Բուռն քարոզարշավ Կապանի քաղաքապետի արտահերթ ընտրություններից առաջ. կրիմինալը՝ ընդդեմ ՔՊ-ական թեկնածուի՞

Լուսանկարում ձախից՝ ՔՊ անդամ Նարեկ Բաբայան, աջից՝ անկուսակցական Գեւորգ Փարսյան

Սյունիքի մարզի Կապան քաղաքում բավականին ակտիվ ընթանում է քաղաքապետի արտահերթ ընտրությունների նախընտրական քարոզարշավը: Այստեղ առաջադրված է քաղաքապետի երեք թեկնածու՝ «Քաղաքացիական պայմանագիր» կուսակցության անդամ Նարեկ Բաբայանը, անկուսակցական Գեւորգ Փարսյանը եւ կրկին անկուսակցական Էդգար Հովհաննիսյանը:

Կապանում նախընտրական քարոզարշավը առավել բուռն ծավալվում է «Իմ քայլը» դաշինքի թեկնածու Նարեկ Բաբայանի եւ «Ռազ-Բիլդինգ՚» ՍՊԸ գլխավոր տնօրեն Գեւորգ Փարսյանի միջեւ:

Չնայած նրան, որ երկու թեկնածուներն էլ քարոզարշավը, ընդհանուր առմամբ դրական են գնահատում, այնուամենայնիվ, լարվածություն կա այս երկու թեկնածուների միջեւ: Մասնավորապես՝ Գեւորգ Փարսյանը մեր զրույցում ասաց, որ նախարարներ Արսեն Թորոսյանն ու Արայիկ Հարությունյանը մասնակցում են Նարեկ Բաբայանի քարոզարշավին, նրա շուրջ դրական մթնոլորտ ստեղծում, եւ դա այնքան էլ հավասար պայմաններ չի ստեղծում քարոզարշավի համար: 

Սրա վերաբերյալ Կապանի քաղաքապետի ՔՊ-ական թեկնածու Նարեկ Բաբայանը «Հայկական ժամանակ»-ի հետ զրույցում հայտնեց, որ նախարարներն իր քարոզարշավին մասնակցել են ոչ աշխատանքային օրերին՝ առանց որեւէ օրենք խախտելու. «Դա իրենց իրավունքն է: Իրենք ներկա են եղել որպես կուսակցական ընկերներ, որպես «Իմ քայլը» հեղափոխական թիմի անդամներ: Եթե դա որպես ազդեցություն է դիտվում՝ խնդրեմ: Ես այդ քաղաքական թիմի մասն եմ, ուրեմն ինչ խնդիր կա այդ աջակցության մեջ»,- ասաց Բաբայանը: Վերջինս նշեց, որ ինքն անձամբ մյուս թեկնածուներին շատ լավ է վերաբերվում, բայց իր հանդեպ կան որոշակի սադրանքներ՝ ֆեյսբուքում ֆեյքերի տեսքով եւ այլն. «Բայց մենք նման ձեւով չենք պայքարում»,- հավելեց Բաբայանը: Վերջինիս խոսքով՝ իր կողմից մյուս թեկնածուների հանդեպ լարվածություն բացարձակ չկա:

 

Նա ասաց, որ իրենց արշավը հիմնականում անցկացնում են քայլարշավի տեսքով, հասցրել են լինել մոտ երկու տասնյակ գյուղական համայնքներում եւ առաջիկա օրերին էլ շարունակելու են շրջայցերը, բայց այս ընթացքում նկատել են քաղաքացիների դրական արձագանքը: Նարեկ Բաբայանն ասաց, որ իր ընտրվելու դեպքում առաջին խնդիրը, որ պատրաստվում է լուծել, գյուղական բնակավայրերի եւ քաղաքի կոմունիկացիան ապահովելն է. «Խնդիրները շատ տարբեր են, վերելակներ, ճանապարհներ եւ այլն, բայց մենք նախ պետք է ապահովենք բնակավայրերի համաչափ զարգացումը. գյուղերը շատ կտրված են»:

Քաղաքապետի մյուս թեկնածու Գեւորգ Փարսյանն էլ իր հերթին հասցրել է լինել Կապան խոշորացված համայնքի բոլոր գյուղերում, իսկ մնացյալ թաղամասերում՝ առաջիկա օրերին: Փարսյանն էլ է նշում, որ քաղաքացիների արձագանքն իր ու իր թիմի նկատմամբ հիմնականում դրական է: Մեր զրույցում նա ասաց, որ ինքն, ընդհանուր առմամբ, տիրապետում է Կապանի խնդիրներին:

