ֆրակցիանե՞ր են գոյացել թատրոնի ներսում. Ստանիսլավսկու գեղղեկավարի ընտրությունն անժամկետ հետաձգվեց

Հերթական անգամ հետաձգվեց Կոնստանտին Ստանիսլավսկու անվան ռուսական դրամատիկական թատրոնի գեղարվեստական ղեկավարի ընտրման գործընթացը:

Այս անգամ այն կարծես թե անժամկետ է: Մշակույթի փոխնախարար Նազենի Ղարիբյանի խոսքով՝ թատրոնի տնօրեն Ֆրեդ Դավթյանն է նման ցանկությամբ հանդես եկել՝ երեկվա մի քանի ժամ տեւած բուռն քննարկումից հետո:

«Երեկվա հանդիպման ժամանակ թատրոնի տնօրեն Ֆրեդ Դավթյանը առաջարկեց եւս 6 ամսով հետաձգել գեղարվեստական ղեկավար ընտրելու գործընթացը` պատճառաբանելով, որ դա լավագույն լուծումն է նման լարված իրավիճակում»,-ասաց Ղարիբյանը: Փոխնախարար Ղարիբյանը հայտնեց, որ մինչեւ հաջորդ տարվա հունվար ամիս դժվար թե ընտրվի գեղարվեստական ղեկավար:

Նշենք, որ Ստանիսլավկու անվան պետական ռուսական դրամատիկական թատրոնի գեղարվեստական ղեկավարի «անհաս» պաշտոնի համար պայքարողների թիվը նվազել է, նախկին 5-ից հասել 2-ի:

Կ. Ստանիսլավսկու անվան թատրոնի գեղարվեստական ղեկավարի պաշտոնում իրենց թեկնածությունն առաջադրած 5 մասնակիցներն էին` նախկինում Խաբարովսկի շրջանային դրամայի թատրոնի գեղարվեստական ղեկավար, բեմադրիչ՝ Ռոբերտ Մանուկյանը (ՌԴ քաղաքացի), Մոսկվայի Սերգեյ Փարաջանովի անվան թատրոնի հիմնադիր, բեմադրիչ՝ Վ. Գաբբեն (ՌԴ քաղաքացի), Ղազախստանի Ալմաթի քաղաքի Մ. Յ. Լերմոնտովի անվան ռուսական դրամայի թատրոնի բեմադրող ռեժիսոր Կարեն Ներսիսյանը եւ ՀՀ քաղաքացիներ Կ. Սատնիսլավսկու անվան պետական ռուսական դրամատիկական թատրոնի ռեժիսոր Նորա Գրիգորյանն ու ռեժիսոր-բեմադրիչ՝ Սուրեն Շահվերդյանը:

Հոկտեմբերի 4-ին մի քանի ժամ տեւած խորհրդակցության արդյունքում որոշվել է գեղարվեստական ղեկավարի թափուր պաշտոնում առաջադրված վերը նշված 5 թեկնածուներից ընտրել Կարեն Ներսիսյանին եւ Սուրեն Շահվերդյանին: Խորհրդակցությանը ներկա փոխնախարար Նազենի Ղարիբյանը երկու թեկնածուների ընտրությունը բացատրում է վերջիններիս ավելի բարձր որակական հատկանիշներով. «Երկուսն իրենց որակական չափանիշներով բարձր են բոլորից»:

Վերջիններս առաջիկայում հնարավորություն կունենան սույն թատրոնում բեմադրել մեկական ներկայացում, ինչն էլ թույլ կտա հետագայում հասկանալ թիմի հետ նրանց աշխատաոճն ու աշխատանքի որակը, ըստ այդմ՝ թատրոնի ղեկավարին տալով հստակ եւ համարժեք ընտրության հնարավորություն: Նախարարության փոխանցմամբ՝ ՊՈԱԿ-ի օրենքն ասում է, որ թատրոնի գեղարվեստական ղեկավար նշանակում է թատրոնի տնօրենը, իսկ տնօրենի կողմից նշանակումը կատարվում է ընտրությամբ:

