Գյուղ, որ գյուղատնտեսությամբ չի զբաղվում. Օրվա համայնքը՝ Բազում

Լոռու մարզի Բազում գյուղում գյուղատնտեսական աշխատանքներով գրեթե չեն զբաղվում: Հողագործությամբ բնակիչները չեն զբաղվում օբյեկտիվ ու սուբյեկտիվ մի շարք պատճառներով: Անասնապահությունը եւս գյուղում անկում է ապրում՝ շահութաբեր չէ:

Բազում գյուղն ունի 1380 բնակիչ, գտնվում է մարզկենտրոն Վանաձորից մի քանի կմ հեռավորության վրա՝ Վանաձոր-Ստեփանավան ավտոճանապարհի հարեւանությամբ: Դպրոցում սովորում է 156 աշակերտ, մանկապարտեզ է հաճախում 26 երեխա:

Գյուղից արտագաղթ որպես այդպիսին չկա, մինչդեռ մեծ թիվ են կազմում արտագնա աշխատանքի մեկնողները:

Համայնքի բյուջեն՝ սեփական եկամուտներով ու պետական դոտացիայով կազմում է շուրջ 41 մլն դրամ: Սեփական եկամուտների հավաքագրման ցուցանիշը գյուղում բարձր է ՝ 126 տոկոս կատարողական:

Համայնքի խնդիրներից ամենագլխավորը խմելու ջրի բացակայությունն է, ինչն իր մեջ լուրջ վտանգ է պարունակում. «Ժողովուրդն օգտվում է վատ ջրերից, դրա վարակը ամեն րոպե կարող է տարածվել գյուղում»,- ՀԺ-ի հետ զրույցում ասաց համայնքի ղեկավար Սրբուհի Հարությունյանը՝ մանրամասնելով խնդիրը. «Համայնքը ջուր չունի, սարից ու հորերից է ջուրը տուն հասցրել, բայց դա խմելու համար ոչ պիտանի ջուր է, ինչի մասին ամեն անգամ փաստում են մասնագետները՝ կոչ անելով հրաժարվել այդ ջրերից: Ես հայտարարություն եմ տարածում, կոչ եմ անում չօգտագործել, բայց դե գյուղի հոգնած բնակիչը չի կարող ամեն անգամ գալ ու ջուր եռացնել, հետո նոր օգտագործել»:

Գյուղի վերին հատվածում տեղակայված թաղամասը, որ տարիներ շարունակ բացարձակապես զրկված է եղել անգամ նույն այդ տեխնիկական ջրից, փոխարենը այն գնել է կամ խանութից, կամ նախկին ջրմուղից, այսօր որոշակի առաջընթաց է արձանագրել: Ջրամատակարարում վերին հատվածում որոշակի կա, փոխարենը մանկապարտեզի ջուրն են գնում խանութից:

Նախորդ իշխանությունների օրոք տարիներ շարունակ ջրի խնդիրը քննարկվել ու բարձրաձայնվել է, սակայն՝ ապարդյուն, ասում է նախկին հանրապետական գյուղապետը, ով անդամատոմսից հրաժարվել է հեղափոխությունից անմիջապես հետո. «Մեր ջուր ունենալու միակ ճանապարհը Հոբարձի համայնքից է, մինչդեռ դա էլ թանկ հաճույք է, շուրջ 300 մլն գումար է պետք, բայց թե ում միջոցներով պետք է արվի, պարզ չէ»:

Համայնքապետարանը 10 աշխատակից ունի, բյուջեի շուրջ 50 տոկոսը միայն աշխատավարձի վրա է ծախսվում:

Ընթացիկ տարում խճապատվել են ներհամայնքային ճանապարհները: Գյուղապետի փոխանցմամբ, ելնելով աշխարհագրական դիրքից, ամեն անձրեւից հետո դրանք կրկին ենթակա են նորոգման: Առաջիկայում պատրաստվում են թաղամասերից մեկում լուսավորություն անցկացնել:

Վերջին տարիներին գյուղում իրականացված միակ պետական ծրագիրը գյուղապետարանի շենքի կառուցումն է եղել, որեւէ այլ բան գյուղում պարզապես չի արվել:

Նոր իշխանություններին գյուղի խնդիրները ներկայացրել են, սակայն լուրջ քննարկումներ ու հանդիպումներ դեռեւս չեն եղել:

Տպել
7051 դիտում

Բասեն գյուղում մոտ 500 հա խոտածածկույթ է այրվել. ԱԻՆ

Իտալիա-Հայաստան ֆուտբոլային հանդիպման մեկնարկային կազմերը

Բազումը նոր բաժնի պետ ունի. ոստիկանապետի պաշտոնակատարը նոր նշանակումներ է կատարել

Չարենցավանում վագոն-տնակ է այրվել. ԱԻՆ

«Գազպրոմ Արմենիա»-ն չի մեկնաբանում Նոր Հաճնում տեղի ունեցած ողբերգական դեպքը. միայն հիշեցնում է գազօգտագործման կանոնները

Աննա Հակոբյանը հանդիպել է Լիտվայի նախագահ Գիտանաս Նաուսեդայի կնոջ՝ Դիանա Նաուսեդիենեին

Սկանդալ թուրքական մամուլում. Հայոց ցեղասպանությունը ժխտող լրագրողը ազատման դիմում է գրել

Վեդիի ԲԿ-ն համալրվել է ժամանակակից տեխնիկայով

Զանգվածային ցույցեր Իրանի տասնյակ քաղաքներում. ցուցարարները հրդեհում են բանկերը, բենզալցակայանները, երկրում քաոս է

Արցախյան պատերազմի ժամանակ, երբ այս առարկաները պարտադիր չէին, պակաս հայրենասերներ չենք ունեցել. Արայիկ Հարությունյան

Բարձր կարգի թոշակ՝ հրաժարականի դիմաց. ՍԴ անդամները կգնա՞ն այս քայլին

Փակված հանքի տարածքում տնկվել է ավելի քան 600 ծառ

Ղարաբաղը պետք է վերադարձվի Ադրբեջանին. Սահակաշվիլին Ալիեւին իր եղբայրն է անվանել

Կառավարությունում քննարկվել են պետություն-եկեղեցի հարաբերություններում հարկային և մաքսային ոլորտի հարցեր

Վրաստանի խորհրդարանի մուտքերը արգելափակված էին 24 ժամ. ջրցան, հատուկջոկատայիններ և տուժածներ, ցույցը ցրվել է

Մոսկվայում Մհեր Գրիգորյանի նախագահությամբ կայացել է ԵԱՏՀ խորհրդի հերթական նիստը

ԿԳՄՍ նախարարության աջակցությամբ ընդլայնվել են կեցության փոխհատուցում ստացող ուսանողների խմբերը

Տավուշի մարզում եւ Արցախում ականի պայթյունից զինծառայողներ են վիրավորվել. նրանց կյանքին վտանգ չի սպառնում

Հերթ պահող քաղաքացիները երբեմն իրենց հերթերը վաճառում են. շահագործվեց Գյումրու ավտոմաքսատան առաջին հատվածը

Տան տանիքում հրդեհ է բռնկվել. ԱԻՆ