Ինչ վերաբերում է այն հարցին, թե ինչու է որոշել մասնակցել քաղաքապետի ընտրություններին, Փարսյանը «Հայկական ժամանակ»-ին ասաց, որ այս որոշմանն է հանգել երկրում տեղի ունեցած դրական փոփոխությունների եւ բնակիչների մի մասի ցանկության արդյունքում:

Քաղաքապետի թեկնածուն մեր զրույցում ասաց, որ տարբեր հանգամանքներ չհաշված՝ քարոզարշավը ընդհանուր առմամբ ընթանում է դրական մթնոլորտում, եւ հույս հայտնեց, որ մինչեւ վերջ էլ նույնկերպ կշարունակվի:

Մեր տեղեկություններով՝ Կապանի քաղաքապետի թեկնածու Գեւորգ Փարսյանը կրիմինալ կապեր ունի, որոնց միջոցով էլ փորձում է ընտրություններում հաջողության հասնել: Փարսյանը, սակայն հերքում է այս լուրերը եւ ասում, որ դրանք ուղղակի անհիմն խոսակցություններ են:

Մամուլում տարածված տեղեկությունների համաձայն՝ Գեւորգ Փարսյանը նախկինում 1 տարվա ազատազրկման է դատապարտված եղել՝ ծանր մարմնական վնասվածք հասցնելու (դանակահարության) մեղադրանքով, ապա վաղաժամկետ ազատ արձակվել: Փարսյանը մեր զրույցում ասաց, որ ինքն այժմ դատվածություն ունեցող անձ չի համարվում, քանի որ այդ դեպքից անցել է մոտ տասը տարի: Նա հավելեց, որ դա իր պատվի հարցն է եղել, եւ ինքը չի փոշմանում:

2014 թվականին Գեւորգ Փարսյանի նկատմամբ կրկին քրեական գործ է հարուցվել՝ դիտավորությամբ առողջությանը թեթև վնաս պատճառելու մեղադրանքով, սակայն որոշ ժամանակ անց գործը կարճվել է:

Տպել
10547 դիտում

Հաֆթարի ուժերը հայտարարել են Տրիպոլիի ափերի մոտ թուրքական նավ խոցելու մասին

Կփրկի՞ անձեռնմխելիությունը. աշխարհի առաջնորդներ, որոնք անցնում են հնչեղ քրգործերով

Այսօր շատ հիշարժան փաստաթուղթ եմ ստորագրել. Նիկոլ Փաշինյան

Հին թեզերը՝ նոր ձևաչափում. առաջին հրապարակային քննարկումը

Դանիայի խորհրդարանի նախագահ Հենրիկ Դամ Քրիստենսենի հետ հյուրընկալվեցինք Դանիայի թագուհի Մարգրեթ 2-րդի կողմից.Ա. Միրզոյան

Ոստիկանի սպանության մեջ մեղադրվող պատանու կալանավորման ժամկետը երկարաձգվել է. նա տեղափոխվել է ՔԿՀ

Արթիկում բացվել է երեխաների ցերեկային խնամքի առաջին կենտրոնը

Համայնքների ղեկավարներին առաջարկվել է թափառող շների ստերջացման գործընթաց սկսել

Բարսեղ Բեգլարյանի որդիները դատակոչվել, սակայն չէին ներկայացել դատարան. նիստը հետաձգվեց

16-ամյա երիտասարդի անձնական խուզարկությամբ հայտնաբերվել է երկու կռփազենք. ՀՀ ոստիկանություն

Երեւանի բնակարաններից մեկում 67-ամյա կնոջ դի է հայտնաբերվել

Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը. Կարապետյան

Ալավերդիում ամբողջությամբ այրվել է վագոն-տնակ. տուժածներ չկան

Արարատի մարզպետ Գարիկ Սարգսյանն ընդունել է Հռոմից հաղթանակած վերադարձած ընբիշ Գեւորգ Ղարիբյանին

Պուտինն աշխատանքից ազատել է իր 7 տարվա օգնականին

Մարդու իրավունքների պաշտպանն ընդունել է Հայաստանում Շվեդիայի դեսպանության գործերի հավատարմատարին

ՊԵԿ-ը կանխել է թմրամիջոցների մաքսանենգության հերթական փորձը

Արարատի մարզում անչափահասների կատարած հանցագործություններն ավելացել են. մարզի դատախազությունը քայլերի է դիմել

Նախագահ Արմեն Սարգսյանը եւ Հայաստանում ԱՄՆ դեսպան Լին Թրեյսին հանդիպել են

Ձեր ամեն քայլին հասարակությունն ուշադիր հետեւում է. Ֆելիքս Ցոլակյանը փրկարար ծառայողներին կոչումներ է շնորհել(տեսանյութ)