Աշխատանքից ազատման դիմումներ՝ Լոռու մարզպետարանում. միասին աշխատել չեն կարողանում

Լոռու մարզպետարանի աշխատակազմի քարտուղար Նարեկ Սարգսյանը աշխատանքից ազատվելու մասին դիմում է ներկայացրել վարչապետին:

Ազատման դիմումը Սարգսյանը ներկայացրել է հոկտեմբերի 15-ին, ազատման հրամանը վարչապետի կողմից ստորագրվել է նույն օրը:

ՀԺ-ի հետ զրույցում Սարգսյանն իր այս որոշումը պայմանավորեց իր եւ մարզպետ Անդրեյ Ղուկասյանի միջեւ եղած անձնական հարաբերություններով՝ միասին պարզապես չէին կարող աշխատել. «Իմ անձնական որոշումով ու մարզպետի հետ փոխադարձ համաձայնությամբ, քննարկել ենք, ու որոշվել է, որ դուրս եմ գալիս՝ աշխատանքի մեջ միջանձնային փոխհարաբերություններով կապված»,- ասաց Սարգսյանը՝ նշելով, որ անձնական խնդիրներ չունի մարզպետի հետ, պարզապես հետագա աշխատանքը չէր պատկերացնում. «Հենց առաջին իսկ աշխատանքային օրը ես ասեցի, որ դուրս եմ գալիս, զգացի, որ ինքն էլ չէր պատրաստ աշխատել ինձ հետ»:

2006թ.-ից մարզպետարանում աշխատած Սարգսյանը, որն ի սկզբանե անդամակցում էր ՀՀԿ-ին ու աշխատել է 5 մարզպետի հետ, ասում է, որ բոլորի հետ էլ ունեցել է նորմալ հարաբերություններ. «Եթե ես, որպես քաղծառայող, դիմում չներկայացնեի, որեւէ մեկը չէր կարող ինձ ազատել, առավել եւս մարզպետը, քանի որ դա վարչապետի լիազորությունն է»:

Այն հարցին, թե ինչպես պատահեց, որ հեղափոխությունից հետո, երբ մարզպետ նշանակվեց ԲՀԿ-ական Հրանտ Մարգարյանը, ինքը շարունակեց պաշտոնավարել, պատասխանեց, որ դա եւս միջանձնային էր. Մարգարյանին եւս նա ազատման դիմում էր ներկայացրել, սակայն Մարգարյանը խնդրել էր մնալ ու աշխատել իր հետ. «Եթե ես մնայի, մարզպետարանում գուցե լարված մթնոլորտ տիրեր»:

Ի դեպ, Սարգսյանը դեռեւս հուլիսի 1-ից դուրս է եկել ՀՀԿ-ի շարքերից, չի բացառում, որ կշարունակի սատարել ՀՀԿ-ին, բայց կուսակցականացվել՝ չի պատրաստվում:

Ազատման դիմում է ներկայացրել նաեւ նախկին մարզպետ, ԲՀԿ-ի քվոտայով նշանակված Հրանտ Մարգարյանի խորհրդական Հրաչիկ Ղամբարյանը, Մարգարյանի օգնականները, Սպիտակի սոցիալական ծառայության պետի ժամանակավոր պաշտոնակատարը: ՀԺ-ին հասած տեղեկություններով՝ առաջիկայում նոր դիմումներ եւս սպասվում են մարզպետարանի մի քանի վարչության պետերի կողմից:

Ավելի վաղ վարչապետին ազատման դիմում էր ներկայացրել նաեւ ԲՀԿ-ի կողմից ներկայացված փոխմարզպետ, անկուսակցական Սերգեյ Սարուխանյանը:

ՀԺ-ն ազատման դիմումների ու սպասվելիք կրճատումների վերաբերյալ մեկնաբանություն խնդրեց Լոռու մարզպետ Անդրեյ Ղուկասյանից, վերջինս խոստացավ ինչպես Սարգսյանի ազատման թեմային, այնպես էլ մյուս հարցերին անդրադառնալ ավելի ուշ:

Տպել
3292 դիտում

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)

Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը

ՍԱՏՄ-ն անցկացրել է հակամանրէային կայունության վտանգների իրազեկման շաբաթ

Կայացել է «Կայուն oրգանական աղտոտիչների մասին» Ստոկհոլմի կոնվենցիայի իրականացման միջգերատեսչական հանձնաժողովի նիստը

ՀՀ հավաքականի բոլոր խաղացողները վրդովված են մեր գլխավոր մարզչի խոսքերից. Հարոյանը քննադատել է Խաշմանյանին

ՀՀ ԱԺ նախագահ Արարատ Միրզոյանը հանդիպել է ՌԴ Դաշնային խորհրդի նախագահ Վալենտինա Մատվիենկոյին

Թուրքիան Ռուսաստանին հայտնել է, որ Սիրիայում նոր գործողություն չի ծրագրում. ՌԴ ԱԳՆ

ԱԺ պատգամավոր Երջանիկ Հակոբյանի օգնական Շահեն Հարությունյանն ազատվել է աշխատանքից

Լեհաստանը եւ Լատվիան կողմ են ԵՄ-ի կողմից Ռուսաստանի դեմ պատժամիջոցների շարունակմանը

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ. վարչապետ (տեսանյութ)

ՀՖՖ-ն չի կիսում կարծիքը, որ Մխիթարյանին պետք է զրկել ՀՀ ֆուտբոլի հավաքականի ավագի թեւկապից. ասել է Վանեցյանը

Հալեպի բնակելի թաղամասերի գնդակոծման հետեւանքով 30 վիրավոր կա եւ 5 զոհ, այդ թվում՝ երեխա

Սուրեն Պապիկյանի գլխավորությամբ կայացել է ԵԱՏՄ տրանսպորտի ոլորտի լիազոր մարմինների ղեկավարների խորհրդի նիստը

Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Նիկոլ Փաշինյանը ժամանեց Հռոմ

Գեղամ Գեւորգյանը հրաժարվեց ներկայացնել իր դիրքորոշումը, նա այդ մասին ուսանողների հետ կխոսի

ԱՄՆ ռազմական համագործակցության գրասենյակը գույք և տեխնիկա է նվիրել ԱԻՆ Փրկարար ծառայությանը

Ադրբեջանցի բլոգեր Աթա Աբդուլաեւը խարդախությունների մեջ է խառնված եղել, իր դեմ քրգործ էր հարուցվել. Մարտիրոսյան

Բելառուսի ընտրություններում ոչ մի ընդդիմադիր ուժ խորհրդարան չի անցել. Եվրոպան կրկին չի ճանաչում արդյունքները