«Այն պահին, երբ նախարար Մակունցն ասել էր, որ ձեր գեղղեկավարին դուք եք ընտրելու, դերասանները դրոշակի պես թափահարում էին ու տարբեր բողոքներ ներկայացնում: Տիկին նախարարն առաջնորդվել է կանոնադրության սկզբունքով, ինքն իր դավանած արժեքներից եւ վարած քաղաքականությունից ելնելով, որոշել էր իրավասությունը հանձնել թատրոնին», -ասաց Ղարիբյանը:

Նազենի Ղարիբյանի փոխանցմամբ՝ աշխատանքային խումբը նախապես ծանոթանալով մասնակիցների կողմից ներկայացրած կենսագրականներին եւ թատրոնի առաջիկա գործունեության տեսլականի հետ, տեսաձայնագրված տարբերակով քննության են առել յուրաքանչյուր թեկնածուի կողմից ներկայացրած ռեժիսորական աշխատանքները: Նրա խոսքով՝ այն ինչ փորձել են անել, ընդամենը ռուսական թատրոնի փոթորիկը հանդարտեցնելուն է ուղղված. «Մենք Ֆրեդ Դավթյանի խնդրանքով փորձել ենք իր կողքին լինել, իրեն մենակ չթողնել եւ աջակցել»:

Փոխնախարար Ղարիբյանից հետաքրքրվեցինք դերասանների զայրույթը բարձրացրած հարցերից մեկի մասին, ինչից հետո վերջիններս ստորագրահավաք էին կազմակերպելել: Ճշտեցինք, արդյո՞ք նախարարությունից զանգահարել են ՌԴ-ում բնակովող ռեժիսոր Կարեն Ներսիսյանին եւ հորդորել չգալ ու հարցազրույցին չմասնակցել:

Վերջինս չժխտեց, որ նման բան է եղել, ավելին, նա այդ քայլն արդարացի եւ օբյեկտիվ համարեց՝ մնացած թեկնածուների հանդեպ, ասելով. «Երբ վերջանական 5 թեկնածուները ուղարկել էին իրենց տեսական աշխատանքները, որոշեցինք, որ բացի տեսականից՝ վիդեոտարբերակներով գործեր էլ ուղարկեն: Եվ երբ մասնակիցներից մեկը ասաց, որ չի կարող գալ մասնակցել, եւ չի կարողանում վիդեո ուղարկել, որոշում կայացրեցինք, որ ամեն դեպքում արդար չի լինի, որ մեկը գա այնտեղից, մյուսները չկարողանան ներկա գտնվել»:

Ավելի վաղ Նորա Գրիգորյանը հանդիպել էր Լիլիթ Մակունցի, իսկ Սուրեն Շահվերդյանը Նազենի Ղարիբյանի հետ: Այդ հանդիպման բովանդակությանն ու հետեւանքներին ՀԺ-ն անդրադարձել էր:

Մեր հարցին՝ եթե թեկնածուներից (այսուհետ նախկին) Նորա Գրիգորյանի եւ Սուրեն Շահվերդանի հետ հանդիպում եղել է, ապա ինչո՞վ էր անարդար Կարեն Ներսիսյանի հետ հանդիպելը, Նազենի Ղարիբյանն ասաց, որ իր եւ Սուրեն Շահվերդյանի հանդիպումը ուռճացված է ներկայացվել թե՛ լրատվամիջոցների եւ թե՛ թատրոնի անձնակազմի կողմից. «Սուրեն Շահվերդյանին ես չեմ էլ ճանաչել, մենք մի քանի րոպե ենք զրուցել»:

Այսօր թատրոնի 47 հոգանոց անձնակազմը խմբերի է բաժանվել: Եվ ինչպես փոխնախարար Ղարիբյանը որակեց՝ փոքր ֆրակցիաներ են գոյացել թատրոնի ներսում, որոնց մի հատվածը ուզում է գեղղեկավարի պաշտոնում տեսնել Կարեն Ներսիսյանին, կան մարդիկ, որոնք կարծիք չունեն, կան մարդիկ, ովքեր բեմադրիչ Նորա Գրիգորյանի կողմնակիցն են:

«Ես ինչքան հասկացա՝ Նորայի կողմնակիցների թվում է նաեւ Ֆրեդ Դավթյանը: Բայց Նորայի հետ կապված կոնկրետ իմ առարկությունը հետեւյալն է, նա Ալեքսանդր Գրիգորյանի դուստրն է եւ ստացվում է, որ անմիջականաորեն փոխարինելու է նրան: Այդտեղ ես խնդիր եւ վտանգ եմ տեսնում, որովհետեւ իր ընտանիքի անդամներն այդ թատրոնում են աշխատում»- ասաց Ղարիբյանը: Վերջինս նշեց, որ նախարարությունում այնպիսի քաղաքականություն են որդեգրել, որով փորձում են մեղմել ժառանագաբար անցած կամ կլանային աշխատաձեւը, որը երկար տարիներ հաստատված է եղել ՀՀ ՊՈԱԿ-ներում:

«Ես գիտեմ, որ այնտեղի դերասանների մեծ մասը Սուրեն Շահվերդյանին ընդհանրապես տեսնել չեն ուզում, մի քանի հոգի կան, որոնք ասում են, որ կաշխատեն իր հետ: Սակայն մնացածն էլ խոստացել են որ եթե անգամ չբարեւեն,  հանգիստ աշխատեն»,-ասաց Ղարիբյանը:

Նա նաեւ հայտնեց, որ երեկվա քննարկումից եւ գեղղեկավարի ընտրությունը հետաձգելուց հետո առաջարկել է, որպեսզի վերջնական որոշված թեկնածուները ընթացքում պարապ չմնան, ներկայացումներ բեմադրեն եւ տեսնելով իրենց պրոֆեսիոնալ որակներն ու թիմի հետ աշխատելու կարողությունները՝ ընտրություն կատարել:

Տպել
1871 դիտում

Ներդրումային քաղաքականություն և խթանում. քննարկում Միջազգային ֆինանսական կորպորացիայի ներկայացուցիչների հետ

Զոհրաբ Մնացականյանը Լատվիայի նախագահի ուշադրությունը հրավիրել է Հայաստանում ընթացող բարեփոխումների վրա

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ

Արդարադատության փոխնախարարներն ընդունել են Վենետիկի հանձնաժողովի փորձագիտական խմբի պատվիրակությանը

Երեւանի 73 համարի երթուղին այլեւս չի սպասարկվում, քաղաքացիները ստիպված են երկու տրանսպորտային միջոցից օգտվել

Հավատացնում եմ, որ դեռ շատ եմ հաղթելու, դուք էլ շատ եք ուրախանալու. Արթուր Ալեքսանյան

Հայաստանում առաջին անգամ հետիոտնային անցումներում տեղադրվել են երեխաների տեսքով ֆիգուրներ

Երեւանում Niva-ն մխրճվել է հայտնի երգիչ Գրիգոր Աղախանյանի կայանած Range Rover-ի մեջ

Վթար Սևան-Մարտունի-Գետափ ավտոճանապարհին. կա 2 տուժած

Գրանցվել է խոտածածկ տարածքներում բռնկված 25 հրդեհ` ընդգրկելով մոտ 45 հա տարածք

Թուրքիայում կրկին քուրդ քաղաքապետ է ձերբակալվել

Աշտարակի ոստիկանները ապօրինի ծառահատման դեպք են բացահայտել (տեսանյութ)

Վանաձորցի քրեական հեղինակություն է բերման ենթարկվել․ նա հետախուզվում էր սպանության փորձի մեղադրանքով

Երևանի Աջափնյակ վարչական շրջանի ղեկավարի տեղակալ Արամ Մանուկյանն ազատման դիմում է ներկայացրել

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել

ՀՀ ոստիկանությունը մեկ օրում բացահայտել է հանցագործության 64 դեպք