Սահմանամերձ որոշ համայնքներում վերջին օրերին կրակոցներ են եղել, որոշներում` ոչ

Ուրբաթ օրը` սեպտեմբերի 28-ին, ՀՀ վարչապետ Նիկոլ Փաշինյանը ֆեյսբուքյան ուղիղ եթերի միջոցով հայտարարեց, որ Ադրբեջանի նախագահ Իլհամ Ալիեւի հետ պայմանավորվել են, որ իրենց պաշտպանության նախարարություններին հանձնարարություն կտան՝ կոնկրետ քայլեր ձեռնարկել սահմանագծում եւ, ընդհանրապես առկա լարումն իջեցնելու վերաբերյալ: Փաշինյանը նշել էր, որ դրանք սահմանային միջադեպերը կանխելուն ուղղված քայլեր են:

ՀԺ-ն ՀՀ սահմանամերձ մի շարք համայնքների ղեկավարներից հետաքրքրվեց, թե այդ հայտարարությունից հետո սահմանային իրավիճակը վերջին 2-3 օրերին ինչպիսի՞ն է եղել: Հիմնականում զրուցել ենք այն համայնքապետերի հետ, որոնց ղեկավարած համայնքներում մոտ երկու շաբաթ առաջ հաճախակի կրակոցներ էին լինում:

Բաղանիսի համայնքապետ Նարեկ Սահակյանը նշեց, որ երեկ երեկոյան սահմանում կրակոց է եղել, սակայն հարաբերական անդորրը պահպանվում է: Սահակյանը նաեւ նշեց, որ անցած շաբաթվա համեմատ հիմա նորմալ է:

Կոթիի համայնքապետ Ֆելիքս Մելիքյանը մեր զրույցում ասաց. «Նախանցած գիշեր էլ է կրակոց եղել, անցած գիշեր էլ», դիտարկմանը, թե ինչպես նախկինում է եղել, այդպես էլ հիմա՞ է շարունակվում Մելիքյանը արձագանքեց. «Ամսի 16, թե 17-ին էին վերջին անգամ կրակել եւ այդ հատվածում մի քանի օր նորմալ է, նախանցած գիշեր նորից սկսվել է: Կարճ կրակահերթեր են եղել, որը նախանցած գիշեր տեւեց մոտ 10 րոպե, իսկ անցած գիշեր մոտ 30 րոպե` ընդհատումներով»:

«Ոսկեպարում վերջին օրերին կայուն իրավիճակ է, կրակոցներ չեն եղել»,- այս մասին մեր զրույցում ասաց Ոսկեպար վարչական շրջանի ղեկավար Սերոբ Մախսուդյանը: Նա նշեց, որ դրանից առաջ եղել են կրակոցներ, սակայն վերջին օրերին չեն եղել:

Վազաշենում սահմանային վիճակը վերջին օրերին հանգիստ է: Ի տարբերություն դրանից առաջ եղած վիճակի, վերջին օրերին կրակոցներ ընդհանրապես չեն եղել, այս մասին տեղեկացանք Վազաշենի համայնքապետ Լորիկ Բադիրյանից:

«Ընդհանուր առմամբ` համեմատական առումով վերջին օրերին հանգիստ է: Այս շաբաթվա ընթացքում մոտ 3 հազար կրակոց է եղել, դա միջին ցուցանիշ է»,- այս մասին մեր զրույցում ասաց Արցախի նախագահի մամուլի խոսնակ Դավիթ Բաբայանը:

Բաբայանը նշեց, որ ողջունում են Փաշինյանի եւ Ալիեւի միջեւ ձեռք բերված պայմանավորվածությունը, բայց կարծում է, որ ի դեմս Ադրբեջանի կա երկիր, որը խախտում է բոլոր պայմանավորվածությունները` բանավոր, գրավոր, միջազգային իրավունքի դրույթները եւ սեփական սահմանադրությունը: «Սրա ազդեցությունը հնարավոր կլինի գնահատել 10-15 օրից հետո»,- եզրափակեց Բաբայանը:

Տպել
1113 դիտում

Բալային համակարգի ներդրումից հետո որոշ քաղաքացիներ բիզնես են սկսել. 1 բալն արժե 50-65 հազար դրամ, զեղչեր էլ չկան

Արցախի հայության գոյության միակ հնարավոր ճանապարհը Արցախի ինքնորոշումն է. Արարատ Միրզոյան

Անցնող շաբաթ հակառակորդը հրադադարի պահպանման ռեժիմը խախտել է 80 անգամ

Գմփոցով, թեթեւ տրաքոցներով «Մամուլի» շենքի վահանակները պայթել են

«Մամուլի» շենքում բռնկված հրդեհը մեկուսացվել է. տուժածներ չկան

«Գազպրոմ Արմենիա»-ն թանկացման հայտ չի ներկայացրել, իսկ Վանեցյանի բաջանաղ, ՀԾԿՀ նախագահը համոզում է, թե ինչու կթանկանա

Հունվարի 18-ին գրանցված երկրաշարժն ու հետցնցումներն արտառոց չեն Ջավախքի գոտու համար. ԱԻՆ

Գեորգի Կուտոյանի անժամանակ մահվան բոթը խիստ ցավալի էր և ցնցող. Էդուարդ Մարտիրոսյան

Հրդեհ է բռնկվել «Մամուլի» շենքի առաջին հարկում. հայտարարվել է հրդեհի բարդության «1-ԲԻՍ» կանչ

ՀՀ ԱԺ-ում մեկնարկել է Հայաստան-Արցախ միջխորհրդարանական հանձնաժողովի ընդլայնված նիստը

Դերասան Հովհաննես Ազոյանի միջադեպի գործով մեղադրանք է առաջադրվել 31-ամյա երիտասարդի

Ադրբեջանը խորհրդարանական արտահերթ ընտրությունների նախաշեմին է․ ընդդիմադիրները կշահարկեն Արցախյան հակամարտության թեման

Արցախում 15.2 տոկոսով աճել են ներմուծված, 19.6 տոկոսով՝ արտահանված ապրանքների թվերը

Երեւանում եւ Աշտարակում արգելափակված ավտոմեքենաները դուրս են բերվել

Կոտրել են «Իմ քայլը» խմբակցության պատգամավորի մեքենայի ապակին եւ գողացել անձնական փաստաթղթերով պայուսակը

6-ամյա Տիգրան Ամիրխանյանի բուժմանն ուղղվել է 700.000 դրամ. Տաթեւիկ Ռեւազյան

Հրազդանում «BMW X6»-ը բախվել է պատին. տուժածների թվում 3 աղջիկ կա

ՃՏՊ Երեւանում. «Mercedes E» մակնիշի ավտոմեքենայի 24-ամյա վարորդը մահացել է

Փակ է Հ-31 ավտոճանապարհի Հարթաշեն-Տաշիր հատվածը, Սյունիքի մարզի ավտոճանապարհներին առկա է մերկասառույց:

Հունվարի 18-ին 2 երկրաշարժ է գրանցվել ՀՀ-ում. ցնցումները զգացվել են Լոռիում եւ Շիրակի մարզում