News.am-ի հայցադիմումը՝ ընդդեմ «Հայկական Ժամանակ»-ի հետ է վերադարձվել

Սեպտեմբերի 28-ին ՀԺ-ն գրել էր, որ News.am-ը դատի է տվել «Հայկական ժամանակ» օրաթերթին: Հոկտեմբերի 4-ին Երեւան քաղաքի ընդհանուր իրավասության դատարանի դատավոր Երվանդ Եսոյանը հայցադիմումը վերադարձնելու մասին որոշում է կայացրել, այս մասին տեղեկանում ենք դատական տեղեկատվական համակարգից:

«Երեւան քաղաքի ընդհանուր իրավասության դատարանի դատավոր Ե. Եսոյանս, ծանոթանալով «Նյուզ Էյէմ» ՍՊ ընկերության ընդդեմ «Դարեսկիզբ» ՍՊ ընկերության՝ գործարար համբավին պատճառված վնասի փոխհատուցման պահանջի մասին հայցադիմումին.

Պարզեցի

«Նյուզ Էյէմ»ՍՊ ընկերության ներկայացուցիչ Արամազդ Կիվիրյանը 2018թ. սեպտեմբերի 26-ին հայցադիմում է ներկայացրել դատարան ընդդեմ «Դարեսկիզբ» ՍՊ ընկերության՝ գործարար համբավին պատճառված վնասի փոխհատուցման պահանջի մասին:

Հայցադիմումը Երեւան քաղաքի առաջին ատյանի ընդհանուր իրավասության դատարանի դատավոր Ե. Եսոյանի աշխատակազմին է հանձնվել 2018թ. սեպտեմբերի 28-ին:

Դատարանը, ուսումնասիրելով գործում առկա փաստաթղթերը, գտնում է, որ ներկայացված հայցադիմումը ենթակա է վերադարձման հետեւյալ պատճառաբանությամբ.

ՀՀ քաղաքացիական դատավարության օրենսգրքի 127 հոդվածի 1-ին մասի 3-րդ կետի համաձայն` առաջին ատյանի դատարանը վերադարձնում է հայցադիմումը, եթե չեն պահպանվել սույն օրենսգրքով հայցադիմումի ձեւին, բովանդակությանը եւ կից փաստաթղթերին ներկայացվող պահանջները.

ՀՀ քաղաքացիական դատավարության օրենսգրքի 122-րդ հոդվածի 1-ին մասի 5-րդ կետի համաձայն՝ հայցադիմումին կցվում են հայցադիմումի օրինակը եւ դրան կից փաստաթղթերի պատճենները գործին մասնակցող անձանց ուղարկելը հավաստող ապացույցներ, բացառությամբ սույն հոդվածի 2-րդ մասով նախատեսված դեպքերի.

Այս առումով դատարանը, փաստում է, որ դատարան չեն ներկայացվել հայցադիմումի օրինակը եւ դրան կից փաստաթղթերի պատճենները գործին մասնակցող անձանց ուղարկելը հավաստող ապացույցներ, քանի որ հայցադիմումին կից ներկայացվող փաստաթղթերի 6-րդ կետում նշված է՝ «6. Հայցադիմումի օրինակը պատասխանողին ուղարկելը հավաստող փոստային առաքման անդորրագիրը», մինչդեռ պետք է պատասխանողին ուղարկվեր նաեւ կից փաստաթղթերի պատճենները:

Դատարանը վերլուծելով վերը նշված հանգամանքները գտնում է, որ չեն պահպանվել վերոնշյալ հոդվածների պահանջները, որոնք էլ հիմք են միջնորդությունը վերադարձնելու համար:
Ելնելով վերոգրյալից եւ ղեկավարվելով ՀՀ քաղաքացիական դատավարության օրենսգրքի 121-122, 124, 127, 199-200, 360-362 հոդվածներով՝

Որոշեցի
1. «Նյուզ Էյէմ» ՍՊ ընկերության ընդդեմ «Դարեսկիզբ» ՍՊ ընկերության՝ գործարար համբավին պատճառված վնասի փոխհատուցման պահանջի մասին հայցադիմումը վերադարձնել։
2. Հայցադիմումը վերադարձնելու մասին որոշումը կարող է բողոքարկվել ՀՀ վերաքննիչ քաղաքացիական դատարան՝ այն ստանալուց հետո՝ յոթնօրյա ժամկետում։

Դատավոր` Երեմ Եսոյան»,- գրված է դատական ակտի մեջ:

Հիշեցնենք, որ հայցի համար հիմք է հանդիսացել «ՀԺ»-ի կողմից հրապարակված «Արարատ, Արմնյուզ, Հ2, News.am, Երկիր Մեդիա, ֆեյքեր. որ լրատվամիջոցներն է «առել» Քոչարյանը» վերտառությամբ հոդվածը:

Տպել
2361 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան