Իմ հրաժարականից հետո քաղաքական բոլոր գործընթացների պատասխանատվությունը կլինի ձեր վրա. վարչապետ

ՀՀ վարչապետ Նիկոլ Փաշինյանը դուրս եկավ Ազգային ժողովի շենքից, մոտեցավ ու ժողովրդին ներկայացրեց՝ ինչ է կատարվել ներսում:

«Հպարտ քաղաքացիներ, ո՞նց եք, դուխներդ տե՞ղն է: Դուք հաղթել եք եւ այդ հաղթանակը ձեզանից խլել հնարավոր չէ:

Փորձեմ ներկայացնել՝ ինչ կատարվեց շենքի ներսում: Բայց մինչ այդ, կրկին անգամ կոչ եմ անում մեկնաբանություններում, վանկարկումներում զերծ մնալ վիրավորանքներից ու նման արտահայտություններից, սա բոլորովին նոր փուլ է:

Ես գնացի նախ ԵԼՔ խմբակցության սենյակ, այնտեղ միայն Արամ Սարգսյանն էր, հետո իմացա, որ բոլորը Արա Բաբլոյանի աշխատասենյակում էին: Մենք բարձրացանք եւ ասացինք, որ երկրում հաստատված է քաղաքական ճգնաժամ եւ այն հաղթահարել է պետք: ՀՀԿ-ն, ԲՀԿ-ն եւ ՀՅԴ-ն նույնպես հաստատեցին, որ այդ ճգնաժամը պետք է հաղթահարել այնպես, որ երկիրը հաղթնակած դուրս գա: Ես նշեցի, որ առաջիկա օրերին ես պետք է հրաժարական տամ վարչապետի պաշտոնից եւ ես ակնկալում եմ, որ գործող խորհրդարանը ավելի չի գրգռի մարդկանց, որովհետեւ եթե ՀՀԿ-ն, ԲՀԿ-ն կամ ՀՅԴ-ն առաջադրեն վարչապետի թեկնածու, որը միանգամայն հնարավոր է, անգամ կարող են ընտրել այդ թեկնածուին, բայց պետք է իմանան, որ դա կարող է ժողովրդին դուր չգալ: Դա մարդկանց շրջանում վատ արձագանք կառաջացնի, մեղմ ասած:

Ես կարծում եմ, որ լավ կլինի մենք ստորագրենք փաստաթուղթ, որ իմ հրաժարականից հետո խմբակցությունները վարչապետի թեկնածու չեն առաջադրի, այսինքն՝ 2 անգամն էլ վարչապետի ընտրություն տեղի չի ունենա, ինչի արդյունքում մենք դեկտեմբերին կունենանք Ազգային ժողովի արտահերթ ընտրություններ:

Խորհրդարանական ուժերի ներկայացուցիչների ասածի իմաստն այն է, որ ըստ էության ընկալում են ժողովրդի ուղերձը եւ հարգանքով են վերաբերվում ժողովրդի ուղերձին, դիրքորոշմանը եւ բանավոր ասացին 3 կուսակցություններն էլ, որ անկախ փաստաթղթից, իրենք չեն պատրաստվում ոչ առաջին, ոչ երկրորդ անգամ առաջադրել թեկնածու: Ես ընդամենը պատմում եմ խոսակցությունը եւ այդ խոսակցությունից իմ տպավորությունը: Եթե ինչ-որ տեղ սխալ տպավորություն եմ ստացել, թող իրենք պարզաբանեն, հստակեցնեն: Ես ասում եմ՝ իմ հասկանալով չեն առաջադրելու, եթե սխալ եմ հասկացել, թող ասեն ոչ, մենք առաջադրելու ենք:

Հարցնում են՝ ինչու՞ հիմա պետք է տեղի ունենան արտհերթ խորհրդարանական ընտրություններ: Ես ասացի, որ նախկինում ինչ ասել եմ, հաստատում եմ, բայց ամենակարեւորը որն է՝ երկրում հաստատվել է քաղաքական ճգնաժամ, որը պետք է ժամ առաջ լուծվի: Երկրում հաստատված է Ազգային ժողով, որը չի ներկայացնում ՀՀ քաղաքացիներին, չի ներկայացնում ժողովրդին: Այս ճգնաժամը հանգուցալուծելու միայն 1 տարբերակ կա եւ դա է՝ ԱԺ արտահերթ ընտրությունների անցկացումը:

Ես արձանագրեցի մեր դիրքորոշումը՝ նաեւ ինձ իրավունք վերապահելով ներսում խոսել ձեր անունից ու ասել, որ դա ձեր դիրքորոշումն է: Ընտրությունները պետք է տեղի ունենան դեկտեմբեր ամսվա առաջին կեսին:

