Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

ՀՀ ՊՆ ղեկավար Դավիթ Տոնոյանի մոտ ամիսներ առաջ տեղի էր ունեցել խորհրդակցություն, որի արդյունքներով նախարարը հանձնարարականներ էր տվել՝ շարունակել օպտիմալացման հայեցակարգի իրականացմանն ուղղված աշխատանքները: Դավիթ Տոնոյանը հանձնարարել էր նաեւ ՀՀ ՊՆ, ԶՈւ եւ ԶՈւ ԳՇ համապատասխան վարչություններին որոշումների վերջնական կայացումը հետաձգել մինչեւ ընթացիկ տարվա հունիսի 21-ը:

«Այդ հարցը ընթացքի մեջ է, կարգավորվել է այնպես, ինչպես ասել ենք առաջին օրվանից: Օպտիմալացվելու է, խոշորացվելու է: Կրճատվելու»,- այս մասին ՀԺ-ի հետ զրույցում ասաց ՀՀ ՊՆ մամուլի խոսնակ Արծրուն Հովհաննիսյանը:

- Պարոն Հովհաննիսյան, զինկոմիսարիատների օպտիմալացման հետ կապված հարցը ինչպե՞ս է կարգավորվել:

- Հարցը կարգավորվել է այնպես, ինչպես ասել ենք առաջին օրվանից: Օպտիմալացվելու է, խոշորացվելու է: Կրճատվելու է, մեծանալու է՝ ունենալով փոքր մասնաճյուղեր: Մեր հիմնական աշխատակիցներին, ովքեր մեզ պետք են տարիքայինով եւ դեռ կարող են աշխատել, աշխատելու ենք պահել այդտեղ կամ մոտակա զորամասում:

- Այսինքն, այնպես եք փորձելու անել, որ աշխատատեղեր չպակասե՞ն:

- Չէ, աշխատատեղեր կպակասեն ամեն դեպքում: Իմաստը հենց դա է, որ ավելորդ աշխատատեղեր չպահենք՝ հաշվի առնելով մեր զորակոչի անցկացման նոր իրավիճակները: Բայց միեւնույն ժամանակ, որպեսզի մեր աշխատակիցները աշխատանք չկորցնեն, ծառայություն չկորցնեն, իրենց դրա համար կառաջարկվի նաեւ զորամասերում, կամ այլ զորատեսակներում ծառայության հնարավորություններ:

- Փաստորեն, հնարավոր է՝ զինկոմիսարիատի աշխատողին աշխատանք առաջարկվի ոչ թե զինկոմիսարիատներում, այլ ասենք զորամասերո՞ւմ:

- Հա, իհարկե:

- Հաշվարկներ կա՞ն, թե որքան աշխատատեղ է պակասելու այս գործընթացի արդյունքում:

- Չեմ կարող ասել: Այնպես չի, թե այս պրոցեսը միանգամից մի գրչի հարվածով լուծվելու է, այն ընթացիկ է: Այնպես չի, որ մի օրում բոլոր զինկոմիսարիատները օպտիմալացվում են: Դա ընթացիկ է, ասենք, այս տարի կարող է 2 զինկոմիսարիատ կրճատվել, վերափոխվել 1 զինկոմիսարիատի: Եկող տարի կարող է 5 հատ կրճատվի եւ դառնա 2 հատ:

Միանգամից չի լինելու՝ հաշվի առնելով ե՛ւ մարդկանց ծառայության հարցերը ե՛ւ նաեւ մեր այլ ծառայողական պահանջները եւ պայմանները, որոնք բոլորը չի, որ կարող եմ բարձրաձայնել:

- Օրինակ, եթե Կապանի եւ Գորիսի զինկոմիսարիատները օպտիմալացման արդյունքում միացվում են, ինչպե՞ս է որոշվում, թե ով պետք է լինի զինկոմիսարը:

- Չի բացառվում, որ ոչ մեկն էլ գործող զինկոմներից չլինի: Գործող զինկոմներից ընտրվելը գլխավոր պայման չէ: Գործող զինկոմը կարող է ընտրվել, կարող է չընտրվել: Կարող է գնալ թոշակի եւ փոխարենը ինչ-որ երիտասարդ սպա նշանակվի: Դա ընթացիկ կադրային քաղաքականություն է, որը այս պահին չեմ կարող ասել:

- Իսկ Երեւանում է՞լ է լինելու այդ օպտիմալացումը, թե՞ միայն մարզերում:

- Երեւանից է սկսվել:

Հիշեցնենք, որ դեռ ՀՀ ՊՆ նախկին նախարար Վիգեն Սարգսյանը ԱԺ-ում «Պաշտպանության մասին» օրենքի քննարկման ժամանակ հայտարարել էր, որ նախատեսվում է զինկոմիսարիատների թվի կրճատում, խոշորացում:

«Պաշտպանության մասին» նոր օրենքով՝ զինկոմիսարիատների կառավարումը ԶՈՒ գլխավոր շտաբից փոխանցվում է ՊՆ-ին: Զինկոմիսարիատների օպտիմալացման պարագայում 44 զինկոմիսարիատներից մնալու է 14-ը, իսկ յուրաքանչյուրում՝ 20 աշխատողներից՝ երկուսը։ Զինկոմիսարիատների խոշորացման շրջանակներում առաջին փուլով նախատեսվում է 20 զինկոմիսարիատից ստանալ 7-ը:

Տպել
1441 դիտում

Ապարանի ոստիկանները ապօրինի ծառահատման դեպք են բացահայտել (տեսանյութ)

Հայտնաբերվել է Արենիին պատկանող և 2 մլն դրամ արժողությամբ խողովակները գողացած անձը (տեսանյութ)

Նոյեմբերի 14-ին Աջափնյակի մի շարք հասցեներում 12 ժամով կդադարեցվի ջրամատակարարումը

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