա վրա (ծիծաղում է): Թեւս արդեն վնասված էր եւ ավելի խորացավ: Հիմա նորմալ է, բայց այդ ժամանակ բավական այդտուցված էր»,- պատմեց նա:

Ստեղծագործական թիմն ու, մասնավորապես Մկրտիչն արկածների պակաս էլ չեն ունեցել: Վերջինս ստիպված է եղել կասկադյորական հնարք կատարել: Դրվագներից մեկում Հենզելը պետք է իջնի շենքի տանիքից ու մտնի բնակարաններից մեկը: Դա անում է հենց Մկրտիչը:

«Առաջին դուբլերի ժամանակ կատուների պես էի. այն, որ կատուներին իջեցնում, բարձրացնում են: Հետո հասկացա, որ պետք է մի քիչ խաղալ, սկսեցի շարժումներ անել (ծիծաղում է)»,- պատմեց նա:

Բացի Մկրտիչ Արզումանյանից՝ դերերում հանդես են գալիս Հայկ Սարգսյանը, Մարիամ Ադամյանը, Արմեն Մարգարյանը, Մարիամ Դավթյանը, Մակար Գալստյանը: Ռեժիսորը Հայկ Կբեյանն է, պրոդյուսերը՝ Տիգրան Համբարձումյանը, գծային պրոդյուսերը՝ Վահան Գրիշկյանը:

Հեղինակները պատրաստվում են պրեմիերաներ անել նաեւ ՀՀ այլ քաղաքներում: Ցանկանում են ցուցադրել նաեւ արտասահմանում՝ հատկապես Ռուսաստանում եւ ԱՄՆ-ում, որտեղ հայկական մեծ համայնքներ կան, բանակցություններ են վարում:  Վաղվանից կցուցադրվի բոլոր կինոթատրոններում: Հեռուստատեսությամբ կլինի 2019-ի վերջից՝ Ամանորից, ոչ շուտ: Ֆիլմի 2-րդ մասին մասին կմտածեն՝ կախված այս մեկի հաջողությունից:

Տպել
3541 դիտում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում

«UPSHIFT Հայաստան» դեռահասների զարգացման ու զորակցման ծրագրի առաջին փուլն ավարտված է

Ելույթ՝ ՄԱԿ-ում, հանդիպումներ Քալիֆորնիայում. Վարչապետն աշխատանքային այց կկատարի ԱՄՆ

Անհրաժեշտ է մշակել և կյանքի կոչել ծնելիության խրախուսման, երեխաներ ունեցող ընտանիքների աջակցության նոր ծրագրեր. Ավինյան

2022 թվականին ակնկալվում է, որ մեր կառավարության արտաքին պարտքը կդառնա 3.1 տրիլիոն դրամ. Մարության

Թմրանյութ պահելու կասկածանքով Սևան քաղաքի հանրային լողափից 60-ամյա տղամարդ է բերման ենթարկվել

Գրանցվել է խոտածածկ տարածքներում բռնկված 19 հրդեհ՝ ընդգրկելով մոտ 9.5հա տարածք

Մխիթարյանի՝ «Ռոմա» տեղափոխության շնորհիվ անհետ կորած 13-ամյա տղան գտնվել է

Մխիթարյանը՝ «Սասուոլո»-ի դեմ խաղի լավագույն ֆուտբոլիստ

Էլեկտրաէներգիայի անջատումներ են սպասվում Երևանում և ևս 7 մարզում

ԱԳ նախարար Զոհրաբ Մնացականյանը հանդիպել է Լիտվայի վարչապետ Սաուլիուս Սկվերնելիսի հետ

Աշխարհի գավաթ. Լևոն Արոնյանը եւ Մաքսիմ Մատլակովը չպարզեցին հաղթողին

Արման Դարչինյանը եւ Գուրգեն Հովհաննիսյանը հաղթեցին. ԱԱ