Բռնցքամարտի նախկին չեմպիոն, անօթեւան Արմեն Խալոյանը արդարություն է պահանջում

ԽՍՀՄ բռնցքամարտի նախկին չեմպիոն Արմեն Խալոյանն արդեն 15 տարի է` գիշերում է դրսում: 2003 թվականին Լատվիայից վերադառնալով Հայաստան, Խալոյանը պարզում է, որ Երեւան քաղաքի Չեխովի 33 հասցեում գտնվող իր բնակարանն անօրինական ճանապարհով վաճառված է. իր եւ մայրիկի համատեղ սեփականություն հանդիսացող բնակարանը պատկանում է Վրաստանի քաղաքացու:

Արմեն Խալոյանը մեր զրույցում պատմեց, որ մայրը քաղցկեղով հիվանդ է եղել, 2003-ին, երբ վերադարձել է Հայաստան, տեղեկացել է, որ իրենց բնակարանը մայրիկի անունից վաճառել են: «Մինչեւ հիմա մայրիկիս գտնվելը անհայտ է, սպանել են, ինձ մահվան վկայական են ցույց տալիս, ասում են՝ տառապում էր քաղցկեղով: Ասում եմ՝ բա որ գամված էր անկողնուն, ո՞նց է գնացել նոտարական գրասենյակ. խնդիրն այն է, որ մեր բնակարանից երկու կանգառ այն կողմ գտնվում է նոտարական գրասենյակ, հիմա հիվանդ մարդը կգնա երկու կանգառ էն կողմը առուծախի պայմանագիր կնքի՞, թե կգա Բաղրամյանի վրա կենտրոնական նոտարական գրասենյակ, որտեղ էլ կնքվել է պայմանագիրը: Բացի դա մայրիկիս ստորագրությունը չկա, իր անունից առուծախի պայմանագիր են կնքել ու օտարել են առանց ինձ, որը օրենքով չի կարող լինել, ես պարտադիր կամ ներկա պետք է լինեի, կամ լիազորագիր պետք է ներկայացվեր»,- ներկայացրեց Խալոյանը:

Անօթեւան քաղաքացին 15 տարի շարունակ դիմել է իրավապահներին՝ արդարադատության ակնկալիքով, սակայն անօգուտ: Մասնավորապես, հայտնվելով անելանելի վիճակում, Խալոյանը դիմել է բոլոր պատկան մարմիններին՝ ոստիկանություն, դատախազություն, նախագահին, վարչապետին, սակայն իր դիմումները մինչ այսօր անպատասխան են:

Նրա ներկայացրած հաղորդումներից մեկով 2005 թվականին քրեական գործ են հարուցել նոտարական գրասենյակի նոտար Էմմա Շաբոյանի կողմից ենթադրյալ պաշտոնեական լիազորություններն անցնելու դեպքի առթիվ, սակայն ըստ քաղաքացու՝ քրեական գործը 5 տարի անց վաղեմության հիմքով կարճվել է: Արմեն Խալոյանը, սակայն պնդում է, որ քրեական գործով բազմակողմանի, լրիվ, օբյեկտիվ քննություն չի իրականացվել. այս շարքում նա նշում է նաեւ կադաստրի Էրեբունու տարածքային ստորաբաժանման այն ժամանակվա պետի անունը: «2003 թվականից դիմում եմ իրավապահ մարմիններին, օրինական ընթացք չի ստանում, կոռուպցիոն եւ հանցավոր գործունեությամբ են զբաղված իշխանությունները: ՀՀ ՔՕ 308 հոդված են հարուցում նոտարի դեմ, այնինչ ինձ հասցվել է նաեւ խոշոր չափերի վնաս ու գործը կարճել գնացել են: Իմ դիմումները, հանցագործության մասին հաղորդումները կոծկվում են: Ե՛վ նախկինում, եւ հիմա վարչապետին, ՀՀ նախագահին այլ ձեւի են ներկայացնում իմ խնդիրը, քանի որ նրանք ծանոթ չեն գործին, իրենց ներկայացնում են իբր ես էդ տան հետ ընդհանրապես կապ չունեմ ու դրանով ավարտվում է ամեն ինչ: Ես համոզված եմ, որ Նիկոլ Փաշինյանին ուրիշ ձեւ են զեկուցել:

Քրեական գործը կարճելուց հետո 2010-ին դատախազություն բողոք եմ ներկայացնում որոշման դեմ, ինչին պատասխանում են, որ քննիչի որոշումը ճիշտ է: Հանցագործությունը կոծկվում է, ընթացք չի տրվում դիմումներիս: Ամբողջ այս երկրում իրավապահ մարմինները օրենքով չեն աշխատում, աշխատում են կոռուպցիոն ձեւով, ով գումար կտա նրա օգտին որոշում են պահանջում:

Խալոյանն ասաց, որ մոտ մեկ ամիս առաջ էլ է դիմել դատախազություն՝ պահանջով, որ կարճման որոշումը վերացվի, քրեական գործն ուղարկվի քննչական մարմին ու հանձնարարական տրվի խորացված բազմակողմանի անաչառ քննություն կատարելու, սակայն այլեւս դատախազությունից իրեն չեն պատասխանում: «Ամեն ինչի հետ կապված խնդիր կա, հաշվառում չունեմ, ասում են՝ գնա հաշվառում գտի, ծանոթ բարեկամ չունե՞ս: Իրենք օրենքից են խոսում, ինձ հանցավոր ճանապարհ են ցույց տալիս: Վարչապետը հեռուստատեսությամբ չի՞ ասում դիմեք, մեռա դիմելով, Միրզոյանից բացի բոլորին դիմել եմ, բայց անտարբերություն լիարժեք: Ես արդարադատություն եմ պահանջում, քրեական գործը մտցնեն դատարան, արդարադատություն իրականացնեն, վերադարձնեն իմ բնակարանը եւ ինձ հասցրած բոլոր վնասները: Իմ առողջությունը քայքայվեց դրսում, էսքան տարի մնալով, մեկ սնվելով, մեկ չսնվելով: 15 տարի է՝ ես անօթեւան փողոցներում եմ գիշերում, ո՞վ պիտի պատասխան տա»,- ասաց Արմեն Խալոյանը: Նա նշեց, որ ոչ կարողանում է գնալ ընտանիքի մոտ՝ Լատվիա, ոչ էլ ընտանիքին բերել Հայաստան. «Տունս տվեք, ընտանիքս բերեմ: Էս բոլորը փաստաթղթերով կա»,- նշեց քաղաքացին:

ՀՀ գլխավոր դատախազի խորհրդական Գոռ Աբրահամյանից սույն խնդրի վերաբերյալ պարզաբանում խնդրեցինք: Աբրահամյանը մեր զրույցում նշեց, որ Արմեն Խալոյանը ՀՀ գլխավոր դատախազություն նույնաբովանդակ դիմումներ է ներկայացրել տասնյակ անգամներ՝ պահանջելով պատասխանատվության ենթարկել իր վերաբերյալ իբրեւ թե ապօրինի որոշումներ կայացրած դատավորներին, նոտարին, ինչպես նաեւ անհամաձայնությունն է արտահայտել իր վերաբերյալ կայացված դատավճռին (Խալոյանը նախկինում դատապարտված է եղել,-հեղ.): «Այդ դիմումներին մշտապես տրվել են հանգամանալից պարզաբանումներ: Սակայն 17.11.2016թ. Ա. Խալոյանի հետ թղթակցությունը դադարեցվել է՝ ՀՀ դատախազության կանոնակարգի 213-րդ կետով նախատեսված հիմքով՝ դիմումներում անպարկեշտ և վիրավորական արտահայտություններ պարունակելու պատճառաբանությամբ: Չնայած դրան, ցուցաբերելով ըմբռնողականություն, ՀՀ գլխավոր դատախազությունում անգամ դրանից հետո ոչ միայն մի քանի անգամ պատասխանել են նրա դիմումներին, այլեւ կազմակերպվել է ընդունելություն, որի ընթացքում բացի սպառիչ պատասխաններ տալուց, նաեւ պարզաբանվել է իր իրավունքների վերականգնման հնարավորությունների մասին:

Մասնավորապես Խալոյանին պարզաբանվել է, որ դեռևս 2010թ. դեկտեմբերին որոշում է կայացվել քրեական գործով վարույթը կարճելու և նոտարի նկատմամբ քրեական հետապնդում չիրականացնելու մասին՝ վաղեմության ժամկետներն անցնելու հիմքով: Համաձայն ՀՀ քրեական օրենսգրքի 75 հոդվածի 1-ին մասի 2-րդ կետի՝ վաղեմության ժամկետն անցնելու հետեւանքով անձն ազատվում է քրեական պատասխանատվությունից, եթե միջին ծանրության հանցանքն ավարտվելու օրվանից անցել է ավելի քան 5 տարի: Խալոյանին պարզաբանվել է, որ նման պայմաններում նա կարող է իր խախտված իրավունքները վերականգնել միայն քաղաքացիադատավարական կարգով»,- պարզաբանեց Աբրահամյանը:

Նշենք, նախկին նոտար Էմմա Շաբոյանի հետ կապված մամուլում բազմաթիվ բողոքների մասին է գրվել, սակայն նրան մշտապես հաջողվել է ջրից չոր դուրս գալ:

Տպել
3740 դիտում

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտութուն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