Ես ասացի, որ վարչապետի կարգավիճակում արդեն մեկ ու կես ամիս զգում եմ, որ երկրի բոլոր հարցերը ուղղվել են երկրորդ պլան, բոլորի համար միայն 1 պահանջ կա՝ արտահերթ խորհրդրանական ընտրությունների: Մեր դիրքորոշումն է, որ ժամկետը պիտի լինի դեկտեմբերին: Հարց է ծագում՝ ինչու՞ հենց դեկտեմբերին, այլ ոչ նոյեմբերին, որովհետեւ տրամաբանորեն ավելի շուտ անցկացնելու հնարավորություն չկա: Կան ժամկետների խնդիրներ՝ հստակ սահմանված:

Այստեղ կա մեկ մեծ խնդիր՝ դա Ֆրանկոֆոնիայի գագաթնաժողովն է: Բայց այս պահի դրությամբ որեւէ խնդիր չկա, գագաթնաժողովը նորմալ տեղի կունենա: Գործընկերային կոռեկտության տեսանկյունից ելնելով ես կխորհրդակցեմ նաեւ ֆրանկոֆոն երկրներից մի քանիսի հետ:

Կարող ենք արձանագրել հետեւյալը՝ մենք այսօր ցույց տվեցինք, որ հենց այսօր Հայաստանում արտահերթ խորհրդարանական ընտրություններ անցկացնելը համազգային, համաժողովրդավարական պահանջ է եւ էն քաղաքական ուժերը, որոնք դեմ կգնան այդ պահանջին, նրանք ուղիղ պատերազմ են հայտարարում սեփական ժողովրդին: Իմ տպավորությամբ, այդ ուղերձը ՀՀԿ, ԲՀԿ եւ ՀՅԴ կուսակցությունների մեր գործընկերների կողմից ընկալելի է, բայց որեւէ գրավոր կամ բանավոր երաշխիքներ չկան: Ես ստացել եմ էդ պահանջը, եւ այդ պատասխանով, Ազգային ժողովի դռների բացմամբ, մնում է միայն հուսալ, որ այս ամենը ընկալելի է այդ նախագծին կողմ քվեարկած խմբակցություններին եւս:

Արտահերթ խորհրդարանական ընտրությունները պետք է տեղի ունենան անհապաղ, հնարավորինս արագ:

Ես այս ընթացքում հեռախոսազրույց ունեցա Արմեն Սարգսյանի հետ եւ իմ տպավորությամբ ինքը ժողովրդին դեմ որեւէ քայլ չի անի, բայց երկրում չի, ԱՄՆ-ում է: Նա էլ է գալու Փարիզ՝ Շառլ Ազնավուրի հուղարկավորությանը, մենք այնտեղ կքննարկենք, Հայաստանում էլ կքննարկենք:

Իմ հրաժարականից հետո քաղաքական բոլոր գործընթացների պատասխանատվությունը կլինի ձեր վրա: Եթե դուք տաք վարչապետին ընտրելու հնարավորությունը, նրանք կընտրեն, եթե չտաք՝ չեն ընտրի:

Մենք, ըստ էության այսօրվա անելիքներն արեցինք երեւի գերազանց»,-եզրափակեց վարչապետը՝ չմոռանալով շեշտել, որ սիրում է բոլորին, հպարտանում է բոլորով, խոնարհվում բոլորի առաջ:

Վերջում՝ բուռն ծափահարություններ նվիրվեցին Շառլ Ազնավուրի հիշատակին, այնուհետ թմբուկի զարկեր հնչեցին:

Նիկոլ Փաշինյանը որպես վերջաբան նշեց, որ ժողովրդի հաղթանակը ոչ ոք չի կարող խլել, չարժե անգամ նման փորձ անել, որովհետեւ չի ստացվի:

Այս պահին քաղաքացիները երթ են անում Երեւանի փողոցներում:

Տպել
8267 դիտում

ՀՀ 16 համայնքներում ընտրություններին մասնակցել է ընտրողների 49.77 տոկոսը․ ԿԸՀ տվյալներ

Կոշում գործող համայնքի ղեկավարի հետ կապված անձինք ուղղորդում էին ընտրողներին. «Անկախ դիտորդ»

Արագածոտնի Թլիկ համայնքի գյուղապետի միակ թեկնածուն պարտվել է ՏԻՄ ընտրություններում

Դալարիկ և Քարակերտ գյուղերի հատվածում գնացքը բախվել է մեքենային. կա տուժած

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու